ازياء, فساتين سهرة

العودة   ازياء - فساتين سهرة و مكياج و طبخ > الطبخ > اطباق رئيسية و اكلات سريعة
تسريحات 2013 ذيل الحصان موضة و ازياءازياء فكتوريا بيكهام 2013متاجر ازياء فلانتينو في باريسمكياج العين ماكياج دخاني makeup
اطباق رئيسية و اكلات سريعة يالا بسطرمه مصرية لاخاواتي المصريات خصوصا يوجد هنا يالا بسطرمه مصرية لاخاواتي المصريات خصوصا طبخ اكلات سريعة 2016 شعبية جديدة و مقادير طبخ طبخات اكلات سريعة من الطبخ السعودي و مطبخ منال العالم و طبخات سعودية وبعض اطباق الشيف اسامة و طبخات مغربية بالصور

فساتين العيد


 
قديم 01-15-2010, 12:57 PM   #1

مرية

:: كاتبة ذهبيّـة ::

الملف الشخصي
رقم العضوية: 58533
تاريخ التسجيـل: Apr 2009
مجموع المشاركات: 7,068 

صورة متحركة وجه بنت يالا بسطرمه مصرية لاخاواتي المصريات خصوصا


يالا بسطرمه مصرية لاخاواتي المصريات خصوصا

يالا بسطرمه
Pastrami او بسطرمه نوع من انواع اللحم المقدد و تختلف طريقه تصنيعه بين الغرب و الشرق يعني البسطرمه على الطريقه الغربيه غير الطريقه الشرقيه اللى اتعودنا عليها و على ريحتها الحلوة .فى مصر ..وطنى ....بنموت فى البسطرمه و بنحب دايما ان تلاجتنا ما تفضاش منها...و الان و رغم اسعارها اللى اصبحت تطاول العناء بنروح برضه و نشترى حتى و لو تمن كيلو ..الكيلو يا حلوين وصل الى 87 جنيه...اه و البسطرمه ليها طرق كتير للتقديم و بنحب ناكل البيتزا بيها و يا سلام على طاسه بيض بالبسطرمه ..الصبح أو بالليل ..كله حلو و رغم تعدد طرق طهيها الا انى لن اخفى عنكم سراااااااانا عندى حته بسطرمه محترمه و نيه من غير تجهيز او طهى فى رغيف عيش فينو مقرمش و سخن ..الفيلم ده بالنسبه لى قمه المراد..و مش عايزه اقولكم الادمان
فكنت بحمرها و بنفرد بيها لوحدى.طيب بنعمل بيها ايه...بيض بالبسطرمه ..بيتزا و كمان عيش بالبسطرمه و اصناف ساليزونات لا اول لها من اخر.
طيب ندخل على الطريقه الشرقيه للبسطرمه
قطعه لحم من عرق التلبيانكو ""بتاع الروزبيف و اللحمه البارده" ووزنه طبعا بيكون لحد 3 كيلو انا عملت قطعه وزنها 2 كيلو .نص كيلو حلبه حصى4 رؤؤس ثوم.4 ملاعق كبيره بابريكا او فلفل بقالى ملح للغرض الذى سوف اذكره فقط الطريقه..اولا تغسل قطعه اللحم بس لا تغالى فى الغسل مجرد شطف..ضعى قطعه اللحم على شبكة و نشفيها بفوطه نظيفه ..انا استخدمت فانله قديمه من بتوع اخواتي ههههههه اسرااااار عائليه نشفى قطعه اللحم جيدا و غطيها بقطعه قماش اخرى جافه..و بعد ساعه كده هاتى ملح كتيييير و ابدئى دلكى قطعه اللحم بها جيد و رشى ملح كويس على كل الجهات...غطيها بحته تل... و حطى عليها الهون او تقل اى تقل حتى و لو حله مليانه ميه سيبيها يوم...هتلاقيها بتنزل ميه لونها روز شويه صفيها ..المرحله دى تستغرق يوم تانى يوم قومى بغسل العرق الفلتو.... و نشفيه كويس و غطيه و هو برضه على شبكه يوم كمان....ما تخافوش مش هتشموا اى روائح و لا العمليه دى فيها اى حاجه تقرف او تضايق...بعد مرور اليوم هتاخدى الحلبه و تطحنيها ناعم او لو قدرتى تشترى الحلبه مطحونه يبقى اسهل لك...طيب الحلبه بودرة و عليها التوم المطحون او المدقوق ناعم جدا و عليهم البابريكا و بس مش مطلوب و لا ملح و لا شطه و لا اى اضافات تانيه و اعجنى المكونات بشويه ميه لحد ما تحسى ان المزيج ده تقدرى "تجبسى " بيه عرق اللحمه...ههههههه كان نفسى ابقى دكتوره و فشلت... هههههههه..انا بهذر مش بقدر حتى اشوف الدم... ركيكه المشاعر.ماشى جبسوا اللحمه و تعالوا بعد التجبيس اعملوا خرم او فتحه فى اعلى العرق و دخلوا جواها دباره لو عندك ابره منجد تقدرى تعملى الشغلانه دى...و ده علشان نقدر نعلقها يا حلوين.طيب لا انصح ابدا بغسل اليدين بعد هذه المرحله ..روحى و بمنتهى الرقه حطى ايدك على انف زوجك و اللى نايم غلبان ان ما قام مذعور ما بقاش انا دودو....ههههههههه...و يا سلام الجيران هيحسوا ان فيه بقال فتح فى العمارة او ان معمل بسطرمه برضه فتح تحت العماره..مالهاش حل يا نااااس ريحه حلوة انا بحبها..طيب هنعلق العرق جنب الشباك فى المطبخ و بعد اسبوع....اعزمى العيله و عيلة العيله و اختارى ضيف شرف يقص الشريط ههههههه و بألف هنا و شفا...يالا على الصور يا كتاكيت..


يالا بسطرمه Pastrami او بسطرمه نوع من انواع اللحم المقدد


و تختلف طريقه تصنيعه بين الغرب و الشرق يعني البسطرمه



على الطريقه الغربيه غير الطريقه الشرقيه اللى اتعودنا عليها و


على ريحتها الحلوة .فى مصر ..وطنى ....بنموت فى البسطرمه و


بنحب دايما ان تلاجتنا ما تفضاش منها...و الان و رغم


اسعارها اللى اصبحت تطاول العناء بنروح برضه و نشترى حتى

و لو تمن كيلو ..الكيلو يا حلوين وصل الى 87



جنيه...اه و البسطرمه ليها طرق كتير للتقديم و بنحب ناكل


البيتزا بيها و يا سلام على طاسه بيض بالبسطرمه ..الصبح


.تمت و كمان كام يوم لما تستوى هنقطع و نذوق و نفرق كمان على الحبايب ..ههههه...انا هنا استخدمت سمانه علشان مالقيتش عرق فلتو و كله ماشى بس انا بفضل العرق ...يالا اشوفكم على خير يا كتاكيت

 
قديم 01-15-2010, 01:00 PM   #2

مرية


رد: يالا بسطرمه مصرية لاخاواتي المصريات خصوصا


يالا بسطرمه مصرية لاخاواتي المصريات خصوصا

اضغط على الصورة لعرض أكبر

الاســـم:	pas1.jpg
المشاهدات:	7609
الحجـــم:	26.8 كيلوبايت
الرقم:	52038

اضغط على الصورة لعرض أكبر

الاســـم:	pas2.jpg
المشاهدات:	586
الحجـــم:	27.0 كيلوبايت
الرقم:	52039

اضغط على الصورة لعرض أكبر

الاســـم:	pas3.jpg
المشاهدات:	688
الحجـــم:	31.5 كيلوبايت
الرقم:	52040

اضغط على الصورة لعرض أكبر

الاســـم:	pas4.jpg
المشاهدات:	835
الحجـــم:	20.8 كيلوبايت
الرقم:	52041

اضغط على الصورة لعرض أكبر

الاســـم:	pas6.jpg
المشاهدات:	692
الحجـــم:	31.3 كيلوبايت
الرقم:	52042

اضغط على الصورة لعرض أكبر

الاســـم:	pas7.jpg
المشاهدات:	912
الحجـــم:	22.7 كيلوبايت
الرقم:	52043

اضغط على الصورة لعرض أكبر

الاســـم:	pas8.jpg
المشاهدات:	8185
الحجـــم:	27.6 كيلوبايت
الرقم:	52044

اضغط على الصورة لعرض أكبر

الاســـم:	pas9.jpg
المشاهدات:	2198
الحجـــم:	23.7 كيلوبايت
الرقم:	52045

 
قديم 01-15-2010, 01:02 PM   #3

♥ღعاشقه بعلهاღ♥


رد: يالا بسطرمه مصرية لاخاواتي المصريات خصوصا


يالا بسطرمه مصرية لاخاواتي المصريات خصوصا

هههههههههههههههههه
موضوعك رائع
واسلوب اروع
شكرا ياعمر المصريين ماتحرم منك

 
قديم 01-15-2010, 01:07 PM   #4

♥ღعاشقه بعلهاღ♥


رد: يالا بسطرمه مصرية لاخاواتي المصريات خصوصا


يالا بسطرمه مصرية لاخاواتي المصريات خصوصا

جميله الصور والله انا بموت بالبسطرمه جوعتينى اوى
تسلم ايديكى

 
قديم 01-15-2010, 01:32 PM   #5

meromero188


رد: يالا بسطرمه مصرية لاخاواتي المصريات خصوصا


يالا بسطرمه مصرية لاخاواتي المصريات خصوصا

تسلم ايدك حببتى
..

 

أدوات الموضوع



الساعة الآن توقيت السعودية الرياض و الدمام و القصيم و جدة 02:41 AM.

 

Powered by vBulletin® Copyright ©2000 - 2024,
vBulletin Optimisation provided by vB Optimise (Pro) - vBulletin Mods & Addons Copyright © 2024 DragonByte Technologies Ltd. يمنع انتهاك أي حقوق فكرية علماً أن جميع مايكتب هنا يمثل كاتبه وباسماء مستعارة ولمراسلة الإدارة يمكنكم استخدام الإتصال بنا
Search Engine Optimization by vBSEO 3.6.0