المشاركة الأصلية كتبت بواسطة عاشقة سنة رسول الله

اه خطيبك من النوع دة
عموما احنا لسة فى السيف سايد ههههه
ربنا يكرمنا ونحاول نضبطه
بصى يا بطة لو بتحبيه حاولى تتحمليه وحاولى تغيرى فى سلوكياته بالتدريج مافيش حاجة بتيجى بين يوم وليلة ابدا
يعنى لما يزعل من غير سبب او بسبب قديم خدى الموضوع بهزار ((يا حبيبى انسى الى فات وروق يا قلبى ))
يا نور عينى تعالى نفكر فى بكرة تعالى نفكر فى مستقبلنا
بمعنى انك تغيرى جو النكد الى ناوى يدخلك فيه لكن لو صمم على النكد خلاص خليه براحته وانتى لا تظهرى له اى اهتمام او زعل عارفة ساعتها حيزهق لانه مش لاقى حد يزعله وينكد عليه فشوية شوية حيمل ويبطل
فاهمانى
جربى واحنا معاكى على الخط لو ما نفعتش الخطة 1100 نجرب 1101 ههههه
ربنا يسعدكم
وبالنسبة للعند فتقريبا العند علاجه مثل الى فات (الطناش)
واوعى تجادليه ساعة عنده لانه راح يعند اكتر حاولى تختارى الوقت المناسب لمناقشته
بصى انا عندى رأى كدة بيقول((غبية الست الى ما تعرف تلين زوجها )
الحديد بيلين يا ناس فما بالكم بالبشر وخصوصا الرجالة
يا بنات يا ستات ربنا سبحانه وتعالى بعظمته وعلو شانه استعظم كيدنا كيد النساء اليس هذا كافيا لنعلم قوتنا والله نقدر نعمل المستحيل بس شوية انوثة على دهاء على ذكاء على حنية كله راح يكون فل ان شاء الله
ما فيش فايدة رغاية انا
سامحونى:frasha12: