|
|
تسريحات شعر انا ميس جنى خبيرة فى العناية بالبشرة والجسم وتحت امركم فى اى سؤال يوجد هنا انا ميس جنى خبيرة فى العناية بالبشرة والجسم وتحت امركم فى اى سؤال تسريحات جديدة 2014 و تصفيف الشعر افضل صور تساريح شعر ومواضيع تهتم بشعرك و جمال الشعر و تسريحات شعر 2015 hairstyles |
|
10-10-2010, 07:53 AM | #167 | |
|
رد: انا ميس جنى خبيرة فى العناية بالبشرة والجسم وتحت امركم فى اى سؤال
اقتباس:
بصى حبيبتى بالنسبة لليمون يا ريت يكون خالص عشان يجيب نتيجة وطبعا ممكن تستخدميه بالبخاخة ويكون اسهل طبعا بس ياريت تكونى مقسمة الشعر عشان اليمون يلمسه كله ولما يجف زى ما قولتلك تشطفى شعرك وهكذا يوميا وبالنسبة للحنة نفسها حبيبتى زى ما قولتلك الون يتوقف على لون الشعر نفسه يعنى مثلا الشعر الابيض بيلقط الون بالظبط واى شعر فاتح برضو عشان كده قولتلك فتحى شعرك باليمون لانه بيفتح وبيثبت الون اما لو شعرك اسود فى طبيعته برضو بيلقط الون مظبوط لكن انا بتكلم على الشعر المصبوغ من قبل لازم تفتحيه كويس عشان يلقط الون الجديد ولو كنتى عملاه حنة والون طلع غريب انصحك انك تستنى شوية لحد ما الون يروح عشان تعملى لون جديد مظبوط وبالنسبة حبيبتى للصبغة المخلوطة بالحنة دى زى الصبغة بالظبط وتحتوى على نفس المواد الكيماوية الى فى الصبغات يعنى لو بتخافى من الصبغة بلاش احسن بالنسبة لقشور الموز يا قمر فعلا بتدخل فى قناع لتنعيم الشعر وهو عبارة عن (زيت جوز هند+زيت زيتون+زيت خروع+قشر 3 موزات مغسولين كويس جدا) وبتضربيهم فى الخلاط وتضعى الخليط على نار هادئة ربع ساعة وبعد كده شيليه فى علبة بالثلاجة واعملى منه ماسك لشعرك 30 دقيقة وغطيه بفوطة ساخنة وبعدها اغسلى الشعر والخلطة دى يا قمر تنفع كمان اوى للشعر الباهت والمتقصف والجاف لان الموز يحتوى على المعادن والكالسيوم والحديد والفوسفوروفيتامين ج وكل دول مهمين اوى لتقوية الشعر وتغذيته نورتينى يا قمر |
|
10-10-2010, 08:05 AM | #168 |
|
رد: انا ميس جنى خبيرة فى العناية بالبشرة والجسم وتحت امركم فى اى سؤال
حبيبتى اعملى حمام الزيت ده للتنعيم ممتاز جدا
زيت النخاع +زيت سمسم+زيت زيتون+بيضة+2معلقة عسل تخلطيهم وتضعيهم على شعرك ساعتين وتلفيه بفوطة ساخنة وبعدها تغسليه وتستخدمى حمام كريم بالنخاع وان شاء الله هتلاقى شعرك ناعم جدا وطرى نورتينى يا قمر |
10-10-2010, 09:41 AM | #169 | |
|
رد: انا ميس جنى خبيرة فى العناية بالبشرة والجسم وتحت امركم فى اى سؤال
اقتباس:
بالنسبة لسؤالك الاول البشرة الدهنية طبعا لانها دهنية يبقى محتاجة منك اهتمام خاص يعنى مفيش كسل ولا استسلام اول حاجة الاهتمام بالتنظيف اليومى وده هيكون بصابونة طبية وتجنبى تماما الصابون العادى وده هيكون 3 مرات فى اليوم بماء فاتر وبعدها غسل الوجه بالتونر الطبيعى وطبعا تونر البشرة الدهنية هيكون مغلى اوراق البقدونس بتغليها كويس وتحفظيها فى زجاجة وتستخدميه يوميا لان البقدونس بيساعد جدا على ازالة الدهون هتعملى الصنفرة دى مرتين فى الاسبوع (معلقة ترمس مطحون+2معلقة عسل+عصير ليمون)وتركيها على الوجه مع التدليك نصف ساعة ودى مهمة جدا لانها بتنظف البثور وتزيل المواد الدهنية فى البشرة هتعمليلى تنظيف اسبوعى بالبخار وهيكون الماء المغلى به بقدونس ونعناع اخضر ويفضل يكون بعد الصنفرة مباشرة والماسك ده برضو تعمليه مرة او مرتين فى الاسبوع حسب حالة بشرتك طبعا بجانب الخطوات الى قولتلك عليها يعنى يكون مثلا فى يومين غير بتوع الصنفرة ماسك البطاطس وده بيعمل على امتصاص الدهون من المسام وتنظيف البشرة الدهنية معلقة بطاطس مسلوقة ومطحونة جيدا+معلقة لبن+معلقة عسل ابيض+عصير ليمون وبيستخدم على بشرة نظيفة ويترك ليجف ويشطف بالماء الفاتر وبعدها تغسلى وجهك بماء الورد حاولى تشربى ماء كتير جدا وعصير الجزر مفيد جدا برضو يا قمرلبشرة الدهنية بالنسبة لسؤالك التانى بقا يا قمر بجد انا مش عارفة ايه حكاية الاختراعات بتاعة اليومين دول ازاى يا حبيبتى بس تحطى مياه غازية على شعرك دى بتاكل طبقة الامونيا الى بتحمى فروة الشعر وانتى عارفة اضرارها فى الشرب تقومى حطاها على شعرك صدقينى لو جابت معاكى نتيجة مرتين تلاتة هتلاقى عواقب سيئة جدا بعد كده بعد الشر عليكى طبعا بس يا حبيبتى لازم اعرفك خطورة الموضوع ده على الشعر هيسببلك تساقط وجفاف بطريقة فظيعة وتقصف انا بنات كتير جاتلى بعد ما استخدموها نتيجة انتشارها على النت وبيعيطوا على شعرهم الى باظ وعايزين حل ارجوكى توقفى عنها فورا وفى وسائل طبيعية احسن من كده بكتير شعرنا ده تاجنا ومش لازم نجرب عليه اى حاجة لانه هيبقى حرام علينا وبالنسبة لتلين الشعر ونعومته خدى الوصفة دى ممتازة اوى موزة مستوية +2معلقة عسل ابيض+3معالق زيت زيتون+زيت سمسم+زيت جرجير+زيت جوز هند وممكن لو مش عندك زيت الجرجير تفرمى جرجير طازج+علبة زبادى + بيضة)تخلطى كل المكونات دى كويس فى الخلاط وتدلكى فروة راسك كويس وتركيهم ساعتين وتلفى شعرك بفوطة ساخنة كفاية مرة فى الاسبوع لو شعرك كويس وان شاء الله هتدعيلى وطبعا الزيوت بتكون كميات صغيرة مش كتير نورتينى يا قمراية |
|
10-10-2010, 09:46 AM | #170 |
|
رد: انا ميس جنى خبيرة فى العناية بالبشرة والجسم وتحت امركم فى اى سؤال
السلام عليكم انا عندى مشكلة بشعرى هو مش حلو خالص
وعملتلة فرد كميائى اكتر من 8 مرات بعمرى واخرمرة كانت من سنتين يعنى شعرى مبهدل اوى ونفسى يبقى حلو وسمعت عن حنة لفرد الشعر وعاوزة اجربها ومش عارفة اعمل اية انصحنى باى حاجة اعملها لشعرى علشان اشوفة مفرود وجميل ومملمسة ناعم |