ازياء, فساتين سهرة

العودة   ازياء - فساتين سهرة و مكياج و طبخ > الحياة الخاصة و الصحة > المواضيع المتشابهة لاقسام الصحة والحياة
تسريحات 2013 ذيل الحصان موضة و ازياءازياء فكتوريا بيكهام 2013متاجر ازياء فلانتينو في باريسمكياج العين ماكياج دخاني makeup
المواضيع المتشابهة لاقسام الصحة والحياة زوجك يغازل يكلم بنات يخونك يوجد هنا زوجك يغازل يكلم بنات يخونك مواضيع الصحة و الحياة مواضيع متشابهه


 
قديم 03-29-2011, 04:36 AM   #1

كوكب الشرق2

عضوة شرفية

الملف الشخصي
رقم العضوية: 127830
تاريخ التسجيـل: Jul 2010
مجموع المشاركات: 19,951 

فراشة تطير زوجك يغازل يكلم بنات يخونك


زوجك يغازل يكلم بنات يخونك

مساء الخير على جميع المحروقات المجروحات
إلي بداخلهم براكين لاتخمد
غضب و ألم و حسره
أسئلة تحتاج لإجابات و إجابات
ليه تخون ؟
ليه تغازل ؟
ليه تكلم غيري ؟
أنا قايمة بكل واجباتك
أنا أعمل كل شي عشان أرضيك
أنا جميله ودلوعه
باطلع عنه أربيه
باطلب الطلاق
بابلغ أهلي
بابلغ الهيئه
باكلم البنات إلي يكلمهم
باتابع الأرقام إلي يتصل فيها
وبعدين ؟
بتنحل الأمور
لأ
لأ
حاسه بكل لحظة ألم تمرون فيها
الغصه إلي تحرق حناجركم بالدموع
إلي تشهد عليها سجاداتكم و وسايدكم
بس خلونا نحكي بشوية عقل
كل وحده مجروحه تترك قلبها على جنب
وتحكم عقلها الزواج ماحيستمر وأنتي تتبعين مشاعرك وقلبك فقط
الزواج يحتاج لعقلك و ذكاءك و حكمتك
وأهم شي (( صبرك ))
ولاتنسين قربك من الله
هو إلي يسمع نجوانا و يجيب دعوانا

أكتشفتي إن زوجك يلعب بذيله
أوكيه وش الجديد ؟
ليه الصدمه ؟
أغلب الرجال حالياً بهالشكل
نخرب على أنفسنا و لانحافظ على بيوتنا
ليه مخلين حياتكم الزوجية لعبة قط و فار
وسجين وسجان ؟
باصيده
باراقبه
باتابعه
بالعكس
الغباء نعمه في أحيان كثيره
أستغبي ماحتندمي إطلاقاً
لأن الرجل يكره المرأة إلي تتابعه
وتراقبه و تنتبه لكل شي
أنا لاحظت زوجي يرتاع لمايلاحظ مدى دقتي و نباهتي
فأصبحت أستغبي
لقيت أسهمي أرتفعت أكثر و أكثر
هذي هي طبيعة أغلب الرجال
يحبونك أضعف و أغبى منهم
وينفرون من ذكاءك
لأنه يحسسهم بالضعف
والرجل يكره هالخصله أمام زوجته
صدتيه يغازل
أعلنتي حالة الطواريء و الإستنفار
كنك ماصدقتي لقيتي عليه شي؟؟؟
وبديتي التخطيط للإنتقام
وجلستي عاد تجمعين الجديد
والقديم بتطلعينه على راسه
ولقى الشيطان مدخله لك
بدأ يثيرك و يستفزك أكثر
ويفتح لك أبواب شر لها أول مالها آخر
والنتيجه إنتي الخسرانه صدقيني

الحلول ماحاطول عليكم
لأني حاسه بالبراكين القابله للإنفجار بأي لحظه
وهالكلام ماقلته إلا من تجربه شخصيه بحته
مايهمكم تعرفون مين صاحبتها
الأهم تعرفون النتائج
وإيش النتائج

الزوج مايكلم بنات نهائياً
جواله طول الوقت قدام زوجته
أي إتصال من بنت
أو رساله يوريها هي بنفس سامحه ومبتسم
تسوى عيونه
شايلها من عالأرض شيل
كل وقت و كل لحظه
يقول لها ماشفت أحد بحكمتك وروعتك
لوضعف بأي لحظه رمى الجوال عندها
أوقال لها كلمتني بنت اليوم
الماسنجر لماتجيه إضافه يبلغها و تضحك معه ويلغي الإضافه
لأن أحياناً ياخذون الإيميل من بعض مواضيعه
يحكي لها أي موقف يمر عليه ولوبالشارع أو بالسفر
صايرين مثل الأصدقاء مافيه حواجز أو أسرار أوغموض
هاه وش رايكم بالنتايج ؟

بس ماجت إلا بعد صبر سنوات
وكفاح من هالزوجه و لحظات ألم مريرة جداً جداً كتمتها قدامه
ياما أستغبت
تعرف إنه يكلم بنت وتروح عنه
حتى ماينتبه إنها صادته
تجلس تلف تلف حوالين نفسها

وسكاكين تقطع قلبها
تنهار
تبكي
تروح لسجادتها وتناجي ربها

بس كانت تقرب من زوجها أكثر و أكثر تحاول تشغله
تشاركه بالنت
حتى يتعود يشاركها
تقول له شفت واحد طلب
إضافتي و أضفته طلع رجال وشته
طلع له قرون وينه هاتي إيميله
كنسلي مسنجرك
قالت له والله لويضيفني تريليون رجال غيرك مابي ولاأشوف

أرضت غروره
لما تلاقيه عالنت تجي تسولف معه حتى لومالها نفس



وماتعمد النظر للجهاز غضي نظرك عن الجهاز هوبيحاول يخبي المحادثه
تجاهلي كنك ماشفتيها
أستمرت على هالحال

كان يطلع من عندها مشوار
وتعرف إنه طالع يكلم
ماتصل عليه تتركه ياخذ راحته كنها مادرت
لوتأخر تتصل حبيبي وش فيك تأخرت
(ماتقول معاك إنتظار)
ويرجع يلاقيها بأحلى صورة

أكتشفت إنه مسجل بمواقع الزواج
لأنها أسهل طريقه لصيد البنات
جت قالت له بعد أيام
حبيبي فيه موقع سجلت فيه أسمه كذا كذا
أنهبل يوم عرف إنها مسجله فيه
لاعبته لاعبته لاعبته

كره هالموقع نهائياً و ماعاد دخله

الصبر وطولة البال كل وحده تعرف زوجها ومداخله ومخارجه لاتقولون مانعرف
تعرفون وش يلفت إنتباههم وش يشدهم
بس يحتاج منكم لفترات طويلة وكفاح حتى تنتشلوهم


ممكن حتى تجي على نفسك وتقولي عادي تكلم بنات
بينهبل لوقلتي كذا

بينجن ليه ماتغارين علي
ردي عليه إذا ماخفت على مشاعري ليه أغار ؟

أجرحي و داوي
أجرحي و داوي

أسلوب الصراخ والمشاكل
والله يابنات ماينفع معهم النتيجه
جوالات ماتدرون عنها
مكالمات في أوقات طلعاتهم وحتى بالعمل
موكل مره زوجك بيكلم من جواله
ولاكل مره بتصيدي رقم ثاني
لهم طرقهم ومداخلهم
وأبواب الشر لين أنفتحت أنفتحت صدقوني

مكالمتك للي كلمه بتفتح لك أبواب
ليه تنزلين نفسك لوحده قذرة ؟
ممكن حتى تجرحك بالكلام
ممكن عناد فيك تتقرب له أكثر
أثقلوا
إلي تبي تحافظ على بيتها و زوجها تثقل وتحكم عقلها وتقرب من الله
والله ماتندمون

بكره يجيبها لبيتك ماتدرين
بكره يسوي بلاوي مادرين
خلك نبيهه تابعي بحذر
حتى تكوني عارفه بكل الأمور
موتبقين على عماك
لين يدخل يابيده وحده متزوجها من علاقه
يامنومها في غرفتك
و أنتي عند أهلك مواعد بالعربي

لاإتصالكم بالهيئه بتنفعكم
أما بيرميك فبيت أهلك بحجة أتهمتيه و فضحتيه وشوهتي سمعته
والرجال لين حقد حقد
ولاطلعتكم لأهلكم بتنفع
ولاخناقك بينفع ممكن يطق بوجهك
ويقولك خلاص هذا أنا عاجبك هلا
ماعجبك طقي راسك بالجدار
(وأنتم أخبر بعض هماجة الرجال وعنادهم وبجاحتهم)

أثقلوا و حلوا أموركم بذكاءكم وكيدكم
إلي تبي فعلاً تحافظ على زوجها وبيتها تتحمل وتصبر
حتى لوزوجك عاقل فيه بنات يبلونه في نفسه
إن زان الرجال مازانوا البنات
مايخلون أحد بحاله
والدليل روحي معه لأي سنتر
وشوفي كيف يحلى في نظرهم
لمايشوفونه مع زوجته وتبدأ حركات الإستفزاز
حنا يابنات يامجروحات في زمن الفتن و الشدائد كل يوم يمر نشوف أعظم
هل نخرب على أنفسنا و لانحل أمورنا

أنتي لما تطبخين طبخه ياترى بتطلع تمام لوعليتي النار عليها وطبختيها بدقايق ؟
ممكن تحترق ويروح تعبك وتخسرين

ولاتخليها تتسبك على نار هاديه
حتى لوميته من الجوع ؟
وتطلع زي الورد

العاقله بتفهم كلامي مضبوط
الله يعلم إني ناصحه لكم و متألمه للألامك
موكل زوج ملتزم يخاف الله و يتقيه
ويوم مايلاقي إن زوجته ماتكفيه بيتزوج ثانيه
ولاكل زوج بيراعي مشاعر زوجته
ولاكل زوج يعشق زوجته ومابيهون عليه يظلمها
حرقة قلبي عليكم

مواضيع ذات صلة
لكى يعشقك زوجك ويموت فيش
الزوجة التي طلب منها زوجها ان تدفن امواله معه في قبره كيف تصرفت؟
كيف تحصلين على زوج مناسب؟
لا ترد على مكالمات زوجها
هنا ستجدون, هذيآني ، فضفضتي حزني ، سعادتي جنوني بختصار أنا سأكون هنا
كيف تجعلين زوجك مفتون بك ؛؛؛؛؛؛
كيف تلهبين مشاعر زوجك
كيف تطبخين زوجك قرة عينك ღ . إليك هذه الوصفة الغنية التي تجعلك هنيئة :



 
قديم 03-29-2011, 04:43 AM   #2

ديــالا


رد: زوجك يغازل يكلم بنات يخونك


زوجك يغازل يكلم بنات يخونك


 
قديم 03-29-2011, 05:46 AM   #3

كوكب الشرق2


رد: زوجك يغازل يكلم بنات يخونك


زوجك يغازل يكلم بنات يخونك


 
قديم 03-29-2011, 05:51 AM   #4

ˇ ω ۩ ام ورد ۩ ิˇωˇ


رد: زوجك يغازل يكلم بنات يخونك


زوجك يغازل يكلم بنات يخونك

مكرر يالغلا

 
قديم 03-30-2011, 10:56 PM   #5

اصعب دمعه


رد: زوجك يغازل يكلم بنات يخونك


زوجك يغازل يكلم بنات يخونك


 

أدوات الموضوع



الساعة الآن توقيت السعودية الرياض و الدمام و القصيم و جدة 02:26 AM.

 

Powered by vBulletin® Copyright ©2000 - 2018,
vBulletin Optimisation provided by vB Optimise (Pro) - vBulletin Mods & Addons Copyright © 2018 DragonByte Technologies Ltd. يمنع انتهاك أي حقوق فكرية علماً أن جميع مايكتب هنا يمثل كاتبه وباسماء مستعارة ولمراسلة الإدارة يمكنكم استخدام الإتصال بنا
Search Engine Optimization by vBSEO 3.6.0