ازياء, فساتين سهرة

العودة   ازياء - فساتين سهرة و مكياج و طبخ > الجمال والرشاقة > العناية بالبشرة و الجسم
تسريحات 2013 ذيل الحصان موضة و ازياءازياء فكتوريا بيكهام 2013متاجر ازياء فلانتينو في باريسمكياج العين ماكياج دخاني makeup
العناية بالبشرة و الجسم طريقتي السهله لأزالة الشعر من المنطقه الحساسه دعواتكم يوجد هنا طريقتي السهله لأزالة الشعر من المنطقه الحساسه دعواتكم وصفات خلطات كريمات أقنعة البشرة العناية بالبشرة و خلطات الجسم أنواع البشرة , اسمرار البشرة العناية بالبشرة و الشعر و الجسم خلطات الجمال خلطات طبيعية

فساتين العيد


 
قديم 03-07-2011, 04:17 AM   #1

جوري العسيري

:: كاتبة نشيطة ::

الملف الشخصي
رقم العضوية: 62726
تاريخ التسجيـل: May 2009
مجموع المشاركات: 187 

طريقتي السهله لأزالة الشعر من المنطقه الحساسه دعواتكم


طريقتي السهله لأزالة الشعر من المنطقه الحساسه دعواتكم

طريقتي في إزالة شعر البكيني >>>> تفضلو..نو شيرة.. نو ليزر...نو موس

قال رسول الله _صلى الله عليه وسلم_ : ( لا يؤمن احدكم حتى يحب لأخيه ما يحب لنفسه)

وبما اني احبكم كلكم واحب لكم ما احب لنفسي. .. ابي اللي متوهقين يستفيدون لعل وعسى يلقون الحل اهني

============================== ==================== ==========


انا صراحه مستغربه من اللي يستخدمون الشيره للمنطقه الحساسه > البكيني < ... بدون لا تسمعين انها ترهل انتي اصلا لما تشيلي بالشيره :-

* قاعده اتمطين بالبشره ويا الشيره
* يعور
* غثيث وانتي تشيلين حوسه وممكن يدبق وعاد يا ويلج ان دبق تروحين فيها
*كل شوي بتقعدين اطلعين قطعه صغيره كبر العلجه وتشيلين شوي شوي يعني وقت طويل

والليزر:-

سويته مره ما ارتحت نفسيا كلش ...مع اني شفت نتيجه حلوه بس ماعجبني طريقة كشفي لعورتي استغفر الله العلي العظيم وطبعا اللي بتسوي ليزر براحتها هذي حرية شخصيه..والنتيجة حلوه بس الراحة النفسية أولى.

الموس:-

هههههه ما يبيله معروف شعر خشن ويسود و ويع بس ترا مالنا غنا عنه يفيد في بعض الاماكن...بس ترا نوعية الموس هي اللي تعطيكم نتائج سيئه...وبالنسبه للمتزوجا والمقبلات على الزواج اكيد ودهم بنتيجه شوي احلى من الحلق





طريقتي في ازالة شعر المنطقة الحساسة > البكيني < هي التالي:-


شرائج فيت الشمعية

شي طبيعي الكل عارفه لول

امبيه يا بنات لا اله الا الله مادري ويني عنه من زمان اثاري رفيجاتي يستخدمونه وطايحين فيه وانا خلف الله علي كنت بداية عمري شيرة من عمري 14 سنه خفت منها ومن مشاكلها وانا توني صغيره ذاك الوقت وعقبها انتقلت للموس واهيا اطول فترة بحياتي لوع جبدي (طبعا بعدها اكتشفت ان نوعية الموس هي تعطي نتيجة سيئه) وثالث شي ليزر ما ارتحت نفسيا

المهم

الشمع يا بنات

كل الاجانب يستخدمون الشمع للبكين لاحظت سمعت بالبرامج وبسوالفهم بالافلام وشفت باليوتيوب وقريت بالنت ان افضل طريقة لازالة الشعر للوجه والبكيني هي الشمع لا حلق بالموس ولا بالخيط (بالنسبه للوجه)



وانا قلت مو معقوله الاجانب امطيحين فيه واهوا مو زين

شفت نتجيه ترضي القلب..وصراحة قلت لازم اقولكم عليها وخصوصا اللي ماعرفت تشيل بشرائج فيت او اللي غاب عن فكرها شرائج فيت الشمعية.

نعومه وصفاء يهبلون صارلي اسبوعين من شلت وطلعت شعيرات ناعمه

* ما ياخذ وقت طويل
* مريح بالاستخدام لا يدبق ولا يبط الجبد
*العوار اخف بوايد من الشيره

تفضلوا طريقتي :-

شي طبيعي الكل يعرف شرائج فيت الشمعية الحجم الكبير ( مناسب للسيقان والذراعين)

وهذي صورته ومطلعه وياه الشريحة .....راح نحتاجه للبكين للمساحت الكبيره اللي هو فوقوراح نحتاج شرائح فيت الشمعية الحجم الصغير مكتوب عليه (لمنطقة الابطين وخط البكيني)

وراح نستخدمه بالاماكن الوعرة الضيقه اللي هم جانبين الافخاذ من الداخل وجانبي بالقرب من المناطق التناسلية






اول شي راح ناخذ الشريحة الكبيرة نقصها بالمقص نصين لان احنا نبي الشريحة تكون عريضه بس مو طويله





طبعا مكتوب بالورقة اللي معاه انج اتسخنينه بأدينج عشان يتسخن الشمع عشان تقدرين اتبطلين الشريحة اللي هي اصلا عباره عن شريحتين لاصقين ابعض

وانا اقولج لا تقصين على نفسج اتسخنينه بأيدج وسخني بالاستشوار جذي عشان يتوزع الشمع بالشريحتين بالتساوي قبل ما تفصلينهم عن بعض :





واهني بطلنا الشريحتين
وقبل ما تحطينه عالبكيني اخذي شريحة وحده من اللي فصليتهم ثم وجهي على الاستشوار الحار خمس ثواني خل الشمع يذوب ويصير حار (حراره يتحملها جلدج) لان يا بنات اذا ما كان الشمع حار ولا ذايب مرح تحصلين على نتيجه كلش ..





قولي بسم الله وحطي عالبكيني من فوق في المساحات الكبيره وامسحيه عليه مسحه مسحتين ثلاث (بأتجاه نمو الشعر) لين تحسين برد على جلدج نص برده ولا تشيليه وهو توه حار لان جذي راح يدبق.. خليه يبرد نص برده وامسحيه عليه وقولي بسم الله واسحبي بعكس اتجاه نمو الشعر بسرعه متوسطة...بليز لا تشيلين بقوه شديدة و لا تشيليه بطء

وبجذي بتشوفين الشعر انشال بسهوله وبتشوفين جلدج ناعم ...ثم اخذي الشريحه الثانيه وسوي فيها نفس الطريقة الاولى سخنيها بالاستشوار وحطي عالاماكن الثانيه من المساحات الواسعه فوق


ولي خلصتي من المناطق العليا..وبدا موعد المناطق الوعرة اللي هو جوانب الافخاذ الداخلية استخدمي الشرائح الصغيره اللي مكتوب عليها مخصصه للبكين وسخنيه بدون لا تقصينها بالمقص لانه حجمهم مناسب جدا بعدين افصليهم عن بعض وبعدها سخني شريحة وحده بالاستشوار وقولي بسم الله وحطي وامسي مسحه مسحتين ثلاث وشيليه ولا ترددين ولا تفكرين.. شيليه وتوكلي على الله..صدقيني ان عواره اخف من الشيره...


من كثر ما الشرائح مريح استخدامها راح تتجرئين وتروحين لي الاماكن اللي ورا بعد...لان لو خفتي وتوهقتي راح تسحبين الشريحه على طول .. لو كان شيرة جان بجيتي لي تلزق بالاماكن الداخليه ههههههه <<<< مجربه كل شي



نجي عند مكان الشعر اللي بالشفرتين القريب جدا من الاماكن التناسليه

اذا قدرتي تشيليه كان بها والحمدلله وانتي بأذن الله راح تقدرين تشيلين نصه خصوصا الصوب المقارب للافخاذ الداخليه .. وان قدرتي تشيلين المقارب للامكان التناسليه شيلي واذا حسيتي نفسج مبتدئه وخفتي عاد هذا خليه للموس احسن


وبعده ما تخلصين من شيلة الشعر بالشمع المنطقة راح تكون متحسسه شوي خصوصا اللي أول مره... مع العلبه يجي منديل مبلول تمسحين فيه المنطقه وهو يهدي المنطقه <<<< هذا مبدئيا بس وبعدين لمي قشج وشيلي اغراضج لول

وبعدين روحي غسلي بماي بارد وحطي كريم فيسودين يخف الاحمرار والالتهاب ويمنع ظهور الحبوب ... وقولي الحمدلله واستانسي بدون شعر ههههههههه

وهذول اهما:









وصراحة بجلستي كنت حاطه طاسه فيها ماي وباكيت كلينكس وفوطة وقصه وروايه ومسرحيه ما ساتخدمت ولا شي منهم <<<<< اغراض الشيرة سابقه خخخخخخخ... وجلستي كانت خفيفه وقصيره وكنت حاطه على اف ام الكويت ومكيفه لول



وطبعا


هنك ملاحظة عالموس


معلومة خاطئة:

الموس يسبب حكه وشعر خشن ويطلع حبوب


المعلومة الصحيحه:

نوعيه شفرات الموس هي اللي تحدد ظهور الحكة والشعر الخشن وحبوب

وطبعا الموس لا غنى عنه ابدا...

خصوصا للحالت الطارئه اذا كنتي مو فاظيه للشمع وماعندج وقت وخصوصا للمتزوجا


اقدم لكم احلى موس استخدمته مريح جدا جدا


هو:

فينوس بريس

Venus breeze









واهني لما بطلته

عباره عن يده (مسكه) مع علبتين صغار كل علبه فيها شفره تركبينها باليده..





وطبعا الجديد والحلو بشفرات فينوس بريز ان على جوانب الشفره في اكو مثل جل صابوني تبلين منطقة البكيني بالماي وتبلين شفرة الموس بماي واتمررينها عالمناطق اللي مثل ما قلنا قبل خفتي او ماعرفتي تشيلينهم ... ولما تمررين راح يذوب الجل الصابوني مع حركة الموس و راح يسهل عمليه حلاقه الشعر وراح يخلي المنطقه ناعمه على عكس لو شلتي بموس والمنطقه جافه او كنتي حاطه بس غسول عادي فرق السما عن الارض..



واستخدامه الشفره الوحده اكثر من مره لين يختفي الجل الصاوبي ويخلص وانا الحين صارلي اكثر من خمس مرات استخدمة نفس الشفره وما خلص الجل منه ... يعني بأذن الله يطول معاج ومناسب للطوارئ ههههههه والوقت اللي تكونين مو فاظيه للنتف


وطبعا الموس استخدميه على باقي المنطقة حتى الخلفية

يا بنات والله حيل مستانسه لما لقيته بالجمعيه لاني شفته مره بمجلة دعايه وتوني القاه بالجمعيه يهبل


وحلو استخدامه على باقي الجسم اذا كنت مستعجله انا ما أأيد الموس للرجول والادين
الله يخليكم لاتنسوني من دعواتكم والله ناس كثير تعبت عشان يوصل لكم ه الموضوع وبليز لاتنسو الردور + التقييم +الدعوه الصادقه في ظهر الغيب



مواضيع ذات صلة
الخلطة المغربية لتطويل الشعر وتكثيفه!
الترمس لإزالت الشعر من المناطق الحساسة
دردشة بنات أزيأ الحلوات
oOo طريقتي لتبيض المنطقه الحساسه (طريقه فعاااااااا
ازاله شعر المنطقة الحساسه وقت الدورة
سؤااال مهم جداااا اتمنى تساعدوني
العناية بالجسم ادخلوا وما راح تخسروا ........................
طريقه لإزالة الشعر



 
قديم 03-11-2011, 07:24 AM   #2

جوري العسيري


رد: طريقتي السهله لأزالة الشعر من المنطقه الحساسه دعواتكم


طريقتي السهله لأزالة الشعر من المنطقه الحساسه دعواتكم

وين الناس وين التفاعل وين الردود

 
قديم 03-11-2011, 07:36 AM   #3

لمى هانى


رد: طريقتي السهله لأزالة الشعر من المنطقه الحساسه دعواتكم


طريقتي السهله لأزالة الشعر من المنطقه الحساسه دعواتكم

تسلمى يا قمر

 
قديم 03-11-2011, 01:28 PM   #4

البجعه البيضاء


رد: طريقتي السهله لأزالة الشعر من المنطقه الحساسه دعواتكم


طريقتي السهله لأزالة الشعر من المنطقه الحساسه دعواتكم

مشكوره ي عسل

 
قديم 03-13-2011, 12:47 PM   #5

اصعب دمعه


رد: طريقتي السهله لأزالة الشعر من المنطقه الحساسه دعواتكم


طريقتي السهله لأزالة الشعر من المنطقه الحساسه دعواتكم

مشكوره

 

أدوات الموضوع



الساعة الآن توقيت السعودية الرياض و الدمام و القصيم و جدة 12:54 PM.

 

Powered by vBulletin® Copyright ©2000 - 2024,
vBulletin Optimisation provided by vB Optimise (Pro) - vBulletin Mods & Addons Copyright © 2024 DragonByte Technologies Ltd. يمنع انتهاك أي حقوق فكرية علماً أن جميع مايكتب هنا يمثل كاتبه وباسماء مستعارة ولمراسلة الإدارة يمكنكم استخدام الإتصال بنا
Search Engine Optimization by vBSEO 3.6.0