الزفه المميزه!!
فكرتي بالنسبه لزفة العروس هيا تقليديه بس تقدري تقولي الناس نسيوها او انا الي يتيهيأ لي كدا ما ادري
بس المهم انشالله تعجب العرايس الحلوين وانا شفتها في فرح .
تكون الزفه انو - يعني افضل لو كان في القاعه درج او سلم او دهليز طويل شويه - العريس ينزل لنهاية السلم
او لمسافه معينه مثلا من الباب الخارجي للقاعه - لو ما كان في درج - الى باب القاعه الداخلي لوحده بحيث
يقدر المعازيم يشوفوه ويأتي والد العروس ماسك بيدها ينزلها من السلم الى نهايته مكان وقفة العريس او
كمان من الباب الخارجي الى حيث العريس ويسلمها له وينزفوا الاثنين مع بعض الى الكوشه..
وعندي كمان فكره بالنسبه لتوزيعات العرس اعجبتني جدا ويارب تعجبكم انتو كمان تباع مضخه على شكل
انبوب طويل آخره او قاعدته حوض توضع في هذه المضخه شوكولاته سائله وتعمل بواسطة الكهرباء طوال مدة
العرس تضخ الشوكلاته .. توضع أطباق فيها فاكهة الفراوله وأخرى للتفاح الاخضر وثالثه لحلوى المارشميلو
او ما تعرف بخدود البنات وتكون مضخة الشوكولاته في وسط الطاوله والفاكهه والحلوى حولها بشكل مرتب
واعواد نكاش - أسنان - الخشبيه بحيث يغرز الشخص طرف الفراوله أو خدود البنات حسب الرغبه ويغمسها
في الشوكولاته .. انا جربت الفراوله مع الشوكولاته وانبهرت بها بصراحه ما كنت اعرف انها لذيذه كذا بس
لازم تكون الشوكولاته جيده عشان ما تقعد في النهايه وما احد ياكلها ..
ومن التوزيعات كمان الغريبه انو في واحد من الافراح قدموا للناس اكياس من قماش تباع عند ابو ريالين
حسب الذوق بس كانت في ذاك الفرح فضيه وذهبيه بداخلها الحناء بكميه قليله وعطر صغير وطبعا الي تعجبها
الفكره تحط أشياء حسب الرغبه هيا تبدع من عندها ..
يارب تعجبكم وما تكون مكرره والف مبروك لكل العرايس الحلوات :11_3_2[1]:
|