 |
  |
|
|
|
12-19-2009, 01:02 PM
|
#6 |
|
|
رد: بيتك جنه دائما مع عاشقه بعلها
هانبدأ بالمطبخ لو المواعين بتفضل فى الحوض كتير ولو بيفضل اكل مكشوف ولو باسكت الزباله مابيفضاش أول بأول ولوموش بأنضف السيراميك وخشب المطبخ لأن أبخرة الأكل بتلزق فيها وتعمل ريحه مع الآتربه. لو الوضع هكذا فى المطبخ يبقى لازم فى ريحه. نقطه مهمه بجد بتزعلنى أوى احنا بنصرف فلوس فى حاجات كتير ونيجة على حاجه كلام فاضى . لييييييه مايكونش عندة باسكت للزباله محترم واحط فيه الأكياس المخصصه ليه موش اجمع شوية شنط اشى من كارفور واشى موش عارفه منين علشان اكومها فى ركن وتلملى حشرات وفيه ستات بتغسل كمان الشنط دى وتبقى لخمه نفسها على الفاضى وبعدين ماتكونش على اد الباسكت يجى كل واحد معاه حاجه طبعا موش هايقعد كل شوية يفتم الشنطه . لأيستسهل وزى ماتيجى على الأرض فى الباسكت نفسه . اللى برضه في ستات ماحدش قالها ان الباسكت ده ممكن يتغسل زيه زى اى حاجه فى البيت. طبعا بيت المطبخ فيه بالشكل ده عمره ماهيكون ريحته حلوه؟ طيب احنا لسه فى موضوع الريحه اللى موش حلوه. الحمام لو لم اتبع كل وسائل النضافه اللى اتكلمنا عليها قبل كده . طبعا الريحه هاتبقى موش تمام. تعالى لغرف النوم أسباب الرائحه الغير طيبه. انى مابهويش الأوده باستمرار. انى موش باغير فرش السراير باستمرار وعايزه أقول ملحوظه صيف وشتاء لازم السرير يتغير على الآقل فى الصيف مرتين . فى الشتاء ممكان مره. على اعتبار حاجه ان فى ستات بتفرش بطاطين ماش ok بس ده موش معناه ان البطانيه ماتتغسليش كل اسبوعين مثلا وممكن تستعملى نوعيه خفيفه علشان سهولة التجفيف اما فى الصيف ومع العرق لازمه تبديل فرش السراير ياحبذا يوم ويوم وخصوصا خصوصا أكياس المخدات. الفوط زى ماقلنا قبل كده الفوطه اتبلت يعنى لازم تتغسل ماينفعش انشفها وأرجع أستعملها تانى. تهويى البيت كله دى من الضروريات زى مابنهتم نبخر ونعطر يبقى لازم يكون ده على نضافه. زى ماهو ماينفعش احط برفان علشان انا عرقانه . حاجه وحشه قوى. يكون الأساس نضيف وبعدين هنلاقى ريحه حلوه حتى من غير عطور ولابخور ولابارفانات. يارب يجعل بيوتنا وسيرتنا كلنا عطره باذن الله. أقولك بصراحه أنا مابحبش المنظر بتاع الملايه اللى فوق السجاده ده . كانت زوجة أخى بتعمل كده وبصراحه منظر كئيب. الحل هو ان الأولاد لاززززززززززم يتعودوا ان فيه حدود لهم فى البيت . يعنى اكيد لهم أوده يبقى لعبهم فى ركن من الاوده دى أو لو عندك ليفينج . يعنى من الآخر مايبقاش البيت سداح مداح . الموضوع ممكن يبقى فى أوله صعب لكن هايتعودوا . والأكل لازم يكون له مكان محدد. حتى لو فى المطبخ فى الصاله ساعة الاكل افرشى ملايه ويقعودوا ياكلوا واللى يقوم من مكانه خلاص . بصراحه أنا لما بأشوف أولاد فى النادى أو السوبر ماركت أوعندى بعرف هم فى البيت متربين ازاى. بمعنى أدق انتى بتحطى حجر الأساس لاولادك من البيت ومن خلال طريقة الاكل واللعب أولا وحدة التكيف أنا كل أسبوع مع الشبابيك بأغسلها من فوق كده وعلى أد ايدى مابتطول بأغسل الجناب . وزى ماقولت قبل كده أنا جايبه بلاور من بتاع الكهربائيه اشتريته من سوق الكهرباء أو من العتبه وموش غالى يتراوح مابين حاجه وثلاتين مابيوصلش لخمسين جنيه بس ماأقدرش أستغنى عنه. بأنضف بيه الفتحات اللى فى التكيف وشوفى التراب اللى بيطلع منه. بس أهم حاجه فى غسيل الشبابيك والتكيف أكون متأكده انى مافيش حد من جيرانى ناشر حاجه لو حصل أيما انى ابلغها تشيل الغسيل. أو أجل الموضوع ده لوقت تانى.......... |
|
12-19-2009, 01:04 PM
|
#7 |
|
|
رد: بيتك جنه دائما مع عاشقه بعلها
ثانيا. نفسى وبيتى وكل اللى قولتيه الحمد لله والشكر لله. الاستيقاظ بدرى والنظام بعد ربنا طبعا بأقدر أعمل كل ده وعلى فكره بيكون عندى وقت كمان بقرأ باروح النادى أمشى أو أضعف الأيمان علشان النادى بعيد شويه لما باكسل بامشى جنب بيتى بس موش أقل من نصف ساعه. موضوع جمالى أو أهتمامى بنفسى بصراحه شغل البيت بيسمح لى بكده علشان انا بأستغل الوقت ده أعمل حمامات كريم أوحنه أو افتكاسه لشعرى. وزيه لوشى . وأيدى لازم البس جوانتى وفيها جلسرين فازلين اى حاجه ورجلى علشان الوضوء بعد صلاة الصبح أحط كريم كرباميد وألبس شراب. بعد ماأخلص شغل البيت وآخد حمام يبقى كله تمام. وطبعا خلال كل ده متابعة الأكل. وفى الاول والآخرتوفيق من ربننننننننننننننننا أنا من كام يوم قلت ألحق ورق العنب قبل مايخلص . وجبت كميه وربنا قدرنى وجهزتها وشيلة فى الفريزر. وبعدها جبت كمية طماطم لا بأس بها وعملتها صلصه وشيلتها فى الفريزر. وبعد كده جبت شوية بصل محترمين. وبشرتهم وحطتهم فى الفريزر. هو مالوش علاقه برمضان قوى لانى متعوده ان الحاجات دى من الأساسيات اللى لازم تكون عندى . غير ان عندى توم لما كان التوم جديد جبت كميه محترمه وفرمته وحطيته فى الفريزر. المهم أنا علشان كان همى اجهز الحاجات دى الأول فكنت باحط فى الفريزر عشوائى . النهارده فتحت الفريزر ورتبت الأرفف كويس علشان اراجع مره أخرى على الحاجات اللى عندى . واذا كان فيه حاجه قديمه استعملها الأول. وطبعا نضفت الفريزر وعايزه اؤكد على حاجه انا لسه منضفاه قريب من حوالى شهر كده علشان كده الموضوع كان بسيط. وبعدين لاقيت ستارة البانيوموش عاجبانى شلتها وغسلتها. أنا بأحطها فى الغساله علشام الخامه بتاعتها تنفع. وجيت على الماسوره بتاعتها نضفتها كويس وبرضه ماكانتش متوسخه اوى. وانتهزت فرصة ان ابنى راح يصيف مع اصحابه. وقلبت الدولاب بتاعه ونظفته بالبليدج ...... ولو عند أدراج فى الدولاب فكيها بشويش وهتلاقى تحتها؟؟؟؟؟؟؟؟؟؟؟؟؟؟. تراب هاتستغربى ده جه منين . شفطيه بالمكنسه.بالنسبه للحنفيات أولا نوعية الحنفيات عليها عامل المهم تكون نظيفه وجافه وموش لازم تكون بتلمع. وعلى فكره انتى نبهتينى لحاجه حنفية المطبخ وموش عايزه أقول حنفيات الحمام كمان . ساعات بتكون آخر حاجه بعض الستات آخر حاجه تفكر فيها. حنفية المطبخ أساااااااااااسى انا تتغسل كل يوم وتتنشف ولو دققتى شويه هتلاقى فيه حاجات موش لطيفه فى الحنفيه . بصوا بصراحه انا بأستخدم لكل حاجه فى البيت شىء معين مخصوص علشانه. أنا جوزى واحنا خارجين من كارفور يقولى وهو بيدفع الحساب وشايف السير الله ينور كله منظفات . يقولى هو احنا فلوسنا كلها راحه على التنظيف. بس هو بينه وبين نفسه انا عارفه انه مبسوط. أرجع وأقول اى حاجه ننظف بيها بتؤدى الغرض المهم النفسسسسسسسسسس. تعالوا أقولكم على حاجه. طبعا شغل البيت مابيخلصش . بس مايمنعش انى برضه أهتم بنفسى . أنا مقتنعه ان الحاله النفسيه عليها عامل كبير أوى مهما كانت الضغوط اللى علينا. يعنى مش معنى انى ربة منزل. أو حتى موظفه والوقت عندى مضغوط يبقى أهمل فى نفسى . وعادة لما يكون الواحد عامل اللى عليه ده بيكون له مردود نفسى كويس. نرجع للموضوع المهم........ اعملى لنفسك برنامج نظافه شخصى زى البيت بالظبط. ومن نفس المنطلق. يعنى بلاش ارتبك لما يحصل حدث فجائى . بمعنى أكثر زى ماأنا قلت يكون البيت على طول منظم ونضيف موش فى الماسبات والاعياد فقط . برضه لازم أكون أنا كده على طول بدون اجهاد ولاربكه. كل شهر وبعد ماانتهى من الدوره أعمل سويت كامل . ومع التعود هيكون الموضوع سهل جدا. خلاص عملتى السويت اللى بيعرفوا يعملوا الحمام المغربى وعلى فكره ده خطير. وعلشان مايكونش عليكى عبأ ممكن الأسبوع اللى بعد السويت أعمل الحمام المغربى. ده برنامج نضافه ولاأروع من كده. . . . طيب فاضل ايهههههههههه؟ نكمل. لو أنتو لاحظتوا أنا استدرجتكم من نضافة الشقه . لاهتمامنا بنفسنا. وهو ده محصلش لان الاثنين مرتبطين ببعض. بمعنى أن مافيش تعارض تماما بين انى اكون ست بيت درجه اولى. وأكون برضه أنثى درجه أولى . علشان احقق المعادله دى ممكن أعمل المهمتين فى نفس الوقت وشوفى الراحه اللى هاتحسيها. لان احنا موش بنتعب من شغل البيت احنا بنتعب من احساسنا انك كام أو زوجه مالكيش حقوق. واللى بيخلق الشعور ده انتى موش اللى حواليك لازم تتعاملى فى بيتك انك فرد أساسى فى البيت لايستهان باحتياجاته. الست اللى بتقول انها مقهوره أو. أو . هى اللى بتدعم الاحساس ده. بالظبط زى القول المأثور (كن جميلا ترى الوجود جميلا).. نرجع لموضوعنا . النهارده وأنا بأشتغل فى البيت أول حاجه عملتها بعد الصلاه. عجنت حنه لشعرى وعلى ماحطيت الغسيل وشربت الشاى . وطلعت حاجات الغداء. حطيتها على شعرى وعملت ماسك لوشى. وبدأت أعيش حياتى فى البيت . فهمتى أنا أقصد ايه يعنى اثنين فى واحد زى الشامبو . لما تعملى يومين فى الأسبوع حمام زيوت أو كريمات لشعرك وفى نفس اليومين ماسك لوشك. انتى عايزه تقوليلى انك لو عندك خروجه ولا حتى لما جوزك يرجع من الشغل آخر النهار موش هيلاقى واحده زى القمر. حتى وهى شايله البيت كله شيل. وحاجه تانيه بصراحه مابحبهاش واللى هيعرفوا كلامى ده الستات اللى جوزها مسافر وبينزل أجازه كل فتره. هو لازم قبل ماييجى بيومين الدنيا تتكرب وطوب الأرض يعرف ان الأفندى بتاعى جاى من السفر من الجرى على الكوافيرات ومحتاره أعمل سويت والا أعمل شعرى. ليه ماكونش كده على طول. زى الفل جوزى عهنا موش هنا أنا لازم اتمتعععععععع بنفسى. وعلى فكرة ده شعور بيدعم عندك الثقه فى النفس. بجد أنا كان جوزى بيكون نازل أجازه ماكنتش أحس بأى فرق. كانت ماما ساعات تقولى انتى نازله الكوافير النهارده مثلا علشان جوزى جاى بكر ه أقولها لأ تستغرب . وبعدين شرحتلها الموضوع وعلى فكره نصيحه علشان شعرك مايتقطعش وانتى بتنزلى الحنه نزليها تحت الدش كويس وبعدين حطى شوية بلسم على شعرك كله علشان يفك التشابك وبمشط خشب واسع ونزاى باقى الحنه . وبعدين اغسليه عادى بالشامبو بتاعك. وغسلت وشى طبعا من الماسك . وبعدين ماخلصت حمامى ونشفت جسمى كويس . رجليكى خليها رطبه شويه وبالمبرد بتاع الرجلين "( بيتباع فى محلات 2.5 بيكون عامل زى مبرد الأظافر بس عريضوعليه شكل قدم الرجل) ودعكت قدى كويس أوى علشان اشيل الجلد الميت . وعلى فكره ملحوظه أخرى فى ستات فاكره ان القدم كعب فقط لأ وش القدم كمان لازم تتعمل كويس وشوفى الجلد الميت اللى هايخرج منها. وانتى بتعملى كده خالى رجليك رطبه موش مبلوله ولا جافه علشان ماتتجرحش. وبعدين ناشفيها كويس وادهنيها كريم كارباميد والبش شراب. وأبقى قوليلى على النعومههههههههه. أولادى عقبال ماتشوفى ولادك كبروا . وعمرى مقلت لحد فيهم لما حد يجيلنا البيت نعمل كذا وكذا . ولما نروح عند حد مانعملش كيت وكيت. ممنوع المشى حافى . كل واحد على الكومود علبى مناديل وباسكت فى كل غرفه والحمام كمان. على فكرة الموضوع بسيط جدا وبالتدريج بيكون موش مكلف ولا فلوس ولا مجهود. أما موضوع ملابس النوم فده موضوع كبير. انا شايفه انتى ماسبتيش حاجه بصراحه ممكن تتقال. بجد الله ينور . انا بس ليا اضافه صغيره. فى ستات كتير بتتكلم على انها بتكون مكسوفه لما تلبس قميص نوم وتحط ماكياج لآن كده زوجها يعرف ان لها طلبات. انتوا فاهمين طبعا المقصود. أولا أنا باستغرب يعنى مبدئيا تدخل السرير وهى حاطه مكياج احنا هنعمل زى الستات اللى فى المسلسلات. لازم وشى قبل النوك يكون زى الفل يوميييييييييا . غسيل كويس وبعدين ماء ورد وبعدين كرين الليل. وقبل كل ده انتى لو موش واخده حمام مافيش مشكله اغسلى المنطقه الحساسه بغسول مخصوص وأنشف كويس وبعدين ممكن قطنه وأضع فيها ماء ورد أى حاجههههههههه تكون ريحيتها حلوه بس بلاش يكون فيها كحول . وبعدين رجلى اساسى تكون نضيفه وزى الفل وموش خشنه حرام بجد نعمل فى نفسنا كده وأحط كرين فى ايدى اللى شقيانه طول النهار . والم شعرى كويس ويكون فيه قمصان نوم بسيطه وشيك وياريتتتتتت تكون خامه طبيعي وناعمه دى البسها أول ماأدخل اودتى. يبقى كده أنا كل ليليه من النضافه والريحه الحلوه بقيت زى الملاك من غير ماأكون عايزه حاجه واللا موش عايزه حاجه . ونحاول نتعود ان يبقى فى حضن جميل بين الزوجين . أما اذا كان فى ليالى مميزه ممكن ساعتها البس اللى انا عاوزها من غير كسوف من جوزى ياجماعه فيه ستات كتير بتعانى من أن زوجها مهمل النضافه نص نص . اعتبريه فى النقطه دى ابنك . عوديه كل يوم على حمام صيف شتاء . بالكلام المباشر مره بالدلع مره بحكايه ملفقه مره . يعنى تقوليه مثلا واحده صاحبتى عندها مشكله مثلا من جوزها فى كذا. وانتى وشطارتك ده لو فرض ولو لا سمح الله المشكله دى موجوده . غسيل الاسنان للآسره كلها مساءا ولازم يتعودوا على كده. بالنسبه لجوزك يكون زيك بالظبط هاتيلوا بيجامتين ثلاثه يكون شكلهم حلو وشيك دول للنوم بس وتقوليلوا زى ماأنا بأهتم بيك لازم تهتم بيا فى النقطه دى كمان. والبيجامه دى تكون نضيفه ومكويه ومعطره بعطره. وبعدين ملابس الخروج والشغل بالذات أنتى عارفه انا ممكن أعرف شكل الست من ملابس جوزها من غير ماأشوفها وبالتالى برضه من ملابس أولادها وخصوصا لما يكونوا شباب لان فى ستات بتتخيل ان ابنها كبر يعنى يعتمد على نفسه طيب ماهو الغسيل والمكوى مسئوليتك انتى ولو ربنا مأدرك ودى المكوجى. حاجه تانيه ياريت كلنا نهتم بيها الشراباااااااااااااااااااااااا ات . الشراب مهما كانت المده ان شاءالله خمس دقائق اتلبس الشراب يبقى على الغسيل ماأحنا كده كده بنغسل . والتى شيرت لبسه واحده وعلى الغسيل. صدقونى كل دى سلوكيات مردودها حلو أوى على حياتنا حتى وانتى بتشتغلى فى البيت طول النهار عارفه ان مجهودك موش بيروح هدر. |
|
12-19-2009, 01:06 PM
|
#8 |
|
|
رد: بيتك جنه دائما مع عاشقه بعلها
ملحوظه الباسك موش باحطه قدام الشقه واسيبه لأ لازم أكون متأكده ان البواب شاله علشان القطط ماتبهدلش الدنيا والباسكن نفسه تركته مفتوح (ملحوظه هو اصلا زى الفل) . وبعدين قفلت محابس الغاز . وقفلت البلاعات المطبخ وحوض الحمام والبانيو علشان فيه احيانا صراصير بتخرج من البلاعات وخصوصا لما يكون ماسورة الصرف موش هيمشى فيها ميه لفتره. وقفلت غطاء التواليت ولو ماكانش تقيل أقفليه بسلوتب عريض أو حطى عليه حاجه تقيله علشان الفئران ممكن تخرج من التواليت. وقفلت الستاير التقيله علشان تمنع التراب والشمس اصبحنا وأصبح الملك لله. صباح الخير على عيونكم. أهم حاجه علشان مترتبكيش انك تحاولى تصحى قبل باقى الأسره علشان اذا كان ليكى طقوس معينه تلحقى تقومى بيها .صحيت وأتوضيت وصليت وعملت دماغ (شاى بحليب) علشان أعرف أجمع. وبعدين يكون باقى أفراد الأسره صحيوا. أنا ملاحظه ان معظم الفتوكات عندهم بيبهات صغننه أشوف طلباتهم الأول من حمام وغيار وفطار ويستقروا نفسيا خالص حتى لوكانوا أكبر شويه أعطيهم الوقت الكفايه بدون توتر ولو فيه لعبه أو برنامج كارتون ممكن يتفرجوا عليه وأبدأ بعون الله. أنتى أخذتى شايك أو فطارك على حسب كل وحده ولبستى ملابس الشغل بمعنى انها مريحه موش مبهدله وسرحتى شعرك وشوية كحل ضغننين وتدهنى ايدك فازلين أو زيت زيتون أو حتى زيت أكل والبسى جوانتى. وابدأى عايزه أقوللك دايما تحطى فى دماغك ان فى أى وقت الباب هيخبط . يعنى موش لازم أقلب البيت كله . الأهم ثم المهم .أولا حاجه المطبخ أخليه زى الفل ده اليوم العادى موش يوم المطبخ مثلا وأخرج حاجات الغداء ولو ناقصنى حاجه الحق اجيبها ويفضل انك فى اليوم السابق تكونى محدده هتعملى ايه علشان ماتنزليش من البيت علشان حاجه بسيطه. بعد كده شفطت الشقه كلها بالمكنسه ولمعت الموبيليا فى الريسبشن على الماشى علشان لو حد جيه فجأه. النهارده بالنسبه ليا مخصصاه لاودة النوم شيلت الشيش غسلته فى البانيو (حطيت فوطه من بتاعى التنضيف فى أرضية البانيو علشان موش يتجرح) وبعدين نشفته كويس أوى علشان الشمس مى الميه ممكن يقشر. وبعدين نضفت وحدة التكييف الخارجيه كويس أوى وركبت الشبابيك. عايزه أأكد على حاجه ممكن ميناسبكيش موضوع فك الشبابيك أوعى تعملى كده لاحسن يوقع منك لاقدر الله.الفكره انه يتنضف وخلاص كل واحد بأسلوبه. وبعدين طبعا لمعت الزجاج. وأنا عشان كنت غاسله الستائر قريب لاقيتها نضيفه. شفط السجاجيد وعملتها بالفرشاه وحطيتها فى الشمس. ولمعت الموبيليا وبصيت بصه كده تحت السرير لو فيه تراب لمعت ارضية السرير مع باقيه الغرفه. أنا طبعا كنت حاطه الفرش بيتهوى فى الشمس ثم فرشت السريروقفلت الشبابيك علشان الذباب والحر. وبعدين قفلت باب الأوضه علشان تفضل طراوه الى ان يأتى جوزى .وبصراحه أنا دايما أقوله وانت نازل من الشغل كلمنى فيه شوية اجراءات بتتعمل منها انى أشغل مكيف حجرة النوم وارش جليد وأقفلها بيجى من بره موش قادره أقولكم قد ايه بيكون سعيدعايزه الفت نظركم لحاجه مهمه جدا. من الأسباب الرئيسيه لاضاعة وقت ستات كتير هى التليفون. بدون ماتحسى تلاقى الوقت سرقك فى مكالمه واحد وانتى ماخلصتيش اللى وراكى. بصى سايتى مهم أوى ان يكون عندك بيتك وأولادك من الأولويات يعنى هما الأول وبعدين اى حاجه تانيه. ماترديش على التليفون طول ماأنتى وراكى حاجه. والمحيطين بيكى مع الوقت هيتعودوا على كده وهيحترموا وجهة نظرك.وبعدين بنفس المعيار موش هاأتصل بحد لمجرد ان أنا فاضيه . ولو فرض واتصلت بواحده صاحبتى او حتى اختى. لازم اتأكد ان جوزها موش فى البيت وانها موش مشغوله بحاجه. لاضرر ولا ضرار صباح الخير على صحبة الخير والنشاط. بعد ماصحيت وعملت الطقوس بتاعتى اللى لا يمكن اتنازل عنها. أولا شغلت الغساله برنامج الوان علشان انشره قبل الشمس ما تيجى عندى. وبعديت فتحه أودة النوم علشان تتهوى أنا امبارح نضفتها تنضيف شامل والنهارده سويت السرير فقط وروقت على الماشى كده وناويه ان شاء الله أرتب دولاب جوزى هاأخرج البدل من الكوفر بتاعها واسيبها فى الدولاب وهو مفتوح علشان تتهوى. هو كل يوم بيلبس منهم بس هو لازم البدله اللى يقلعها يحطها فى الكوفر . أولا بالنسبه للبدل مثلا الشتوى فى الصيف بتروح اللاندرى وتتحط فى ضلفه لوحدها علشان موش تتبهدل. او ممكن تتحط فى شنطة سفر كبيره وعند الاستعمال تروح المكوى فقط المهم تتخزن نضيفه. ونفس الشىء بالنسبه للصيفى لما يجى الشتاء. المهم البدل الصيفى أكتر حاجه بتتوسخ البنطلون وبدل ماأودى البدله كلها بعت البنطلونات اللاندرى . وبعدين الغساله خلصت ونشرت وحطيت برنامج أبيض. وماتنسوش شوية داونى على الماشى بيعطوا شعور بالأنتعاش. وان شاء الله النهارده ناويه أعمل جرد لكل الأحذيه اللى فى البيت اللى موش نافع يروح لحاله واللى عايز تصليح يتصلح واللى عايز يتغسل زى الكوتشى يتغسل . وعلى فكره برضه من الحاجه الملفته ان فى ستات موش بتعتبر ان شبشب البيت ممكن يتغسل. تلاقى الشبشب وهوجديد لون وبعد شهر لون تانى مالوش اى علاقه بالأولانى. بس كده النهارده موش هاعمل حاجه تانى. بتتعاملى مع الغساله ازاى؟؟؟؟؟؟؟؟؟؟؟؟؟ يعنى على طول مكركبه وكل اللى فى ايده حاجه يحطها عليها ولا.......... أنا الغساله بتاعتى فيليبس تفتح من فوق يعنى ماينفعش أكركبها.ومفاتيح التشغيل برضه من فوق يعنى ماينفعش أسيب ميه أو أى حاجه تبوظها أعمل ايه ؟ اعمل ايه؟ أقولكم من يوم ماأشتريت الغساله من 19 سنه وكان مكانها بجوار الحوض مباشرة بس ايه فلههههههههه. دايما حاطه على منطقة المفاتيح فوطه بيضاء زى بتوع الحمامات سميكه ومجرد ماتشاور عقلها تتوسخ اغيرها. ولما ربنا أكرمنى وجبت غسالى أطباق حطيتها جنب اختها. وبرضه فلههههه وبرضه حاطه عليها فوطه بيضاء بس بصراحه حاطه فوقها مطبقيه صغنونه ستنلس علشان الأطباق والآكواب المتداوله بدل ماافتح المطبقيه الكبيره. بس عايزه أقول حاجه أنا موش بأحط الأطباق والأكواب الا لما اجففها علشان المطبقيه موش تصدى. وكل فتره افضيها وأنضفها كويس علشان برضه التراب أو زيوت فى المطبخ. بلاش تلميع الأستر بفوطه مبلوله . البليدج احسن. وفيه wipes دى فوط نوع معين مبلل مخصص للموبيليا فقط وعلى فكرة بليدج عامله منه برضه هتلاقيه فيه كارفور أو أى سوبر ماركت كبير فى قسم المنظفات. أنا بأحب أستعمل البليدج للأماكن العريضه والمسطحه لكن الwipes بأستعملها للأماكن العميقه شوية أو اللى فيها انحناءات بتساعدنى أكثر لانى لو رشيت بليدج لازم حاجه رفيعه علشان تجففيه تعالوا قولولى واحكولى على الورد الطبيعى والزرع . أخباره ايه معاكم.بس اللى كلامى يتعارض مع أفكاره أو أمكانياته مايزعلش منى. الودر موش هاأعرف احكيلكوا عن تأثيره وجماله فى البيت . وماحدش يقولى امكانيات ولا ولا على فكره عشره جنيه كل أسبوع ممكن يكون عندك أجدع فازة ورد. وبعدين اعتبريها اى حاجه من ضرورات البيت . سيبك من المنظر اللى هو مافيش كلام هيوافيه حقه . تخيلى بيت الست الى فيه مهتمه بوجود ورد باستمرار يبقى نفسية الناس اللى عايشين فى البيت عامله ازاى. حد يقولىأفتكرت ألفت نظركم لحاجه. كلنا بنجيب كرتونة البيض. أول ماتروحى تفضيها فى الحوض وتغسلى البيض كويس أوى وتجففيه وتحطيه فى علبه فى التلاجه وتتخلصى فورا من كرتونة البيض لأنها بتكون مليئه بالطفيليات وحاجات موش كويس. تانى حاجه كرتونة الحليب نفس الشىء رصيه فى رف المطبخ وترمى الكرتونه . كرتونة الميه المعدنيه. وحدث ولا حرج عن أنبوبة البوتاجاز للى لسه ماعندوش غاز لازم ترشيها الأول كويس بره الشقه . وبعد شويه تتغسل كويس وتسيبيها تجف وبعدين تستعمليها. لانها أهم عامل من عوامل وجود الصراصير فى البيت. ربنا يعافينا ويعافيكم منها احنا أثناء الموضوع اتكلمنا شويه عن ترتيبات المصيف . طيب ترتيبات رمضان هنعمل ايه. أنا معوده ولادى ان فيه اى حاجه تخص رمضان ازين بيها البيت من الداخل أنا عندى ترابيزه مدوره فى الريسبشن حاطه عليها مفرش وشوية صور للأولاد وكده يعنى . المهم فى رمضان باشيل المفرش ده وأحط مفرش تانى عاملاه بقماش الخياميه بيكون نازل لغاية الأرض مدارى رجل الترابيزه خالص وبأحط فانوس كبيييييييييييييييييييييييييير بينور بالكهرباء وباحط جنبه شوية حاجات نحاس مبخره مثلا قدرة فول صغيره المهم حركات تخلى الواحد يحس ان فيه رمضان وأنا أصلا عندى عدة قهوه سبرتايه وكنكه وصينيه برضه شكلها انتيك يعنى دى مجرد أفكارصباح النور على عيونكم كلكم . اللهم أجعله يوم كله للخير للجميع آمين يارب العالمين. بصوا أنا صحيت كالعاده بدرى. بصراحه موش أوى علشان مافيش غير أنا وبنتى بس . هى نزلت عندها تدريب صيفى. وأنا علشان الايام اللى فاتت ايدى فى الشقه على طول وجوزى وابنى ربنا يرجعهم بالسلامه. الشقه الحمد لله زى الفل . بس ايه اقعد ساكته..... ابدا......... مايخلصنيش |
|
12-19-2009, 01:07 PM
|
#9 |
|
|
رد: بيتك جنه دائما مع عاشقه بعلها
فتحت الدولاب بتاع بنتى وعلشان هى مغلبانى فى موضوع النظام لفت لفه كده على بلوزتها علشان اتأكد من نضافتها طبعا كان فيه حاجات لازم تتغسل. جمعتها وفى الحوض وحطيتها ومعاها شوية شاور جل وبدون دعك علشان القماش مايتبهدلش بعد طبعا مابصيت لو فى بقعه بأعملها بشاوت بتاع ياقات القمصان. وشطفتهم كويس علشان اللون موش (يجير) وبعدين موش عصر ضغط خفيف وبرضه موش بأنشرهم لأ فرشت على الحبل ملايه ووضعت عليها التى تيشيرتات وبعيد عن الشمس الى أن تجف وعلشات تمام التجفيف بعد ماتنزل كل الميه (خالوا بالكم أنا لما حطيت الملايه علشان حاجتين الأحبال موش تعلم على الهدوم وعلشان وده المهم الميه ماتنزليش على الجيرات) المهم بعد كده ممكن أعلقها على شماعه وأحطها شويه تتهوى بس ثبتى الشماعه كويس علشان موش تطير أنا بأحطهم على ماسورة العقله بتاعى ابنى علشان موش يقعوا فى الشارع لانها حصلت مره وحرمتتعالوا نكمل. أوعوا تكونوا أفتكرتك ان رمضان فوانيس وزينه وبس. لألألأ. أنا قبل رمضان بشوية والسنه دى هيبقى شويتين علشان أنا مسافره وهارجع اذا اراد ربنا ليلة رمضان. شوفوا الاستبياع بقه. فلازم اتخذ شوية قرارات جريئه ومصيريه. أنا فى العادى بأشترى البلح قبل رمضان وأفصصه وأحطه فى شنطه . وكل يوم آخد على قد استعمالنا وأكون غليا اللبن واحطه وأغطى عليه شوية على مايبرد تماما وبعدين يوضع فى التلاجه. بعد كده باكون مخصصه يوم لشراء اللحم من عند الجزار الكميه اللى هاستعملها على مدار شهر ماتستغربوش. فى نفس اليوم ده أقف واقفه محترمه كده فى المطبخ أعمل كل أنواع الاكل اللى باللحم المفروم علشان موش اجمد اللحم وارجع افكه تانى. وكلها وجبات على التسويى على كول بما فيها كل أنواع البشملات والكفتات كله . واشيل شوية لحو مفروم معصج فقط لاى فكرة أو أى ظروف مختلفه عن الانواع اللى عملتها وشوية لحم مفروم بدون تسويه خالص برضه لنفس السببباقى أنواع اللحم بفتيك أتبل شويه وبالبيض والبقسماط وعلى التحمير على طول وشويه يتبل بس علشان جوزى بيحب البفتيك ناتير. والاستيك باسيبه زى ماهو لانه موش بياخد حاجه يادوب فى التيفال ويبقى زى الزبده. اللحم المكعبات شويى أعمله كباب حله ومستوى جاهز. وشوية مسلوق واشيله بشوربته والحاجه المستوية نصف سوى بس .والكبده اشيلها متبله.ده يوم لحوم. بعد ماأخلص الكلام ده كله ارتاح يوم وأشوف البيت قبل مايتراكم عليا الشغل. وأعمل يوم تانى للفراخ. كل أنواعها الفيليه والمشوى والمحمر كل حاجه على حسب ظروفها وممكن شاورمة فراخ وشاورمة لحم كده خلصت كل أنواع اللحوم . قمر الدين احنا كده كده بننقعه ونضربه فى الخلاط ونصفيه أنا باعمل الخطوات دى وأشيله فى الفريزر صباح الفل على عيونكم. النهارده ان شاء الله البرنامج كالآتى بس بأكد تانى ان مافيش ثوابت يعنى دى مجرد أفكار وتشجيع وكل واحده تعمل اللى يناسب ظروفها ووقتها. نقول بسم الله . أنا صحيت الصبح والحمدد لله الذى أحيانا بعد موتنا. بعد الصلاة والشاى والثوابت بتاع كل يوم. فتحت الشقه كله تتهوى علشان النهارده الحمد لله الجو حلو. وعجنت حنه بشوية حاجات عجيبه وسيبتها تخمر. وبعدين هاأعمل تقشيى لبشرتى علشان الحق حط عليها مساك وأنا بأشتغل فى البيت. وناويه والنيه لله بعد ماأخلص كل اللى وريا أعمل حمام مغربى لانى يوم الخميس باحب يكون ده بروجرامى. بعد كده بصراحه المطبخ يضرب يقلب علشان أنا بعد ماخلصت تسوية القراقيش نمت متأخر وكنت فاصله خالص علشان لازم أصحى بدرى علشان متعوده وكمان بنتى نازله الشغل (التدريب الصيفى) فعلشان كده هاأبدأ بالمطبخ على مافرش حجرة النوم يتهوى وأشفطها بالمكنسه وألمعها وأغير فرش السرير وبالنسبه لحجرة النوم علشان جوزى موش هنا واخداها فرصه وبقالى كام يوم بأرتب فى دولابى وطلعت كام حاجه موش محتاجاهم راحوا لاصحاب نصيبهم وحاجات تانيه موش بلبسها كتير شيلتها فى مكان تخزين الملابس وبجد الدولاي بقى شكله يفرح وانا بأعمل المهمه دى لاقيت نفسى محتاجه مثلا طرحه لبلوزه موش عارفه اللبس علشان السبب ده ومحتاجه سيليبر علشان الطقم الفلانى . رحت عامله ايه برضهههههههه ورقه وقلم وجمعت عايزه اشترى ايه لايه وعايزه ايه يتظبط شوية طول على ايه يوسع على يضيق وجمعت الحاجات دى على ايه هيروح المكوى. المهم قلت أدلع نفسى شويى وأتمم على حاجاتى هو أنا يعنى ماليش نفس.. المهم ده بالنسبه لحجرة النوم........ باقى اليوم ان شاء الله. هاأشفط الريسبشن وألمع الموبيليا وألمع البلاط اللى باين بس . معلومه الريسبشن كان مقلوب كله نضافه شامله يوم الثلاثاء. علشان ماتفتكروش انى باأكروت. وبعدين الحمام هيتنضف كويس أوى وبأقول كويس أوى برضه علشان ماأتعملش أمبارح بسسسسسس علشان أنا وبنتى لوحدنا وبصراحه الرجاله والصبيان هما اللى بيبهدلوا الحمام. على فكره أنا مفهمه أبنى وجوزى لما يستعملوا الحمام بورق تواليت ينشفوا مكان الاستعمال لان الرجال لظروفهم فى الحمام الامر مايسلمش نقطه هنا ولا هنا وده السبب ان بيوت كتير من اللى فيها صبيان الحمام ريحته موش حلوه لازم نعودهم وطبعا فى باسكت صغير فى الحمام علشان موش نرمى فى التواليت . أنا جوزى وابنى بينفذوا الكلام ده بس بيقعدوا يتريقوا عليا ويقولولى انت عامله كتالوج لكل مكان فى البيت. الله يسامحهم.المهم بعد الحمام وأخلص أنا كمان حمامى هطلع أعمل الغداء. على فكرة أنا من فتره لاقيت فوط لونها اسود لارضية الحمام كانت فى كارفور جبتها علشان أفرق بين الفوطه اللى تحت الحوض والوضوء والفوطتين اللى عند البانيو والتواليت. فهمتوا قصدىموش الفوط دى اللى بأتكلم عنها . أنا موش باحب الحمام يكون فيه نقطه ميه علشان كده حاطة تحت الحوض فوطه بيضاء زى الفل وبتكون سميكه لانها مخصوص للحمام باحطها علشان الوضوء جوزى وابنى وأنا وربنا يهديها بنتى تحت الحوض بيتبل وعلشان مايحوطش رجليه فى الشبشب وهى مبلوله يحطها على الفوطه دى اوكى . الفوطه التانيع باحطها تحت التواليت عن رجلين اللى قاعد على التواليت برضه لنفس الشبب وهو ان المنطقه ده موش تتبل لاى سبب شطاف مثلا كده يعنى. والفوطه التالته عند البانيو علشان اللى خارج من البانيو بيكون جسمه ورجليه مبلوله مايتزحلقش وموش يبلل الآرض. تمام كده وصلت المعلومه. اللى أنا كنت باأقول عليه ان الفوطتين بتوع التواليت والبانيو لونهم مختلف علشان عند الحوض فى وضوء وطهاره وعند التواليت والبانيو لأ اوكى أنا موش كل يوم باغير الفوط دى حتى البيضاء ايام بتكون نضيفه جدا بس لازم اشيلهم كل يوم وأنا بأنضف الحمام وأنفضهم فى البانيو علشان لو شعر مثلا . اوكى لما أفرشهم تانى ماألخبطش بتاعى الوضوء معاهم لو هما لونهم واحد . بس خلاصوبخصوص السفره وهو ده موضوعنا. أنا عايزه أقول لازم احنا وأولادنا نستمتع ببيتنا ونستخدم كل حاجه فيه ده موش معرض موبيليا . واستنى على مايكون عندى عزومه كل فين وفين وبعدين ده بيخلق عند أفراد الاسره احساس بالمكان اللى عايش فيه . بس بنأكد برضه على الاستخدام المظبوط . وهما الأولاد صغيرين كانوا لام يقعدوا على السفره وعل الكراسى ولو موش طايلين اوى ممكن احط شلته مثلا . بس قبل الشلته بافرش على كرس السفره فوط سفره قماشها سميك شويه علشان لما حاجه تقع على الكرسى وبرضه واذ ربما قد يكون مثلا ان حاجه تقع برضه التنضيف فى وقتها. الأهم من القاعده على السفره لازم يستخدموا الشوكه والسكينه لازم لازم . وطول ماأنتى بتاكلى تعيدى تقويم السلوكيات اللى موش صح . علشان وده برضه موضوعنا لما تروحى عند حد ولا فى اى مناسبه يشرفك وساعتها هتكونى واثقه من نفسك ان ابنك موش هيكسفك . من الحاجات المهمه اوى كميات الأكل الموجوده فى الطبق تكون على قد احتياجاته برضه علشان لما تكونى فى اوبن بوفيه يبقى الشكل حلو وراقى. أنا موش فاكره اتكلمنا على موضوع البوتاجاز وهو عليه فويل والا لأ . المهم عايزه أقول بس من غير زعل البوتاجاز من غير فويل بيكون انضف كتير من وهو عليه لان الستات طول ماالفويل شكله نضيف من فوق هى متخيله ان الحياه بمبى . بتشليه بتلاقى حاجلت لو هى شايفاها اول بأول هتعرف تنضفها , بس حبيت اقول قلاش فويل . وبرضه برااااااااااااااااااحتكم |
|
12-19-2009, 01:08 PM
|
#10 |
|
|
رد: بيتك جنه دائما مع عاشقه بعلها
أولا بالنسبه للستاره علشان تنضف كل فتره موش كتيره تنضف علشان موش تتعبك. ثانيا ممكن تجربى وتحطيها فى الغساله على البارد وشوية كلور برضه . أما بالنسبه لستاير شيك وأنواع كتيييييييييييير عند محل اسمه أبو النيل متخصص أكسسوار حمامات فقط. ممتاز كل مجتمع وله عاداته انتى موش معقوله هتمشى فى شنطتك بحذاء احتياطى أو تقولى للناس اللى تيجى عندك يعملوا كده. وبعدين بجد منظر الأحذيه اللى قدام الشقق موش حلو خالص. ياستى المكنسه أهى موجوده والناس أصلا موش فاضيه للزيارات كل شويه . أنا برضه موش بحب حد يجى عندى ويقلع الشوز بره. وبعدين هو الشوز بس اللى بيكون فيه ميكروبات. شوفى لما بتيجى من بره وتغسلى ايدك ودى أول حاجه أنا وأسرتى كلنا بنعملها أول حاجه أقولهم على الحمام شوفى بينزل من ايدينا ايه موش تقوليلى الشوزاقولكم ايه اللى بيخلى ستارة الحمام سورى (تعفن) اللى هى البقع السوداء . المفروض أول ماحد يخلص حمام الستاره تتفرد موش تفضل ملمومه علشان باقى الميه والصابون والدهون اللى فى الجسم بتتراكم فى الثنيات بتاعتها وهومقفوله وموش بتتهوى. والله أنا بأفضل داخله خارجه على الحمام بعد ماكل واحد يخرج علشان اتمم من ضمن المهام الستاره أفتحها أدخلها جوه البانيو علشان باقى الميه موش تنزل على الأرض. وبعد شويه أخرجها مفروده بره علشان الجزء الملتصف بالبانيو يتهوى. بصوا أنا عارفه ممكن تقولوا عليا ايه . بس بجد لو ده يعتبر مجهود لكن لايقارن بالمجهود المبذول بعد ماالحاجه توصل لمرحلت انها لازم تترمى موش تتنضف صباح الفل على عيون فريق النشاط والنضافه والنظام. النهارده ان شاء الله متفقين موش هنعمل اى حاجه فيها كركبه . علشان يوم الجمعه بيكون له الطقوس الخاصه بيه. بالنسبه للستات العاملات يارب يديكوا الصحه. بس حاولى علشانك انتى تقدرى تستمعى بيوم اجازتك حاولى ماتعمليش حاجه وتضاعفى مجهودك أثناء الأسبوع علشان ترتاحى فى اليوم ده. ويلاش تحسى انك مقهوره علشان بتشتغلى احنا والله خدمه 24 ساعه زى محطات البنزين بالظبط يعنى الحال من بعضه . بس شوية تنظيم وكله يبقى تمام. المهم أنا النهارده بعد ماصحيت والذى منه حطيت غسيل فى الغساله. وشيكت على المطبخ تقريبا مافيش غير كوبايتين وطبق والباقى الحمد لله زى الفل من بالليل. عايزه أفكركم انى بالليل بعد العشاء بأمسح البوتاجاز بمكيال ديتول والرخامه كلها وترابيزة الأكل . علشان لو لاقدر الله أى حاجه فكرت مجرد تفكير تتمشى فى مطبخى تلاقى اسواء مصير. أنا يوم الجمعه موش باعمل غداء علشان لازم يكون سمك وغالبا بناكله بره. أو اجيبه وأعمل الرز والسلاطه. فالنهارده ان شاء الله اليوم استجمام وأنتى بتعملى الأكل بتحتاجى طبعا تقلبى التقليه وتقلبى الرز وهو بيتحمر وتقلبى الفراخ وهى ببتسلق ولو بتعملى رز باللبن على العين التانيه . المهم مع اختلاف الأصناف هاتستعملى لكل حاجه معلقه وكل شوية تقلبى وتحطيها على الرخامه عل ماتخلصى الأكل هتكون الرخامه بالمنطقه اللى حواليها بقى عليها المنيو اللى انتى عاملاه كله. الأفضل تجيبى طبق صغير جنب البوتاجاز وتحطي فيه الأدوات هتلاقى فى الآخر الحكايه كلها طبق يتغسل وفى نفس الوقت موش بهدلتى البوتاجاز والرخامه. حاجه تانى بلاش منطقة حوض المطبخ تكون مبلبله والميه تنزل وراء الحوض وتبوظ الشكل حطى دايما فوطه ناعمه كل شويه نشفى الحوض والمكان المحيط به واشطفيها واعصريها على ماتخلصى هيكون الخساير محدودهبالنسبه للشيش بلاش علشان خاطرى موضوع التنفيض ده مشروع فاشششششششششششل. بصى لو ربنا مقويك أو ربنا يهديلك جوزى شيلى الشيش وعلى الحمام تغسليه وتنشفيه كويس أوى علشان البويه موش تطلع. وبالنسبه لتقليل التراب طالما هويتى الشقه صيف أو شتاء خليها مقفوله على قد ماتقدرى . أنا عارفه ان ده صعب لان فيه ناس بتحب الشبابيك مفتوحه. بصراحه برضه موضوع غسيل الشبابيك ده اختيارى لان فعلا فيه سبابيك ممكن تتقشر وده يرجع للدهانات بتاعتها معموله بذمه ولا وطبعا ولا علشان مابقاش فى ذمه أصلا منعوها . طيب أنا هاأقولك على أقتراح تانى وهوانك تشترى بلور من محلات الكهرباء اللى فى العتبه وتشيلى بيه التراب علشان موش يجي عليكى ولا يدخل الشقه تانى. وبعدين تجيبى طبق صغنن وتحطى فيه شويى ميه ومسحوق وفوطه صغننه على قد ايدك وتصبنى الشيش كويس. لو الطريق فاضى تحتك ومافيش غسيل ولا حاجه اديها ميه واشطفى كويس ونشفي كويس . اوكى.لو موش ينفع تجيبى طبف فيه ميه فقط واعصرى الفوطه كويس ونشفى مكان الصابون وبعدين فوطه جافه. وبس خلاص . وبجد عن تجربه لمدة أكتر من 30 سنه خدمه فى ثانوى المتابعه باستمرار مريحه جدا يعنى بلاش تكون الفترات مابين التنضيف متباعده. علشان دايما نكون عايشين فى نضافه وعلشان المجهود بيكون أقل. هو بصراحه بيكون متوزع على أيام كتير . بالنسبه للسجاد الصغير مافيش مشكله من غسيله. الكبير لو اتبعتى الخطوات اللى قولنا عليه هتلاقى على طول نضيف وعل طول البيت ملموم وجميل واحنا فارشين السجاجيد بدل ماتستنى للعيد الكبير على ماتفرشيهم. الا ذا كنتى بتحبى يكون الصيف الدنيا فاضيه شوية من السجاجيد. بصى منىمار لازم التراب يتشال وبجد التنفيض زى قلته. وأنا قلت على كذا حل واللى يناسبك ممكن لو موش عايزه تغسليه يبقى بفوطه مبلوله ومعصوره أوى وبعدين بواحده جافه بس علشان تعملى الحل يبقى لازم كل أسبوع زى ماأنا باأعمل. وبلاش نغسل السيلك ممكن بفوطه معصوره أوى وأول بأول برضه. بصى احنا بصراحه مشكلتنا ان احنا بنسيب الحاجه تتوسخ لغاية لما يبقى الحل صعب بجد بوصيكوا أول بأول. على فكره أنا ممكن يبان انى عندى وقت فراغ لا والله أنا بأشتغل أكتر من العادى بس علشان طول النهار ترويق وتلميع واللى يشوف البيت يقول موش محتاج حاجه وهو فى الحقيقه كده لكن علشان انا ايدى فيه على طول. عايزة أقولكم وتتش وود أنا الحمد لله بأعمل حاجات كتير ممتعه وباخرج وأسهر بس بادى لكل حاجه حقها. وربنا يقوينا كلنا تم بحمدالله أرجو أن تشاركونا فى هذا الموضوع به العديد من النصائح المفيدة هتفيدكم ان شاء الله |
