التعامل مع الزوج و العلاقة الزوجيةزوجى وكرة القدم !!! تجربة شخصية ..
يوجد هنا زوجى وكرة القدم !!! تجربة شخصية .. العلاقة الزوجية Marital relationship و حياة زوجية سعيدة Married life مشاكل الحياة الزوجية و الحلول الثقافة الزوجية السعادة الزوجية حقوق الزوجين
اليوم حابة انقل لكم تجربة شخصية مريت بها فى حياتى الزوجية مع زوجى الحبيب..
من اول يوم فى زواجى عرفت ان زوجى كاغلب ازواجنا عاشق للساحرة المستديرة(كرة القدم)
ويوم الماتش او المباراة وخاصة لما تكون مباراة مهمة بين فريقين مهمين او بين المنتخب القومى ومنتخب دولة اخرى بيكون يوم مهم فى حياته بيحاول جاهدا _رغم انشغاله الشديد بعمله_ انه ينظم وقته ليجد وقت متسع لمشاهدة المباراة
فى البداية كان بالنسبة لى الامر غير مهم بالمرة وخاصة ان معلوماتى عن كرة القدم كمعلوماتى عن كيفية انشطار الذرة (انا كنت ادبى على فكرة مش علمى هههه)
فكان يا روحى الراجل يجلس وحيدا لمشاهدة المباراة وان حصل دة ان حصل وجلست معاه فاكون مثل الاطرش والاعمى فى زفة بلدى ...
ايه دة المفروض الحكم يحسبها بلنتى
يووووووه ما دخلتش
العب يا اخى شوت شوت بقى
ضربة حرة مباشرة يا مسهل
طبعا كل دة بيتقال وانا زى لامواخذة (ال.....)
الشئ الوحيد اللى كنت بافهمه..ان الكورة تدخل الشبكة وتبقى جووون ودة باعرفه من طنطيط جوزى وفرحته وساعات من صوت الجيران اللى حوالينا اللى يصفر واللى يغنى واللى يخلى مراته تزغرت
..مرة فى مرة ابتدى الراجل يزهق قاعد مع صنم ولعياذ بالله لانى كنت كتير بعد المباراة ما تخلص اساله هو كان بين مين ومين !!!!!
ابتدى يخرج يتفرج على المباراة عند اصحابه بيتجمعوا عشان يتفرجوا مع بعض او عند اخواته ..المهم طفش يا حبة عينى من البيت
وفعلا ابتديت اقعد معاه واسأل السؤال مش عيب احسن من الجهل 10000مرة
ومرة فى مرة اصبح جلوسنا مع بعض للفرجة على مباراة شئ لطيف جدا ومسلى
وفعلا لاحظت فرحة جوزى بيا لما بنتفرج سوا ..حتى لما يكون مشغول فى شغله بيتابع اخبار المباراة منى انا على التليفون
رغاية انا؟؟؟
بس عايزة اقولكم ايه الدرس اللى خرجت بيه...
ان مشاركة الزوج اهتماماته شئ رائع ومهم جدا وبيقرب الزوجين من بعض
ايه العيب انك تحاولى تعرفى هواياته واهتماماته وتشاركيه حتى لو كانت اهتمامات بسيطة مادام مش حرام يبقى فين الغلط؟؟؟؟
هو مش بيفكر يشاركنى فى اى حاجة...مش بردوا راح تقولى كدة ..؟؟؟
يا ستى مش مشكلة ابتدى انتى وهو راح يتكسف ويعمل زى ما انتى بتعملى وحتى لو مش عمل زييك على الاقل يبقا عداكى العيب ولا ايه؟؟؟؟
سامحونى لو طولت عليكم بس والله حبيت احكيلكم عن حاجة عملتها فعلا وجابت نتيجة
عارفين بقا لو مش قيمتونى بالميزان حاعمل ايه؟؟؟
مش راح احكيلكم حاجة تانية ابدا ابدا
التعديل الأخير تم بواسطة عاشقة سنة رسول الله ; 03-23-2010 الساعة 01:47 PM.
03-23-2010, 11:41 AM
#2
اصعب دمعه
رد: زوجى وكرة القدم !!!
زوجى وكرة القدم !!! تجربة شخصية ..
يسلمووووووووووووووو موضوع رووعه
وكمان احلى تقييم مني
03-23-2010, 01:24 PM
#3
عاشقة سنة رسول الله
رد: زوجى وكرة القدم !!!
زوجى وكرة القدم !!! تجربة شخصية ..
اقتباس:
المشاركة الأصلية كتبت بواسطة اصعب دمعه1849580
يسلمووووووووووووووو موضوع رووعه
وكمان احلى تقييم مني
شكرا حبيبتى
تسلمى للمرور المسك
03-25-2010, 09:39 PM
#4
عاشقة سنة رسول الله
رد: زوجى وكرة القدم !!! تجربة شخصية ..
زوجى وكرة القدم !!! تجربة شخصية ..
لا تنسون التقييم بالميزاااااااااااااااااااااااا ااااان
03-25-2010, 09:54 PM
#5
مرمرعتريس
رد: زوجى وكرة القدم !!! تجربة شخصية ..
زوجى وكرة القدم !!! تجربة شخصية ..
عملت زيك بس خلاص زهقت لانه افتكر انى بحب الكورة فعلا وكل كلامنا بقى على الكورة وبس عموما انت لسه فى الاول ربنا معاكى