 |
  |
|
|
|
02-19-2010, 05:25 PM
|
#1 |
|
:: كاتبة نشيطة :: |
نقاط ذهبية لكل عروس
السلام عليكم جميعا
كيفكم جميعاااااا الموضوع مني لكم بس ابغا رفع الموضوع عشان الكل يستفيد تكفون والله تعبت وانا اكتب بس ارفعوا الموضوع اتمنى اكون افدتكم ولو فيه لخبطة بطريقة سردي وكتابتي اعذروني بكتب بسجيتي النقطه الذهبيه الاولى : شخصيتك : 1- لازم تكون شخصيتك متزنه يعني ماتكوني خفيفه الي الكل يستغلها ولاالثقيله العصبيه الي الكل ينفر منها . 2- تكوني على طبيعتك ماتتصنعين ابد . 3- لاتعطين اذنك لااي احد يقولك سوي كذا ولاتسوين كذا انتي اعرف بنفسك 4- اسرارك لاتطلع لااي شخص مهما كان 5- لاتعاملين الناس كلهم بنفس الطيبه يعني كوني الطيبه الي حاطه حدود للناس انهم مايتجاوزون حدودهم يعني طيبه بس ماتسمح لحد يغلط عليها 6- تعاملك مع زوجك تسمعين الي يقولون لاتعطينه وجه واثقلي ومدري وشو لا بالعكس تقربي منه واكسبيه وحببيه لك ولاتنفرينه منك امسكي اعصابك لو زعلك وقولي الله يسامحك بيحس بالذنب وبيعتذر لك 7- التمسي العذر لزوجك بفترة الملكه اظهري لزوجك حسناتك والشيء الحلو بشخصيتك حببيه لكي لاتنفريه ولاتظهريله الشيء الي مو حلو لك النقطه الذهبيه الثانيه : نظافتك : 1- حاولي دايم تهتمي باسنانك وتسوين الحشوات وماتهملينها ابد 2- استخدمي غسولات الفم مثل ليسترين وكمان فرشاه ناعمه وكمان خيط سني ومضمضمه بمويه وملح 3-وكمان استخدمي معطرات الفم وحافظي على تفريش اسنانك كل بعد وجبه فرشيهم 4-نظافتك الشخصيه استخدمي غسولات للمنطقه الحساسه مرتين بالاسبوع لو كثرتي راح تموت البكتيريا النافعه واستخدمي صابونه للمنطقه ممكن صابونة البابايا تبيض وتنظف 5- استخدمي ملح الحليب بالبابايا روعه للجسم وكمان اخلطي بعلبه كريم جليسوليد واعصري عليه ليمونه وكمان شوية زيت جليسرين سايل روعه يعطي نعومه 6- استخدمي بودرات للجسم معطره روعه في ب10 وريحتها تهبل من ملات العطور والمكياج 7- تعودي تتعلمين تشيلين بالحلاوه وتنظفين نفسك مو تعتمدين على احد ومنطقه البطن انا استخدم كريم كازنوفا احطه واحط عليه شوية مويه واحطه على بطني والله روعه يشيل الشعر والله روعه ولاكثر الشعر عندي ولاطلعلي حبوب صح ريحتة مو حلوه بس بعد ماتشيلين راح تتروشين وتحطين بودره لجسمك وزيت جونسون وكريمات راح تقطع الريحه 8- واتمنى يابنات مو بس تهتمون قبل الزواج و بعدين تطنشون ويصير كل شيء عندك عادي لا 9- اهتمي بشعرك وبنعومته يعني لو شعرك ناشف وباهت ومهلوكه من الصبغات وفيه تقصف وحارقته بالاستشوار 10- عالج شعرك حاولي مرتين بالاسبوع تزيتين شعرك من الزيوت الي تعطي نعومه للشعر زيت السمسم وزيت البردقوش وتكلم عنه الدكتور عبد الباسط وزيت الوز الحلو ينعم الشعر وربي كلهم عن تجربه -و زيت سدرين للشعر في الصيدليه في منو أكتر من نوعاستخدمي اللي مكتوب عليه ( مقوي ومكثف ومانع للتساقط ) وهو عباره عن مجموعة زيوتمخلوطه اللي هيا :- ( زيت اللوز الخروع الزيتون النارجيل ومعاه كمانفيتامين a & e خلاصة الغار السدر القراص المراميه ) هادا الزيت رائعوالنتيجه نعومه ولمعان وكتافه من أول مره تستخدميه زي ماتحبي لمدة 6 ساعات 11-انا استخدمت بشهر 10 الي راح دابراملا شهرين وتركته بشهر1 والله طول شعري لين نص ظهري لانه كان لكتفي وتركته لانه وحده قالت لي اي زيت يسود لون الشعر لما تصبغي ماتطلع لون الصبغه كويس 12-الزيوت الي تطول الشعر انا جربت دابر وشفت نتايجه وبنت جيرانا استخدمت الخردل وروعه 13-حاليا استخدم خلطة الزيوت ه وكتبتها بموضوع من مواضيعي بقسم العنايه بالشعر بالتفصيل الملل بس لغيت زيت النارجين وحطيت بداله زيت الصبار والخردل 14-اي شيء كريم زيت بلسم مكتوب فيه الصبار خوذيه وانتي مغمضه ن الصبار يجدد الخلايا وممتاز للشعر والبلسم 15-الصباح اول ماتصحين امسحي وجهك بمنديل وحطي اسكينول بالبابايا اوبالليمون واغسلي وجهك بالصابون البابايا او اغسلي وجهك بصابونة بيزلين لتفتيح الوجه ونشفي وجهك على قوت الغداء او بعد ساعه حطي كريم مرطب لان الصابون يسبب الجفاف 16-واشتري من محل نزيه الي بحراء بجده يبيع بالجمله اشتري جهاز تنظيف الوجه بالبخار زي حق المشاغل صغير او خوذيه من الصيدليه واشتريلك صنفره كاب من الصيدليه ونظفي نفسك افضل من المشاغل واشتري اقنعه وماسكات من الصيدليه 17- بعد الزواج لما خلاص تنتهي من الدخله بعدها باسبوعين ابدي تنقعي بمويه وملح عشان المنطقه الي تت تكون معقمه ونظيفه او تنقعي خوذيلك ورد جوري وحطيه بطشت واغلي الورد والمويه بقدر لين يصير المويه دافي وتنقعي فيه يعطي ريحه حلوه او استخدمي من النهدي غسول للمنطقه بريحة الورد ب54 ريال 18-استخدمي زبدة الكاكاو للجسم تعطي طراوه للجسم عند العطار وتلقينها بالصيدليات وحاولوا قبل النوم تدهنون جسمكم عشان يصير طري النقطه الذهبيه الثالثه : حياتك: 1-تفاءلي وعيشي حياتك ولاتقولين اخاف يصير كذا ويصير كذا لالالالا لاتسبقين الاحداث ربي يقول( انا عند حسن ظن عبدي في) 2-لاتفكرين بشيء راح فكري بكره فكري بحياتك بزوجك بربك 3-لاتخلين الدنيا تشغلك وتكون اكبر همك لا الدنيا دار فناء والاخره دار بقاء 4- ابعدي عن الغبيه ونقل الكلام ولو احد سالك سمعتي شفتي قولي مدري عشان لاتطين نفسك بمشاكل 5-اكسبي اهله حاولي تكوني قريبه منهم تهادوا تحابوا اهدي ام زوجك قطعه قماش او اعطيها ميتين او بخور او دراعه 6-امدحي اهله لا تسبين اي احد ابدا لان الناس دايم يقولون الي خلاها تسب قدمنا بتسب من ورانا لسانك حصنك امسكي لسانك ولو جلستي بمجلس فيه غيبه ونفاق ماقولك صيري مطوعه بس حاولي تقطعين الموضوع بسالفه ثانيه سوالفوا عن الاسواق عن الكريمات اي شيء غير الحكي الي يجيب ذنوب 7-نصيحه باذن كل وحده لاتقولين لزوجك ولا لااي احد انا سمراء انا ركبتي سوداء انا عصبيه انا معرف اطبخ انا شخصيتي ضعيفه انا فيني وفيني وفيني لالا كذا تفتحين عين زوجك والناس ينتبهون للشيء اصلا ماكانوا منتبهين له .منقول ......محبتكم : .الحنـــــــــــــــان كله |
|
03-02-2010, 09:30 PM
|
#2 |
|
|
رد: نقاط ذهبية لكل عروس
الله يبارك فيكى
موضوعك كتير مفيد |
|
03-11-2010, 08:07 PM
|
#3 |
|
|
رد: نقاط ذهبية لكل عروس
 |
|
04-09-2010, 12:53 AM
|
#4 |
|
|
رد: نقاط ذهبية لكل عروس
جزاك الله خيرا حبيبتي
واله باين تعبك ومجهودك عليه ومشكوره واستفادت كتير منه ربنا يكرمك |
|
04-10-2010, 12:31 PM
|
#5 |
|
|
رد: نقاط ذهبية لكل عروس
مشكوره
|
