ازياء, فساتين سهرة

العودة   ازياء - فساتين سهرة و مكياج و طبخ > الطبخ > اطباق رئيسية و اكلات سريعة > الإتكيت و التجارب و النصائح المنزلية
تسريحات 2013 ذيل الحصان موضة و ازياءازياء فكتوريا بيكهام 2013متاجر ازياء فلانتينو في باريسمكياج العين ماكياج دخاني makeup
الإتكيت و التجارب و النصائح المنزلية نصائح منزلية لاستقبال العيد يوجد هنا نصائح منزلية لاستقبال العيد الضيافة والإتيكيت طريقة اتكيت استقبال الضيوف و تحضير الطعام و نصائح عن عن المنزل و العناية بالمنزل

فساتين العيد


 
قديم 08-27-2010, 12:22 AM   #1

دلع..

:: كاتبة نشيطة ::

الملف الشخصي
رقم العضوية: 128176
تاريخ التسجيـل: Jul 2010
مجموع المشاركات: 282 

قمر يملع نصائح منزلية لاستقبال العيد


نصائح منزلية لاستقبال العيد

:a5bdf2b232::a5bdf2b232::a5bdf 2b232:
قاعدة زعلانة ومكشرة علشان العيد خلاص قرب وأنت فعلا نظفتي البيت بطريقتك العادية..
بس للأسف فيه بقع عنيدة مش عايزة تطلع بالرغم من إنك اشتريتي كل المنظفات الي الناس قالوا لك عليها إنها بتطلع البقع الموجودة على الأرض أو على السجاد وبتلمع الزجاج بس ما فيش فايدة برضه كل حاجة زي ما هي ...
بقعة على السجادة!!
بقعة على الحطية!!
ده غير البقع الي على الباب !!
والنجف مش راضي يلمع زي الأول !!
ولا يهمك من أي حاجة طول ما إحنا موجودين ما أنت عارفة إننا دايما بنكون جانبك في كل المواقف وفي كل الأوقات
علشان كده قرنا النهارده إننا نكون معاكي
علشان نخلصك من كل المشاكل الي قابلتك

بس الأول ابتسمي
وتعالي نشوف مع بعض إزاي ممكن تلمعي بيتك
-1-
لتمليع زجاج الشبابيك والبلكونات
لو عايزة زجاج الشبابيك والبلكونات يلمع يبقى كل الي عليكي إنك بعد ما تشيلي التراب من على الزجاج تجيبي قطعة قماش قطنية مبلة بالمية الباردة والصابون السائل وتمسحي بها الزجاج، وبعد كده تجيبي قطعة قماش تانية مبلة بالمية الباردة وتمسحي بها الزجاج، ولو حسيتي إن الزجاج مش بيلمع يبقى ضيفي إلى قطعة القماش دي ملعقة خل أو رشي الزجاج بملمع الزجاج، في النهاية استخدمي ورق الجرائد علشان تنشفي الزجاج من أي آثار للمية.
وخدي بالك من إنك تنظفي الزجاج الداخلي بشكل رأسي والزجاج الخارجي بشكل أفقي.
-2-
لتنظيف ولمعان الأبواب
هاتي فرشة وابدأي في إزالة أي آثار للتراب من على الأبواب ... وبعد كده هاتي جردل وحطي فيه مية وملعقة كبيرة صابون وهاتي ليفة أطباق تكون جديدة وخليها لتنظيف الأبواب وابدئي في مسح الأبواب بها وبعد كده هاتي قطعة قماش قطنية مبلة بالمية وامسحي الباب بها وبعد كده امسحي الباب بقطعة قماش ناشفة وده علشان تتأكدي من إن الباب نشف تماما من أى آثار للمية.
-3-
لتنظيف ولمعان الجدران
هتجيبي فرشة علشان تشيلي بها أى تراب موجود على الجدران ولو لاقيتي أي بقعة على الجدران يبقى اكتفي فقط بإنك تمسحي مكان البقعة دي بنفس الطريقة الي مسحتِي بها الأبواب.
-4-
لتلميع السيراميك
لو عايزة تتخلصي من أي آثار للبقع الي بتكون موجودة على البلاط أو السيراميك يبقى هاتي فرشاة خشنة وبليها بالكلور والمية وادعكي بها البقع دي أكتر من مرة كويس وبعد كده امسحيها بالمية المضاف إليها صابون سائل وهتشوفي الفرق بنفسك.
5-
لتلميع خلاطات الحمام والمطبخ والأحواض والبانيو

من ضمن المشاكل الي ممكن تقابلك مشكلة انطفاء لمعان الخلاطات الإستانلستيل وفي الحالة دي يبقى هاتي ليفة خشنة أو قطعة قماش صوف وحطيها في صابون أو أي ملمع للحمات وابدئي في دعك الخلاطات بها وبعد كده اغسلي الخلاطات كويس بالمية.. لو الطريقة ماجابتش نتيجة ممكن إنك تمسحيها بقطعة قماش مغموسة في خل أو زيت طعام وبعد كده تغسليها بالمية والصابون.
وبالنسبة لتنظيف البانيو والأحواض نفس الي عملتيه مع الخلاطات هتعمليه مع البانيو والأحواض وعلى فكرة الطريقة دي بتخليهم يلمعوا وبتنظفهم كويس جدا..
-6-

للتنظيف ولمعان المرحاض
بالنسبة لتنظيف المرحاض يبقى يا ريت إنك تحطي في المرحاض ¼ كوب (كلوروكس) وتسيبيه لمدة ساعة وبعد كده تجيبي الفرشاة الخاصة به وتدعكيه بها كويس وبعد كده اشطفيه كويس بالمية ده للجزء الي جوه وبالنسبة للجزء الخارجي نظفيه بنفس الطريقة الي نظفتي بها البانيو.
-7-
لتلميع النجف والكريستال

لو عايزة النجف يلمع كأنك لسه شرياه يبقى هاتي قطعة قماش وبليها بالمية الدافية المضاف إليها معلقة خل وامسحي بها النجف.
لكن لو عايزة تلمعي قطع الكريستال الصغيرة يبقى ممكن إنك تنظفيها من حين لآخر بالكحل المستخدم لتنظيف الجروح.
-8-
للتخلص من البقع الموجودة في قماش الستائر والمفارش القطن

لو عندك بقع صعبة في قماش الستائر أو المفارش القطن الي عندك ومش عايزة تتطلع يبقى ضيفي معلقة من "النشادر" إلى المية الي هتغسلي بها الستائر أو المفارش وعلى فكرة "النشادر" مش بس هتطلع لك البقع الي فيها لأ دي كمان هتحمي المفارش القطن الي عندك من الكرمشة ..

واوعي تعصري الستائر أو الأقطان الي بتغسليها لأن ده بيخليها تتكرمش زيادة على الزم وبيأثر على نسيجها.
-9-
للتخلص من البقع الموجودة على رخامة المطبخ

لو كانت عندك رخامة المطبخ لونها أبيض وحاسة إنه بدأ يتغير ويميل إلى الاصفرار يبقى كل الي عليكي إنك تدعكيها بعصير اليمون مع إضافة شوية ملح ناعم إليه وبعد كده امسحيها بقطعة قماش مبلة بالمية.
-10-
للتخلص من بقع الماكياج من على السجاد

ساعات كتير وأنت بتحطي ماكياج بيقع منك على السجاد وعلشان تتخلصي من البقع الي زي دي يبقى رشي البقعة دي بملمع الزجاج "هتلاقيه في السوبر ماركت" وبعد كده هاتي فرشاة الموكيت أو السجاد وضيفي إليها مية وصابون وادعكي بها البقع دي كويس وبعد كده نشفيها بفوطة صغيرة ناشفة.
-11-
لتنظيف الجلد

ابقي استخدمي "شمع النحل"، وهي مادة متوفرة ‏بشكل سائل خاص بالمفروشات وامسحي بها أي حاجة جلد عندك، وبعد كده امسحي الجلد بفوطة ناعمة جافة وعلى فكرة المادة دي بتنظف وبتحمي الجلد من التشقاقات.
12-
لتلميع الزجاج
لو عايزة تلمعي أي حاجة زجاج عندك في البيت يبقى ادعكي الزجاج بفوطة مغموسة بعصير ليمون وبعد كده نشفيها بمنديل ورق وبعد كده امسحيها بورق جرائد مبل ..
ولو عايزة تتخلصي من آثار أي خدوش على الزجاج يبقى ادعكي مكان الخدوش دي بمعجون الأسنان وهتشوفي النتيجة بنفسك.
وفي النهاية أحب أقول لك إن اهتمامك بنظافة البيت أول بأول هيخليكي في غنى عن كل المشاكل دي..

ولو عايزة ريحة بيتك تبقى حلوة على طول ممكن إنك تغمسي قطعة قطن بأي زيت عطري وتحطيها داخل المكنسة الكهربائية وبكده كل مرة لما تيجي تشغلي المكنسة هتلاقي إن المكنسة بتطلع ريحة حلوة والريحة دي هتنتشر في البيت كله...
وبكده تبقي نظفتي بيتك واتخلصتي من كل البقع الموجودة ..

وبكده برضه يكون خلص عددنا النهارده
ويلا قومي لمعي ونظفي بيتك قبل العيد
وبعد ما تخلصي ابعتي وقولي لنا على النتيجة

ولو واجهتك أي مشكلة برضه ابعتي وقولي لنا عليها
وإحنا هنحلها لك على طول

 
قديم 08-27-2010, 12:44 AM   #2

كلمة غرام


رد: نصائح منزلية لاستقبال العيد


نصائح منزلية لاستقبال العيد

الله يعطيك الف عافيه

 
قديم 08-27-2010, 12:48 AM   #3

*ربروبة*


رد: نصائح منزلية لاستقبال العيد


نصائح منزلية لاستقبال العيد

يسلمو

 
قديم 08-28-2010, 06:02 AM   #4

الا ليت الزمن يرجع


رد: نصائح منزلية لاستقبال العيد


نصائح منزلية لاستقبال العيد

يعطيك الف الف عافية

 
قديم 09-01-2010, 02:59 AM   #5

دلع..


رد: نصائح منزلية لاستقبال العيد


نصائح منزلية لاستقبال العيد

الله يعافيكم ويعطيكم العافية انتو كمان على مروركم

 




الساعة الآن توقيت السعودية الرياض و الدمام و القصيم و جدة 08:54 PM.

 

Powered by vBulletin® Copyright ©2000 - 2024,
vBulletin Optimisation provided by vB Optimise (Pro) - vBulletin Mods & Addons Copyright © 2024 DragonByte Technologies Ltd. يمنع انتهاك أي حقوق فكرية علماً أن جميع مايكتب هنا يمثل كاتبه وباسماء مستعارة ولمراسلة الإدارة يمكنكم استخدام الإتصال بنا
Search Engine Optimization by vBSEO 3.6.0