ازياء, فساتين سهرة

العودة   ازياء - فساتين سهرة و مكياج و طبخ > الجمال والرشاقة > العناية بالبشرة و الجسم
تسريحات 2013 ذيل الحصان موضة و ازياءازياء فكتوريا بيكهام 2013متاجر ازياء فلانتينو في باريسمكياج العين ماكياج دخاني makeup
العناية بالبشرة و الجسم موسوعة العناية بالبشرة في فصل الشتاء يوجد هنا موسوعة العناية بالبشرة في فصل الشتاء وصفات خلطات كريمات أقنعة البشرة العناية بالبشرة و خلطات الجسم أنواع البشرة , اسمرار البشرة العناية بالبشرة و الشعر و الجسم خلطات الجمال خلطات طبيعية

فساتين العيد


 
قديم 01-18-2010, 03:50 PM   #1

ملاك وحبي الك هلاك

:: كاتبة فضيّـة ::

الملف الشخصي
رقم العضوية: 91566
تاريخ التسجيـل: Nov 2009
مجموع المشاركات: 6,238 

قلب جديد موسوعة العناية بالبشرة في فصل الشتاء


موسوعة العناية بالبشرة في فصل الشتاء

اذا يستاهل التثبيت ممكن يتثبت




اضغط على الصورة لعرض أكبر

الاســـم:	081113142923x5Xo[1].jpg
المشاهدات:	9263
الحجـــم:	27.3 كيلوبايت
الرقم:	52381





طبعا أنتى عارفة إن انخفاض نسبة الرطوبة في فصل الشتاء يؤدي إلى زيادة جفاف البشرة سواء بشرة الجسم أو الوجه وبالتالي حدوث مشاكل كتير زي مثلا ظهور قشور بيضاء في بعض أجزاء الجسم أو إنك تحسي إن بشرتك لونها باهت وغير حيوي بالإضافة إلى تعرض البشرة للجفاف وظهور التشقق في بعض أجزاء منها زي اليدين والوجه والرجلين..

علشان كده هقول لك دلوقت على شوية نصائح هتساعدك على العناية ببشرتك في فصل الشتاء...




يلا نشوف النصائح دي مع بعض..














النصيحة الأولى
بلاش صابون

شوفي يا قمر النصيحة الأولى اللي لازم تاخدي بالك منها هي إنك تبعدي نهائيا عن استخدام الصابون ومش قصدي هنا إنك تبعدي عن كل أنواع الصابون لا قصدي إنك تبعدي عن الصابون اللي بيحتوي على روائح معطرة لأنه بيساعد على زيادة جفاف الجسم..

علشان كده عايزاكى طووول الشتاء تستخدمي صابون الأطفال لأن ده بيكون فيه مواد مغذية وملطفة للجسم وبتعوض الجسم عن الجفاف اللي ممكن يتعرض له نتيجة عوامل الجو.






النصيحة التانية
لا للمياه الساخنة



اضغط على الصورة لعرض أكبر

الاســـم:	081113142924mEBL[1].jpg
المشاهدات:	578
الحجـــم:	16.8 كيلوبايت
الرقم:	52382



طبعا اللي هتشوف كلمة "لا للمياه الساخنة" دي هتقول إيه ده معقول حد يقدر يعيش من غير ما يستخدم الماء الساخن

شوفي يا قمر في حقيقة كتير مننا مش عارفها وهي إن الماء الساخن مضرة جدا للجسم وهي اللي بتساعد على جفاف الجلد وبالتالي بتساعد على تشققه علشان كده ياريت تستخدمي في الشتاء مياه فاترة.






النصيحة الثالثة
نشفي بشرتك بفوطة ناعمة


اضغط على الصورة لعرض أكبر

الاســـم:	0811131429246N5z[1].jpg
المشاهدات:	1940
الحجـــم:	20.8 كيلوبايت
الرقم:	52383


أكيد كلنا بنتعرض للميه كل شوية يعني علشان الوضوء أو غسل الأيدي مثلا، وعلشان كده عايزاك تبقي ذكية وكل ما تعرضي بشرتك للميه تنشفيها بالراحة بفوطة ناعمة وبأكد كلامي فوطة ناعمة، واوعي تسيبيها من غير ما تنشفيها لأن ده هيزود جفافها ويعرضها للتقشف.

وفيه حاجة كمان حلوة ممكن تعمليها وهي إنك تدلكي إيدك ووشك بأي كريم مرطب بعد ما تغسليهم، وكمان عايزاك تاخدي بالك من حاجة مهمة قوووي وهي إنك ماتغسليش وشك أو تستحمي مثلا وتخرجي في الهواء البارد على طول، لا اقعدي في البيت لمدة ساعتين وبعد كده اخرجي.







النصيحة الرابعة
ماتكتريش من الماكياج




اضغط على الصورة لعرض أكبر

الاســـم:	081113142925GIVk[1].jpg
المشاهدات:	391
الحجـــم:	16.2 كيلوبايت
الرقم:	52384




دي نصيحة مهمة قوي لازم تاخدي بالك منها في الشتاء وهي إنك ماتكتريش من وضع الماكياج خاصة "كريم الأساس والبودرة" علشان ما تظهرش حبوب أو بثور سوداء في بشرتك وده لأن مسام الجسم بتتنفس بصعوبة شديدة في الشتاء..





النصحية الخامسة
اشربي سوائل على قد ما تقدري




اضغط على الصورة لعرض أكبر

الاســـم:	081113142926mVX2[1].jpg
المشاهدات:	813
الحجـــم:	16.4 كيلوبايت
الرقم:	52385






كتير مننا بيقلل من شرب السوائل في الشتاء بالرغم من إن السوائل دي مفيدة جدا للجسم وده لأنها بتساعد على ترطيب الجسم من الداخل إلى الخارج علشان كده ياريت تكتري من شرب السوائل زي الماء والعصائر الطازجة طبعا والفواكه اللي فيها فيتامينات زي "البرتقال واليوسفي"، لأن كل الحاجات دي هتغذي البشرة وهتبعد عنها الجفاف.













المشكله الاولى
هى جفاف جلد الجسم

الاســـم:	081113145517iQut[1].jpg
المشاهدات: 15835
الحجـــم:	11.5 كيلوبايت

أكيد كلنا في الشتاء بعد ما بناخد دش بنحس إن جلدنا بقى جاف قوي ومش بيلمع..

والحل يا ستي إنك تدلكي جسمك قبل الاستحمام بربع ساعة بزيت زيتون وبعد كده خدي الدش بتاعك عادي بس ياريت بعد ما تخلصي الاستحمام بالماء الفاترة تاخدي دش تاني بماء باردة وبعد ما تخلصي الدش نشفي جسمك بفوطة ناعمة وبعد كده ابدأي في وضع كريمات مرطبة على جسمك وهتشوفي الفرق بنفسك.






المشكلة التانية
جفاف جلد الوجه


برضه أكيد ساعات بتلاقي بشرة وشك في الشتاء مشدودة وجافة وبتجربي كريمات كتير وبرضه مفيش فايدة..

والحل هو إنك تجربي أي ماسك يعجبك من الماسكات دي وتتخلصي من المشكلة دي نهائي..


ماسك الزبدة لعلاج جفاف البشرة

اضغط على الصورة لعرض أكبر

الاســـم:	081113145518Ix8s[1].jpg
المشاهدات:	533
الحجـــم:	20.2 كيلوبايت
الرقم:	52387

المكونات :

• معلقة صغيرة زبدة
• معلقة كبيرة ماء

الطريقة:اخلطي ملعقة صغيرة من الزبدة مع ملعقة ماء وقلبيهم مع بعض كويس وبعد كده ادهني بيها وشك لمدة ربع ساعة وبعد كده اغسلي وشك بالماء الفاترة وكرري الماسك ده مرتين في الأسبوع وهتشوفي الفرق بنفسك.









ماسك العسل بالليمون




اضغط على الصورة لعرض أكبر

الاســـم:	081113145518dTFj[1].jpg
المشاهدات:	4529
الحجـــم:	24.6 كيلوبايت
الرقم:	52388




والماسك ده بالإضافة إلى إنه بيساعد على علاج مشكلة جفاف البشرة كمان بيساعد على ترطيب البشرة وزيادة نعومتها..






المكونات :


ملعقة كبيرة عسل نحل
• ملعقة كبيرة عصير ليمون
• ملعقة كبيرة خميرة بيرة
• ملعقة مياه دافئة

الطريقة:أذيبي الخميرة في مياه دافئة لغاية ما تبقى عجينة بعد كده ضيفي إليها ملعقة عسل واخلطي المقادير دي مع بعضها بعد كده ضعي الماسك على وشك وسيبيه لمدة خمس دقائق لغاية ما تلاقي إن الماسك ده بدأ يجف، وبعدين هاتِ ملعقة فيها ليمون وبللي بها قطعة قطن وبعد كده مرري قطعة القطن دي على وشك وبعد مرور خمس دقائق اغسلي وشك بالماء الفاترة وبعدين بماء باردة وكرري الماسك ده مرة كل أسبوع وهتشوفي الفرق بنفسك.




المشكلة الثالثة
شحوب البشرة










من ضمن المشاكل اللي ممكن تتعرضي لها في الشتاء إنك بتحسي إن بشرتك لونها شاحب شوية والحل إنك تجربي الماسك ده..



ماسك البرتقال



اضغط على الصورة لعرض أكبر

الاســـم:	081113145519F9Qu[1].jpg
المشاهدات:	1939
الحجـــم:	14.3 كيلوبايت
الرقم:	52389



المكونات:


• عصير نصف برتقالة
• 3 معالق عسل

الطريقة:سخني العسل مع عصير البرتقال على نار هادئة لغاية ما تلاقي العسل ذاب، بعد كده شيليه من على النار وسيبيه شوية لغاية ما تلاقيه برد، وبعد كده حطيه على وشك لمدة ربع ساعة وبعدين امسحي وشك بقطنة مبلولة بالماءالفاترة وكرري الماسك ده مرتين في الأسبوع وهتلاقي وشك بقى حاجة تانية خالص.




المشكلة الرابعة
خشونة جلد اليدين وتشققه


دي مشكلة بتعاني منها بنات كتير جداا طووول الشتاء كل ما تيجي تسلمي على واحدة تلاقي إيديها خشنة قوووي.

والحل هو الماسك ده..





ماسك عصير الليمون


ملف مرفق 52390


كل اللي عليك إنك تعصري نصف ليمونة على باطن إيدك وبعد كده تاخدي العصير ده وتدعكي بيه إيدك وبعد مرور 10 دقائق تشطفي إيديك بالماء الفاترة، وكرري العملية دي كل يوم وبعد مرور أسبوع هتلاقي بشرة إيدك رجعت لها النعومة وبقت أنعم من الحرير.


المشكلة الخامسة
خشونة كعب القدمين وتشققه







دي مشكلة كمان ممكن تقابلك وده لأن جلد كعب القدمين ضعيف جدا وبيتأثر بالبرودة قوووي.

والحل بسيط جدًا وهو..





حمام المياه والفازلين



اضغط على الصورة لعرض أكبر

الاســـم:	081113145520MNzX[1].jpg
المشاهدات:	917
الحجـــم:	29.1 كيلوبايت
الرقم:	52391


ضعي رجليكِ في مياه تكون فاترة لمدة عشر دقائق وبعد كده ادعكي رجليكِ بالحجر بعد ما تتأكدي من إزالة كل الجلد الميت نشفي رجلكِ كويس وضعي طبقة سميكة من الفازلين على كعوب رجلك وبعد كده البسي كيس بلاستيك في رجلكِ وعليه شراب وسيبيه لمدة نص ساعة أو نامي به وقومي الصبح وهتلاقي الفرق بنفسك.







المشكلة السادسة تشقق الشافايف


اضغط على الصورة لعرض أكبر

الاســـم:	081113145520eXi5[1].jpg
المشاهدات:	3923
الحجـــم:	18.5 كيلوبايت
الرقم:	52392


فيه كمان مشكلة ممكن تقابك في الشتاء وهي مشكلة تشقق الشفايف وده لأن زي ما أنت عارفة جلد الشفايف جلد رقيق جدا وبيتأثر بأي حاجة بسرعة علشان كده بتلاقيه هو أول حاجة بتتأثر بانخفاض درجات الحرارة.

والحل
شوفي يا قمر قدامك أكتر من حل وأنتى اختاري المناسب لكى:
1- أول حاجة احرصي طول الشتاء على استخدام زبدة كاكاو لأنها بتقي الشفايف من الجفاف وبترطب الشفايف.
2- تحطي طبقة من "الفازلين" على الشفايف بعد غسلها وتنشيفها.
3- ادعكِ شفايفك كل يوم بالليل بالطحينة وعلى فكرة الطحينة مش بس هتعالج التشققات دي هتعالج كمان أي التهابات موجودة.
4- ادعكِ شفايفك بعسل النحل كل يوم الصبح.









المشكله السابعه تشقق جلد الكوعيين




اضغط على الصورة لعرض أكبر

الاســـم:	0811131455206lCh[1].jpg
المشاهدات:	413
الحجـــم:	31.8 كيلوبايت
الرقم:	52393




من ضمن المشاكل اللي ممكن تتعرضي ليها في الشتاء مشكلة تشقق جلد الكوعين


ودي حلها ماسك زيت القرفة





المكونات:
3 نقط زيت قرفة (من عند العطار)
8 معالق كبيرة زيت مشمش (من عند العطار)

الطريقة:
ضعي المكونات السابقة مع بعضها في زجاجة واقفليها كويس ورجي الزجاجة دي كويس علشان المقادير دي تتخلط مع بعضها، وبعد كده ادهني الأماكن المصابة بالجفاف والتشقق وبعد مرور نص ساعة اغسليها بالماء الفاتر وكرري الماسك ده مرة كل أسبوع.

 
قديم 01-18-2010, 08:50 PM   #2

ماري بيل


رد: موسوعة العناية بالبشرة في فصل الشتاء


موسوعة العناية بالبشرة في فصل الشتاء

في صراحة موضوووووووووووووع مهم و يستحق التتبيت

 
قديم 01-19-2010, 01:54 PM   #3

ملاك وحبي الك هلاك


رد: موسوعة العناية بالبشرة في فصل الشتاء


موسوعة العناية بالبشرة في فصل الشتاء

شكرا

 
قديم 01-20-2010, 07:34 PM   #4

Ni3MaT


رد: موسوعة العناية بالبشرة في فصل الشتاء


موسوعة العناية بالبشرة في فصل الشتاء

tislam idiki ya rab


wi jazaki allah kol khir

enta iditi 7olo liko elmashakil ili biti7salina fi shita


ya rab y7miiiiiiiiiiiiiki


mashkora ya 2amaraya

domti b khir


 
قديم 01-20-2010, 07:46 PM   #5

ملاك وحبي الك هلاك


رد: موسوعة العناية بالبشرة في فصل الشتاء


موسوعة العناية بالبشرة في فصل الشتاء

شكرا

 

أدوات الموضوع



الساعة الآن توقيت السعودية الرياض و الدمام و القصيم و جدة 01:53 AM.

 

Powered by vBulletin® Copyright ©2000 - 2024,
vBulletin Optimisation provided by vB Optimise (Pro) - vBulletin Mods & Addons Copyright © 2024 DragonByte Technologies Ltd. يمنع انتهاك أي حقوق فكرية علماً أن جميع مايكتب هنا يمثل كاتبه وباسماء مستعارة ولمراسلة الإدارة يمكنكم استخدام الإتصال بنا
Search Engine Optimization by vBSEO 3.6.0