يوميات امهات أزياء
الله يحفظ اطفالكم يارب ويتمم لكل حامل حملها بخير وسلامه يارب .... وانا عندي بنوته سعنونه مطلعه عيني الله يحميها عنيده وقليلة ادب وايش اقول ....يعني كل المواصفات اللي ترفع الضغط فيها ماشاء الله ...اول ماتصحى ياهادي تمسك الرموت وتقول تنه يعني طيور الجنه ...طيب نشغل وتروح عليا برامجاتي قلنا ماعليه ...وطيور الجنه مفتوح وهيا زايغه هنا وهناك تمسك اللاب توب وتدعبس في كل اللي يجي قدامها البيت تحولو خرابه كرهت شي اسمو بيت طيب وايش كمان ....ايوا ماينفع معاها لا الطيب ولالبطال ..اكلمها بحب مافي فايده اخاصمها برضو مافيش فايده اطنشها تجي قدامي وتسوي الحركه عشان اشوفها... أضربها تبكي يعني قفلتها من كل ناحيه في وجهي وكلمه مبا يعني ماأبى زي اللبانه على لسانها ..قولو لي وايش اسوي انتو قلتو في حل قولولي الحل انا عارفه طولت بس استحملوني خخخخخخخخخخخ شفتو لو مافي حل ازعل وماعاد ارد هنا وانا هلا اكتب وميته نوم وعندي غسيل ولسه شايله هم الكوي فين اللي ماهي متزوجه تجي تساعدني لسه ماتزوجتي يختي اتهني اتهني بكره تقعد على الحيطه ونسمع الزيطه اشوف والله لا بزورتك يشيلوكي ويشوتوكي زي الفوتبول ههههههههههه بنتي الله يحميها عمرها سنه ونص وهجتني من البيت ...[س تصدقو احبها واعشقها وكنت اتوقع اني ماحب اطفالي اكتر من زوجي بس للأسف حبيتها اكتر من ابوها الله يخليه ويحميهم يارب ومايحرم مرأه من ضناها وزوجها خدو مني دعوات وانا في قمة النوم ؟؟؟؟طيب انا هلا رايحه انام اصحى واشوف الرد وابا حماس شوفوني باأصفق وأقول عاشو عاشو ورى ورى ههههههههه باي
|