 |
  |
|
|
|
12-31-2010, 03:54 AM
|
#1 |
|
:: كاتبة نشيطة :: |
ايجابيات وسلبيات العادات والتقاليد عند استقبال المواليد الجدد
السلام عليكم ورحمة الله وبركاته
اخواتي العضوات انا عضوه جديده ( ابغى ترحيب ) بودي كل وحده تدخل وتقول عاداتهم وتقاليدهم لما يجيهم مولود جديد بعدين تقول الايجابيات اللي كسبتها هي ومولودها بعدين السلبيات اللي تعبتها هي ولدها انا من السعوديه بالجنوب .. لما ينتشر خبر ان وحده ولدت كل واحد من الاقارب عندنا يجهز نفسه سوى انثى او رجال من ثاني يوم بيجون العمات والخالات يسلموا على الام طبعا شايلين شي وشويات هديه بسيطه للام علبة بخور مع عطر اوساعه هديه للطفل كثير حلوه وقيمه مع التسليم على الطفل يحطوا مبلغ طيب بالكوفله الجدات والعمات والخالات لاحظوا الام لها عمات وخالات والطفل له عمات وخالات دبل اللي كثير تعزك تحط مئتان ريال والباقي على خمسين ريال كمان كبيرات السن بيجبوا اكلاتهم الشعبيه يممي اللي بيجوا من بعيد طبعا الاهل مايخلوهم يروحون الا بعد العشى انا عن نفسي استحي ما اجلس معهم احس ان عيب جاين على شاني اضغط على نفسي واجلس معهم واجيب ولدي لمجلس الحريم ما يرتاح مع كل صوت يبكي ويصحى من نومه كمان انا مانام بدري لكن يستاهلون اضغط على نفسي يعدي الاسبوع الاول ومازالت الزيارات مستمره ما شاء الله ضغط كبير على الاهل وخصوصا الوالد يتكلف بالعشاء بعد عشر ايام ينعمل الختان والخميس اللي بعده نعمل العقيقه وزياده كمان وكل اللي جوا اول اسبوع يجون يوم العشاء وياساتر كثير تتعب الام ولدها ويدخلوا الرجال الاجداد والاعمام والاخوال يسلموا على الام ولدها يتحمدوا لهم بالسلامه هذا لما يكون ولد اما البنت ماكثير يدخلوا الرجال بس ينعمل لها عقيقه وعشاء في جماعات كثير الحين بيروحوا استراحه والام تتضبط عند الكوافير وفستان وزفه بس والله حرام وش ذا مع اني اعرف كثير من الجماعه مش قريباتي عملوا كذا بدل ماتتحمد الله رزقها بولد طيب ومتعافي موسيقى وزفه على راس الولد وبخور الله يستر لا احد من قريباتي تصلح كذا ويغارون الباقي وهجوله وراهم مستحيل اسوي كذا بعد عشاء العقيقه والختان ينتهي كل شي الايجابيات كسبت محبت اهلي احس بغلاتي وقدري عندهم مبلغ مالي يسد كل احتياجات الام والطفل يعني نيو لوك للام واكمال تجهيز غرفة الطفل السلبيات ارهاق شديد للام وسهر وارهاق للاهل وتكلفه على الوالد اللي هو ابوي بينما الزوج فله مع اهله مايخسر الا في ليلة العقيقه والختان الطفل كثير يبكي مش مرتاح قلقان لكن بعد اول شهر قلق يرتاح كل اللي جابوا لي هدايا ارجع لهم اغلى منها طبعا زوجي يدفع .............................. ......... لا تخلوني اندم اني كتبت هذا الموضوع دوركم ابدأوا بمن اي بلد الانطباع اللي ابغاكم تاخذونه عن عاداتنا وتقاليدنا هو صلت الرحم اللي تقرب الاهل من بعضهم لما يحصل بيني وبين وحده من قريباتي مشكله وتجيني شايله هداياها انسى كل اللي بيننا واعاتب نفسي حتى وان كانت هي الغلطانه يعني تصفيه جديده مع علاقتك باقاربك تدوم على المحبه ورضا الله مواضيع ذات صلة |
|
12-31-2010, 03:56 AM
|
#2 |
|
|
رد: ايجابيات وسلبيات العادات والتقاليد عند استقبال المواليد الجدد
|
|
12-31-2010, 04:01 AM
|
#3 |
|
|
رد: ايجابيات وسلبيات العادات والتقاليد عند استقبال المواليد الجدد
تسلمين عبقرية عصرها
لكن على شان اكون واضحه معكم من البدايه ما ابغى شكر وتقدير قد ما ابغى تفاعل مع مضمون الموضوع يعني ياعبقرية عصرها لازم تكتبين عاداتكم وتقاليدكم بانتظرك |
|
01-03-2011, 03:03 AM
|
#4 |
|
|
رد: ايجابيات وسلبيات العادات والتقاليد عند استقبال المواليد الجدد
اولا موضوع حلو يسلمو على طرحة
ثانيا انا من الجنوب وجماعتنا يختلفون كل واحد على حسب امكانياتها واهتماماتها يعني اول ماتولد الوحدة يزوروها اهلها واهل زوجها بالمستشفى يطمنوا عليها ويتحمدون عليها بالسلامة ويباركون لها واللي تجيب باقة ورد واللي تجيب حلاوة واللي تجيب اكلات مثل شربة بالعدس وتلاجة قهوة بالقرفة او حليب وزنجبيل وهيك شغلات حتى لو جلستي يومين او ثلاث ايام بعدين تروح الوحدة عند اهلها اللي امها متوفي وابوها مو في نفس المدينة مثلي على حسب تروح مثلا اسبوع عند اهل زوجها بعدين تروح بيتها وبعضهم والاغلبية اللي اهلها مو في نفس المدينة تروح على طول بيتها طبعا يجون اهلها واهل زوجها ويروشون النونو وبعضهم يدقون المرة ويخلطونها بالماء ويحطونها على راس المو لود يوم كامل بعدين يروشونة اعتقادهم يقوي راس النونو بعدين على العصر يبداء الناس يجوا من جيران او عمات او خالات وكل اقارب الزوجة والزوج مو كلهم في نفس اليوم قصدي كل يوم احد لين تخلص الوحدة الاربعينية ويجيبوا هدايا للمولد واكلات شعبية مثل المرق والرشوف والخميرة والحلبة وشربة بالعدس وفتة بالعسل ويقهون بفلوس على حسب انتي ايش اعطيتيهم قبل واللي ماقد جبتيلهم شيء مايجيبون لك شيء يعني كل واحد يرد لثاني من الهدايا والفلوس والزيارة اللي مثل اخواتك يقهون من 200 ل300 من غير الهدايا لنونو اما الباقين على حسب انتي ايش قهويتيهم قبل وبعضهم يعطونك واذا مارديتية لهم مايعطونك مرة ثانية مثل المرة الاولى بالاغلب المولود الاول يتكلفون وبعضهم يقهون من 50 ريال والاغلبية 100 بس طبعا بعضهم يسمرون لين بعد الفجر ومسكينة الام وطفلها وزوجها يتعبون من الضيوف اللي مايساعدون ويثقلون عليهم بعضهم يسون العقيقة في الاربعينية واللي تسويها في البيت تموت تعب عشاء واكلات حلا ومعجنات الله يعين وبعضهم يوزعون اللحم وبس وبعد ماتخلص الاربعينية تهتم وتحاول ترجع مثل اول تشيل جسمها بالحلاوة وتقص وتصبغ طبعا مو كلهم وتشتري ملابس دلع لزوجها الايجابيات والسلبيات الايجابيات فرح وسرور لما يزورونك بذات وانتي في المستشفى وكمان يساعدون بقهاويهم تغطي تكاليف الطفل والام حلو يجيبون معاهم اكل مفيد يساعدونها انها تتقوى على نفسها وتكون صحتها كويسة طبعا قليل جدا منهم اللي بيعملوا هيك يساعدونها اهلها واهل زوجها بالمولود اذا مكان عندها شغالة بذات هاي نقطة مهمة يشغلونها وبتمشي الايام ويروح التعب السلبيات تعب حيل على الام وطفلها بذات في النوم والاستعداد للضيوف وترتيب الاكل والقهوة والشاي والتحضير وتنضيف البيت تعب حيل على الاب ارهاق خساير مادية كل يوم عشاء وتحضير مقادير التقديم ومصاريف النونو والام المستشفى الله يعنهم ويانا مافي راحة مافي نوم كل يوم مفاجئة احد يجي واذا سمروا ياه من تعب اخر شيء هي فتره وبتعدي ولازم من التعب اللي يبغى الدح مايقول اح ههههههههه وفي النهاية ترجع الامور مثل ماكانت واحسن طبعا اللي عندها ام مرتاحة ماتشيل هم امها تنضف لنونو وتلبسة وتنومة وبنتها دافخة نوم وكمان ماتقوم ولا تتحرك بس تاكل وتنام وترضع نونها الشغالة تغسل ملابس بنتها وملابسها وتكويها وتطبخ وهي اكل ونو م مرتاحة وماتشيل هم ضيوف ولا غداء ولا عشاء ولا تنظيف وزوجها بعد مرتاح يجي ياكل ويروح بيتة ينام بدون ازعاج ياحظاللي امها حية مامات الحمدلله على كل حال |
|
01-06-2011, 08:50 PM
|
#5 |
|
|
رد: ايجابيات وسلبيات العادات والتقاليد عند استقبال المواليد الجدد
انا من مصر وعاده النساء هى من تقوم بواجب التهنئه للوالده
والهدايا اما نقود واو ذهب ان كانت بنت وهتاك الاحتفال با لسبوع يقام فى اليوم السابع لولاده الطفل فكل أسرة تشتري للمولد إذا كان ولدا "أبريقا " ، أما إذا كانت " بنتا " فتكون " قلة " ، بالإضافة إلي ما توزعه الأسرة علي ضيوف السبوع من الأطفال من مكسرات وحلوى وفشار ، وما شابه ذلك ، وهذا الأمر يختلف من أسرة لأخرى حسب مستواها الاقتصادي ، كما أن هذا الأمر تطور تماما ، فهناك بعض الأسر الثرية تقوم بوضع قطعة شيكولاته فاخرة مع برواز صغير به صورة للطفل وكلمات معبرة عن الاحتفال بمولده .. وهناك بعض الأسر تغالي في الاحتفال بسبوع أطفالها ، فتقوم بطباعة صور أطفالها علي أوراق مالية وبعض قطع الجنيهات الذهبية وتوزعها علي الأطفال في حفل السبوع .. ورغم تفاوت الاحتفال بين أسرة وأسرة ، إلا أن هناك أصول ثابتة لا تتغير ، وهي حرص الأسرة علي " دق الهون " في أذن طفلها ، وغربلته في غربال ، من خلال إحدى السيدات المتخصصات في ذلك ، وقيام أم الطفل بالمرور علي طفلها من خلال هذا الغربال ، وهي عادات حرصت عليها الأسرة المصرية علي اختلاف طبقاتها الاجتماعية والاقتصادية . ثم تاتى العقيقه وليس لها وقت محدد كل على حسب امكانياته اتمنى ان اكون قد افدتك وشكرا على الموضوع الرائع |
