السلام عليــــكم ورحمـــــة الله وبركــــــاته
أزيكم جميعااااا ....
فيـــــه موضوع شــاغلنى جدااا من وقت ما أشتركت فى المنتدى
وأتمنى أننا نناقشه سوا وهوا فيه شىء من الصراحه وأتمنى أن محدش يتضايق
من كلامى لأنى متأكده أن حد هيفهمه بطريقة ما وممكن يتضايق .. لكن أنا هقول
اللى شايفاها ونتناقش ..
ظاهرة غريبة تملأ كل الملفات الشخصية والرسائل الخاصة
مضمونها " ممكن تصوتيلى فى مسابقة كذااااا ......"
أنا مش ضد المسابقات أبدا بل بالعكس بحبها لانها بتخلق نوع جميل من المنافسه فى تقديم الأفضل من صور باختلاف انواعها
والأعضاء يدخلو بشوفو مين يستحق ويصوت له
لكن اللى بيحصل أنى بشوف أن فيه تنافس لإرسال أكبر عدد من الطلبات للتصويت من الأعضاء دون النظر إلى هدف المنافسه والمسابقة والمتعة منها
ودون النظر إلى ان ممكن يكون حد يستحق التصويت ده أو إن اللى طلبت صوتى دى أنا شايفه ان فيه غيرها يستحق ....
وأكيد اللى مش هتبعت لحد يصوت لها أكيد اكيد عدد الاصوات بتاعتها بيكون قليل
..................
ملحوظة كلامى مش موجه لحد بعينة
أتمنى أننا نترك هذا الأمر لانه مش لطيف أبدااا ... أنتى أعملى اللى عليكى واستنى حد يدخل ويصوت ليكى إعجابااااااا باللى قدمتيه وليس تلبية لرغبتك ساعتها بجد هتحسى بمتعه جميلة
ودايما يبقى فيه تنافس ولو مش فزتى مرة هتفوزى التانية
هتتعبى مرة واحده بس وهيا أنك تجيبى احسن ما عندك
لكن لما تقعدى تبعتى لكم كبير عشان يصوتو ليكى موضوع متعب .....
وبدل ما ترسلى طلب للتصويت لكى ... أرسلى أنه "يوجد تصويت لمسابقة ما ونريد منك التصويت للأفضل "
أتمنى تـاخدو كلامى بصدر رحب
أحبـــــــكن
وأتمنى تفاااااااااااااااعل