ازياء, فساتين سهرة

العودة   ازياء - فساتين سهرة و مكياج و طبخ > الجمال والرشاقة > تسريحات شعر
تسريحات 2013 ذيل الحصان موضة و ازياءازياء فكتوريا بيكهام 2013متاجر ازياء فلانتينو في باريسمكياج العين ماكياج دخاني makeup
تسريحات شعر خطوات قص و تلوين الشعر ، كيفية قص و تلوين الشعر ، خطوات قص و تلوين الشعر يوجد هنا خطوات قص و تلوين الشعر ، كيفية قص و تلوين الشعر ، خطوات قص و تلوين الشعر تسريحات جديدة 2014 و تصفيف الشعر افضل صور تساريح شعر ومواضيع تهتم بشعرك و جمال الشعر و تسريحات شعر 2015 hairstyles

فساتين العيد


 
قديم 08-11-2010, 09:39 PM   #1

مجردشعور

:: كاتبة نشيطة ::

الملف الشخصي
رقم العضوية: 131768
تاريخ التسجيـل: Aug 2010
مجموع المشاركات: 80 

صورة متحركة وجه بنت خطوات قص و تلوين الشعر ، كيفية قص و تلوين الشعر ، خطوات قص و تلوين الشعر


خطوات قص و تلوين الشعر ، كيفية قص و تلوين الشعر ، خطوات قص و تلوين الشعر

قص وتلوين شعر
سشوار
تسريحات
مكياج
بديكير ومنكير
والأهم من هذا كله الأسعار مجانيه ...


جاء الصيف .. وبدات الإجازه وكثرت المناسبات .. وصالونات التجميل صارت أنواع الزحمات .. وعلى غير سنع .. مو كلها لكن أغلبها

حبيت يكون فيه موضوع نستفيد منه ونتعلم من خبرات البنات

طبعا هدفي من الموضوع :

ان يكونوا mrame girls
يصيرون بيرفكت بالمكياج والشعر وبكل شي

على فكره ..
أنا بحياتي كلها ماقد رحت صالون تجميل علشان أعمل مكياج أو تسريحه لشعري

أنا أعمل كل شي بنفسي .. اروح الصالونات اقص او اصبغ أو أظافر يعني الاشياء البسيطه
ولأني أكره الزحمات فا ما أتخيل نفسي بيوم ويكون عندي مناسبه
وأنا متكيه بالصالون انتظر يجي دوري

والموضوع مره سهل بس يبغالكم شوية تركيز
وكمان تتعلمين بعض القواعد الأساسيه .. وصدقيني مافيه أي كوافيره بتفهمك أكثر من نفسك
أو تعرف وش الي يدور فذهنك وايش الوك الي حابه تكوني عليه



بالبدايه أبغى كل وحده تتخيل معي أنها اليوم عندها مناسبة زواج أوكي ..
راح اقولكم وش الي المفروض تعملونه .. من مكياج وشعر وبشره وكل حاجه

أول شي .. اول ما تقومين من النوم أكيد عالظهر .. سوي تنظيف لبشرتك واستعملي أي مقشر الي متعوده عليه .. أنا أستعمل (( كلين اند كلير )) مره روعه
بعد ما تخلصي من تنظيف بشرتك حطي ماسك طبيعي على وجهك ..
الهدف من الماسك .. أنك تنشطي البشره وتهيئينها للمكياج .. علشان ما يكون وجهك بالزواج باهت وذبلان .. أو ناشف




بعد كذا خذي شور وضروري تحطي بشعرك بلسم .. لأنك راح تعملي لشعرك سشوار
والبلسم ممتاز للسشوار
ولا تنسين تحطين على شعرك (( سيروم )) قبل السشوار علشان يحميه من حرارة السشوار

أنت الى الأن ما حدتي تسريحة شعرك ولا قررتي كيف بتعملي شعرك لكن ضروري تعملين سشورا .. بعد السشوار لفي شعرك رولات .. زي الي بالصوره














بعد كذا على حسب المناسبه الي رايحه لها متى بتبدأ .. لو بتروحين عالساعه 10 أو 11 لازم من المغرب تتجهزين .. علشان يمديك تخلصين بدري
المهم بعد ماتلفين شعرك رولات .. تبدأين بالمكياج ..

طبعا انت عملتي تقشير لوجهك وحطيتي ماسك يعني بشرتك صارت روعه
قبل المكياج ضروري ضروري تحطي كريم ترطيب قبل المكياج وتلاقيه عند فيسز وبكل ماركات المكياج متوفر
بعد الترطيب تحطي البيس على وجهك
وتختاري كريم اساس يناسب لون بشرتك و وزعيه على وجهك .. بعد كذا الكونسيلر
علشان لو كان عندك عيوب بالبشره بتخفينها أو بتصغرين مناطق او بتكبرينها
و استعملي فرشاة الدمج علشان تعملي توزيع متقن للي على وجهك
بعد كذا استعملي أي بودرة تحبين فيه أنواع فيها لمعه وفيه أنواع عادي على حسب رغبتك ..






بعد ماتخلصين أبدأي بمكياج العين

قبل ما تحطي الأي شادوا .. استعملي مثبت مكياج العين .. أنا أستعمل مثبت من ميك أب فور ايفر وهذي صورته ..



مره روعه تحطي منه نقط بسيطه على طرف اصبعك وتدهني فيه جفن العين وتركيه ثواني بس ينشف .. وبعد ما ينشف ابدأي المكياج ..
ضروري تستعملينه لأن مع الأجواء الحاره يسيح مكياج العين
فا هالشي ما يخليه يسيح ابدا حتى بالمويه ما يروح .. بس لاتخافون
يجي معاه مزيل لمكياج العين
وهذي صورته ..



بعد ماتخلصي من الاي شادو.. تبدأين بالأي لاينر .. والماسكارا ..
ولو كنت حابه تركبي رموش










اخر شي تبدأين برسم الحاجب .. بالتاتو
فيه نقطه مهمه .. لازم تنتبهون لها .. لما تعملي حواجبك .. انتبهي تلونينها تلوين كن الي قدامك كراسة رسم .. لأ
بزاوية الفرشاة المخصصه للحواجب .. اعملي زي ضربات خفيفه بالريشه أو خطوط صغيره وعبي فيه الفراغات الي بين الشعر ...
اما غير كذا بيطلع شكلهم بشع ..
وهذي صورة التاتو الي استعمله ..




حبيت النوع هذا أكثر من الي يجي زي المرهم .. لأن حسيت هذا ثقيل ويطلع الحاجب طبيعي أكثر
وما يعمل طبقه على الحاجب ..


وبكذا نكون خلصنا من مكياج العين .. نبدأ بالأرواج .. بما أننا رايحين مناسبة زواج لازم ما نستعمل أي نوع من الأرواج ..
لازم نختار نوع يكون يثبت لمده أطول ..
قبل ما نبدأ بوضع الروج على الشفايف ...
ضروري نعمل ترطيب للشفاي
فيه مرطب من ميك اب فور ايفر انا مستحيل استغني عنه
وهذي صورته ..



طبعا ما تكثرين منه زي لما تحطي قلوس .. لأ بس تحطي شي بسيط علشان يرطبلك شفايفك ..
بعد كذا تختارين محد شفايف يكون من نفس دجة الروج .. وتبدأين ترسمي شفايفك وتلونيها كامله بالمحد .. مو بس الاطراف لأ لونيها كامله .. وضروري يكون من نفس درجة الروج
بعد كذا خذي الفرشاة المخصصه للأرواج ولوني شفايفك فيها ..
ولو حبيتي تضيفي قلوس بعد الروج هالشي راجع لك ..




بعد ما خلصنا من الشفايف .. يجي دور البلاشر اختاري لون يناسب بشرتك ويناسب لبسك ومكياجك .. ونقطه مهمه .. شايفه العظمه الي تحت العين .. انتبهي تحطي بلاشر عليها
بتطلعين كنك مهرج خخخخخخخخخخخ
لازم البلاشر يكون فقط بالمنطقه الي بين الشفايف والأذن .. يعني بين الشفايف والبلاشر لازم يكون فيه مسافة 2 الى 3 سم


المسات الأخيره ... لو حبيتي تستعملي جلتر تحت الحاجب بيطلع مره حلو
انا استعمل الجلتر من ماك ومن ميك اب فور ايفر

اخر شي بعد ماتخلصين من المكياج كامل .. رشي السبري الخاص بتثبيت المكياج
علشان ما يسيح عليك بالحر ابدا



نجي الحين لليدن ... طبعا لازم تكون أظافرك تمام ويدينك مو ناشفه ولا مقشره .. وهالشي تكونين من زمان متعوده تعتنين فيه ..
المهم تختارين لون مناكير يناسب لبسك .. ولو حبيتي تحطينه قبل المكياج براحتك
بعد ما تحطي المناكير .. لو حبيتي تعملي رسمه على اظفرك او تحطي ستراس نعوم بيطلع مره حلو ..
أنا تعجبني اليدي لما تكون مره ناعمه والأظافر مرتبه وفيها مناكير .. وتكون أحلى لو رسمتي على اصبع واحد أو اصبعين كفايه ..








الحين خلصنا مكياج وأظافر نجي للشعر
بعد ما عملناه رولات .. أول ما تفكيها بيطلع شكله واو
لو حبيتي تستعملي الفير وتلفينه زياده .. براحتك
اذا بتعلمين حاولي تتدربين وتعملين تسريحات لشعرك >>>> هبلت بنت اختها من كثر التجارب

جربي كل التسريحات .. والله سهلله بشكل ما تتخيلونه
انت وقفي قدام المرايه .. وارفعي من هنا ونزلي من هنا .. وجربي اكثر من شكل ..
مره حطي كلبسات ومره فوينكات ومره أطواق لين تصير عندك خبره بشعرك وبوجهك .. وتصيرين تعرفين وش الحلو عليك .. وايش الي بيطلك مره حلوه









بعد ماتخلصين من شعرك شي ضروري تعملينه
ولاسف كثير بنات ما ينتبهون للنقطه هذي فا يطلع شكلهم بشع
وهي توحيد لون الجسم
قبل ما تلبسين ملابسك .. ضروري تحطي كريم اساس على جسمك مو كله .. بس الأماكن الي تكون طالعه .. (( الرقبه .. اليدين .. الرجل لو كان الفستان قصير .. الظهر ))
ونستعمل الاسفنجه بتوزيع كريم الاساس مش بالفرشاة ..
حتى لو كانت بشرتك بيضاء .. على الاقل حطي على جسمك بودره خفيفه لو ما تحتاج كريم اساس





بكذا نكون خلصنا وكل وحده تلبس عبايتها وتروح للزواج خخخخخخخخ
لحظه لحظه وين رايحين

بقولكم على أخطاء كثير أشوف البنات يعملوها علشان تنتبهون لها :

_ وحده تروح للزواج وهي مخبصه الوان المكياج وألوان ماتناسب بشرتها ولا لبسها

_ الوجه يكون لون واليدين والرقبه لون ثاني

_ تلون حواجبها بطريقه بشعه أو تشقرها بلون اصفر بشع تطلع كنها وحش لو قربتي منها

_ فيه بنات يروحوا الصالون ويعملو مكياج واو والشعر روعه وكمان الفستان لكن لما تشوفي يدينها .. تلاقي الاظافر واحد اطول من الثاني والي مكسور وحالتهم حاله

_ حلو لما تختاري عطر مع بخور بشرط تطلع ريحة العطر مع البخور حلوه .. لأن فيه ناس تستعمل ريحة عطر بخور ومره الريحتين ما يجون مع بعض فا تطلع ريحتها زي العجايز

_ اكسسوار الشعر كل ما كان كثير كل ماكان بشع .. لازم نعرف متى يكون الشعر بحاجه لاكسسوار ومتى ممكن نستغني عنه .. وهالشي يعتمد على الفستان والمكياج

طبعا استحاله اقول لكم لاتروحون صالونات أبدا
أكيد ما نستغني عنها .. عن نفسي أروح اعمل تنظيف بشره أو اقص شعري أو أصبغ
لأن هالامور تحتاج لخبره ودراسه وتعملها أخصائيه أكيد افضل
لكن فيه أمور كثير ممكن نتعلمها احنا ونستغني فيها عن الكوافيره

وألاحظ كثير بنات ما يهتمون بقص شعرهم .. حتى لو كنت حابه يكون شعرك طويل حلو تغيرين بالوك وهو طويل ..
مره تغيرين بالون .. لأن أحس القص يعطي تجديد للشعر .. وكثير من خبراء التجميل ينصحون بالشي هذا ..
فا لما تروحي الصالون .. اختاري قصه تناسب وجهك مو شرط تكون موضة الموسم .. أهم شي قصة شعر تطلعك حلوه ..
وكمان كل ما غيرتي بالوك كل ما جددتي بتسريحات شعرك .. لأن كل قصه لها تسريحات خاصه فيه غالبا .. فا ماراح تملين من شكلك










نصائح من Miss_Cherie :

لما تبغي تتعلمي المكياج .. لازم تكون عندك عدة المكياج كامله .. لك ولخواتك كل الدرجات علشان تفتحون صالون بالبيت خخخخخخخخخخخخخ
وعلشان تتدربين عليهم وتعلمين .. وكمان تعلميهم
الحين انا وبنت اختي نعمل لبعض بالمناسبات .. استحاله نجيب كوافيره أو نروح لها .

فا ضروري تكون عندك كل انواع المكياج وكل الألوان وكل الدرجات الي تناسب بشرات العائله علشان تتعلمين عليهم













الشي الثاني .. فيه مراكز تجهيز الصوالين
عندهم انواع شادوا والأي لاينر مره روعه زي الشادو الي بالصوره



وكمان تلاقين عندهم أشياء مره رهيبه .. وجودتها عاليه أكثر من المكياج الشخصي الي نشتريه من المحلات ..
لكن لو ما قدرتي توفرينها ممكن تشترين من هنا
وأنصحك بمكياج (( ميك اب فور ايفر ماك نارس ))




بالنسبه لفراشي المكياج .. لازم يكون عندك مجموعه كامله لجميع الأنواع
كمان لازم تعرفي وظيفة كل فرشاة





ونفس الشي للمناكير .. اتعلمي كيف تعملي فرنش مانكير لوحدك لأن هو أرقى شي وعاليدين مره خطير .. خصوصا لو رسمتي على اظفرين من يدك ..
فيه عند محلات تجهيز الصوالين .. جهاز للرسم على الأظافر فيه كل الألوان ومعاه زي قلم ترسمين بكل حريه وسهوله .. وتحطي ستراس ورسمات زي ماتحبين

وبالنسبه للشعر ..
لازم تعرفي كيف تمسكي السشوار صح
ايش الجل الي يناسب شعرك
وايش احسن نوع سبراي
وتكون عندك خبره بالأجهزه الي تعمل شعرك ويفي أو ستريت أو كيرلي
وكله مره سهله وتعلمينها من أول تجربه .بس أنت أعطي نفسك فرصه أنك تتعلمين

وبالنسبه لمنتجات الشعر (( ويلا لوريال )) التوب يعني لا تدورين غيرهم
سواء من سبراي للشعر أو أقنعه أو شامبو أو بلسم .. صبغات .. كريمات عنايه .. وكل شي


هذي بعض المعلومات الي عندي .. ان شاء الله تكونوا استفدتوا منها

 
قديم 08-11-2010, 10:46 PM   #2

بنت ناس وما تنداس


رد: خطوات قص و تلوين الشعر ، كيفية قص و تلوين الشعر ، خطوات قص و تلوين الشعر


خطوات قص و تلوين الشعر ، كيفية قص و تلوين الشعر ، خطوات قص و تلوين الشعر

يسلمو خيتو
ولاخلا ولاعدم
وعن جد استفدت من موضوعك اشياء كثيره
وانشاء الله حبدأ بالتنفيذ
ولاتحرمينا هيك جديد ومفيد
تقبلي طلتي
{بنت ناس وما تنداس}

 
قديم 08-12-2010, 12:50 AM   #3

princess de maroc


رد: خطوات قص و تلوين الشعر ، كيفية قص و تلوين الشعر ، خطوات قص و تلوين الشعر


خطوات قص و تلوين الشعر ، كيفية قص و تلوين الشعر ، خطوات قص و تلوين الشعر

mawdou3 ra2ii3

 
قديم 08-12-2010, 02:05 AM   #4

شموخ انثى!


رد: خطوات قص و تلوين الشعر ، كيفية قص و تلوين الشعر ، خطوات قص و تلوين الشعر


خطوات قص و تلوين الشعر ، كيفية قص و تلوين الشعر ، خطوات قص و تلوين الشعر

موضوعج وايد حلو وروعه تسلمين حبيبتي

 
قديم 08-12-2010, 02:09 AM   #5

ابرار


رد: خطوات قص و تلوين الشعر ، كيفية قص و تلوين الشعر ، خطوات قص و تلوين الشعر


خطوات قص و تلوين الشعر ، كيفية قص و تلوين الشعر ، خطوات قص و تلوين الشعر

مشكورة ياقلبي

 

أدوات الموضوع



الساعة الآن توقيت السعودية الرياض و الدمام و القصيم و جدة 02:36 PM.

 

Powered by vBulletin® Copyright ©2000 - 2024,
vBulletin Optimisation provided by vB Optimise (Pro) - vBulletin Mods & Addons Copyright © 2024 DragonByte Technologies Ltd. يمنع انتهاك أي حقوق فكرية علماً أن جميع مايكتب هنا يمثل كاتبه وباسماء مستعارة ولمراسلة الإدارة يمكنكم استخدام الإتصال بنا
Search Engine Optimization by vBSEO 3.6.0