ازياء, فساتين سهرة

العودة   ازياء - فساتين سهرة و مكياج و طبخ > الحياة الخاصة و الصحة > التعامل مع الزوج و العلاقة الزوجية
تسريحات 2013 ذيل الحصان موضة و ازياءازياء فكتوريا بيكهام 2013متاجر ازياء فلانتينو في باريسمكياج العين ماكياج دخاني makeup
التعامل مع الزوج و العلاقة الزوجية زوجه اخوي ,,,,,,,,وسر تعلق اخوي فيها,هام لكل حواء ؟؟.؟؟ يوجد هنا زوجه اخوي ,,,,,,,,وسر تعلق اخوي فيها,هام لكل حواء ؟؟.؟؟ العلاقة الزوجية Marital relationship و حياة زوجية سعيدة Married life مشاكل الحياة الزوجية و الحلول الثقافة الزوجية السعادة الزوجية حقوق الزوجين


 
قديم 05-24-2011, 09:55 PM   #1

ˇ ω ۩ ام ورد ۩ ิˇωˇ

:: كاتبة ألماسيّـة ::

الملف الشخصي
رقم العضوية: 44045
تاريخ التسجيـل: Dec 2008
مجموع المشاركات: 11,338 

صورة قلبين زوجه اخوي ,,,,,,,,وسر تعلق اخوي فيها,هام لكل حواء ؟؟.؟؟


زوجه اخوي ,,,,,,,,وسر تعلق اخوي فيها,هام لكل حواء ؟؟.؟؟


بسم الله الرحمن الرحيم
صباح/مساء
الورد والياسمين
من بدايه الموضوع منقول للاهميه
فيه نقاط مهم جدا لكل زوجه
الله ينفعنا وياك ويعلمنا ما ينفعنا
وينفعنا بما علمنا

لا تنسوني من ردودكم الحلوة
وتقيم"
استعنا بالله
تقول صاحبة القصه
0
0
0
بنات بقولكم

أخوي قبل يتزوج فيه شوية كبر وشايف نفسه ..

لا ومايعجبه العجب ...

مجرد مايشوف حبة أو بثرة صغيرة طالعة بوجه وحدة مننا ياخواته ياويلها تطلع هي اللي مو نظيفة

وماتهتم بشرتها ..

حتى الشعر والجسم دايم ينقد فيهم والطبخ كذلك...

شوفو عاد تزوج وزوجته الحالية يابنات وجهها الله يارب يعينها كأنه صايبها مرض الجدري

مليان حبوب ماتخيلون كيف..وسمرا جدا ((السمار موب عيب لكن في منظور أخوي يبي البشرة البيضاء))

وشعرها مو ناعم وجسمها مو ذاك الجسم اللي دايم يتفلسف علينا فيه

حتى يابنات والله ثم والله كان يهاوشنا لما نضحك بصوت عالي وأنا بالذات صوتي خشن وحاد فكان يقول أحس فيك رجولة مافيك أنوثة وإذا تكلمت معه يناظرني بإحتقار أحيانا ويقول

ممكن تخفضين صوتك؟

زوجته حاليا والله يوم تتكلم أحس إذني بتنفجر وصوتها خشن

خشن

يعني مو حلو أبدا وحاد وضحكتها تلجلج في البيت

يعني من ناحية الصوت والأسلوب أحس مافيه أنوثة أساسا هي يوم جلست أتكلم لها عن مواضيع

بلقيس وناعمة الهاشمي كل شيء تقول أعرفه عارفته كلامها معروف يعني مثل رجالها فيها كبر خخخخ وتحب تطلع نفسها تعرف كل شيء...


نجي عند المهم

وهو إن أخوي لو تقوله طيح في النار طاح فيها يحبها يابنات حب

الله يديم عليهم ...

وأنا طحت على السبب وكنت شاكة قبل خخخخ

لأنها كل ماجلسنا في مجلس تحب تتكلم عن الجنس يعني إذا جلسنا أنا وزوجات أخواني الباقيات

تتكلم عن الجنس وعن التضييق وخلطات ماقبل الجماع للق و...يعني أحس من كلامها إنها مبدعة حتى مرة تقول إنها تلبس مايوه وتمشي به قدام أخوي وإن الرجال ينبسط

ويوم قامت راحوا حريم خواني ياكلون في لحمها (((تقليديات مايلبسون كذا))

يقولون تخيلوا كراعينها السمرا وفخوذها العصاقيل قدام فلان اللي هو أخوي ((كيد الحريم ههه))

ومرة سألتها قلت لها فلانة وش سر الحب ذا اللي مخلي أخوي يدوخ عليك وهي جريئة تقريبا في الكلام

قالت شوفي الرجال يحب اللي تدلعه وتفاعل معه جنسيا وتبدأ تتكلم لي هي وش تسوي له و

(مع إنه هذي أسرار فراش ماتجوز وأنا ما أأيدها في هالشيء)

بس قلت فعلا أستاذتنا ناعمة الهاشمي صادقة

لما تركز بقوة على مسألة الجنس مع الزوج ..عرفت والله إنها معها حق..


والصفة الثانية اللي لاحظتها فيها الثقة بالنفس

ماكنت أتوقع الثقة بالنفس تسوي كذا حتى الطبخ اللي أخوي كان مجننا عليه إذا طبخت له مايروح ينقدها مثل نقدنا
مع إن طبخها عادي جدا لكن لأنها تقول وهو جالس أنا كل أنواع الطبخ أعرفها مافيه حاجة ما أعرف أطبخها ..فأحس أخوي أثر فيه كلامها

رِجعت وقلت صادقة أستاذة ناعمة لما تقول في معنى كلامها إنه كونك تثقين بنفسك فهذا يعني إن الكثير من عيوبك ماراح يكتشفها الآخرون راح تكون عليها غشاوة

وإن الثقة بالنفس تعطيك هالة وجاذبية حتى لو كنتي عادية تزيدك جمال واللي تكون ملكة جمال بس تنقصها الثقة نص مقوماتها وميزاتها تختفي ...حتى مرة وكعادة الجنوبيات الثقة في النفس معدومة شوي

قلت شكلي خربان شعري حايس ومن هالكلام قالت بالعكس أنتي حلوة و

يعني تعطيك دفعة للأما حتى لو فيك شيء يبيله تعديل

اللي خلاني أتجنن يابنات إنها دايم تتكلم عن البشرة والخلطات وهي والله مرة بشرتها معدومة حتى
مرة شفت ((إبطها)) أسود مررة وهذا من الله بس أسمع كلامك تعجبني أشوف جسمك أتعجب!!

وتكلم عن إنها مبيضة أسنانها وأسنانها تجنن مع إن أسنانها صفراء تخرع

وأخوي يقول فعلا فلانة وش حلاة أسنانها...

((وصدقت إستاذتنا ناعمة إن الوحدة على ماتروج لنفسها قدام زوجها وإنه أكبر غلط تقعدين تروجين لنفسك أيام الخطوبة والملكة وتوقفين بعد الزواج بظنك إنك إمتلكتي الرجل خلاص ماعاد يحتاج ترويج للنفس

بس عاد الترويج بإعتدال))

حتى تسريحتها ومكياجها في زواجها طبعا حنا ماشفناها لأنها مانزفت جالسة تمدح في نفسها مدح

يوم شفتها كانت عادية جدا

ومع كذا خواتي انهبلوا على حلاتها

عاد كلمة أختي الكبيرة تقول سبحان الله لو هي قايلة هاه وش رايكم في شكلي هاه أحس ماكان مكياجي ضابط

كان طلعنا فيها مية عيب وعيب ..لكن ثقتها بنفسها خلتنا نشوف الأشياء الحلوة فيها وبس

والميزة الثالثة فيها إنها مستقلة عن أخوي

وها الإستقلال حطي تحته مية خط بيض الله وجهك يا أستاذتنا ناعمة ياكثر ماعلمتنيا عن الإستقلال العاطفي وأهميته

يعني تحبه صح وترسل له مسجات أحيانا قدامنا لكن من كلامها إنه إذا تأخر ماتنشب في حلقه ولا
تقول شيء ..

ولها إهتماماتها وماتركض وراه وين ماراح وين ماجاء...


يعني يابنات الحمدلله تعلمت منها أشياء كثيرة إن الشكل أوكي مهم

لكن فيه مهمة بعد


((الثقة بالنفس///الترويج للنفس/عدم إظهار العيوب ونقاط الضعف أبدا//الجنس المبدع مع الزوج// الإستقلال))


وسلامتكم الله يسعدهم ويخليهم لبعض يارب
وإنتم ماتعرفونها فالحمدلله مو غيبة لها ههههه هو من باب الفائدة


لابنات حتى البارح بعد العشاء كنت جالسة وهم يطالعون في بعض ويبتسمون

صراحة إنحرجت وقمت

الله يخليهم لبعض

يعني من جد عاصرت إخواني وزواجتهم وماشفت مثل حياتها هي وزوجها ماشاء الله لاقوة إلا بالله


منقول لعيونكم

مواضيع ذات صلة
اللي راح تدخل الله يرزقها الجنه والي ماراح تدخل ما الومها لاني ما استاهل
كلكم بامهات ويالي عندهم خبره وخلفيه عن موضوعي ادخلوا الله يجزاكمم خير يارب
الأن لكل الطالبات المواجهين صعوبة في مادتي الإنجليش و الرياضيات
ليس آلحب آن تقول آحبك فقط
نصائح لكل امراءةتريد ان تشعر زوجها بالرومانسية
شركة عالمية ارباحها خيال مطلوب مندوبات واذا اردتي الشراء هاذا الشهر نصف القيمة للكل
الله يرزق اللي تساعدين خيرات الدنيا
ياليت تفيدوني بارائكم واللهي محتجة لكم



 
قديم 05-24-2011, 11:17 PM   #2

سارة احمد صالح


رد: زوجه اخوي ,,,,,,,,وسر تعلق اخوي فيها,هام لكل حواء ؟؟.؟؟


زوجه اخوي ,,,,,,,,وسر تعلق اخوي فيها,هام لكل حواء ؟؟.؟؟


 
قديم 05-24-2011, 11:24 PM   #3

▫₪ بيــشُشُـg ₪▫


رد: زوجه اخوي ,,,,,,,,وسر تعلق اخوي فيها,هام لكل حواء ؟؟.؟؟


زوجه اخوي ,,,,,,,,وسر تعلق اخوي فيها,هام لكل حواء ؟؟.؟؟

مشكورة

 
قديم 05-25-2011, 06:07 AM   #4

غلا المطيري


رد: زوجه اخوي ,,,,,,,,وسر تعلق اخوي فيها,هام لكل حواء ؟؟.؟؟


زوجه اخوي ,,,,,,,,وسر تعلق اخوي فيها,هام لكل حواء ؟؟.؟؟

موضوع مهم جدا يعطيك العافيه

 

أدوات الموضوع



الساعة الآن توقيت السعودية الرياض و الدمام و القصيم و جدة 05:48 PM.

 

Powered by vBulletin® Copyright ©2000 - 2018,
vBulletin Optimisation provided by vB Optimise (Pro) - vBulletin Mods & Addons Copyright © 2018 DragonByte Technologies Ltd. يمنع انتهاك أي حقوق فكرية علماً أن جميع مايكتب هنا يمثل كاتبه وباسماء مستعارة ولمراسلة الإدارة يمكنكم استخدام الإتصال بنا
Search Engine Optimization by vBSEO 3.6.0