رد: بنات ساعدوني انا تحطمت .. :
بنات ساعدوني انا تحطمت
حبيبتي القصة كتير حلوة و انتي حطي حد لبنات الصف لما يضحكوا اقهريهم قوليلهم من كيدكم و غيرتكم
ما عندكم جراة تجربوا اي قصة شعر جريئة انا عاجبني و مبسوطة كتير عليه
و اقاربك نفس الشي اما اذا حدا كبير و تخجلي تجاوبيه هيك جواب قوليلهم عالاقل جربت اشي كان بنفسي و عرفت انه ما بناسب وجهي مع انه القصة كتير حلوة مو عارفة انا ليش بتسمعي للناس
مع انه ما بلومك بحطموا الواحد و بخربوا نفسيته
اما عن اشي يطول الشعر انا ما بعرف لو بعرف كنت جربت
وخلي هالتجربة تساعدك انه لا تسمعي لكلام الناس مهما حاولوا يدايقوكي
في قصة صينية قديمة بتقول انه في مزارع عنده بير المي جفت و كان عنده حصان كبير و ما بستفيد منه اطلاقا يوم من الايام وقع الحصان فالبير و حاول المزارع يطلعه ما قدر و تكلفة انه يطلعه من البير اكتر من تكلفة حصان جديد اجتمعوا صحاب المزارع المجاورة و قالوله انه الحصان ما في منه فايده و البير جافة خلينا ندفن الحصان فالبير وهيك بتكون خلصت من المشكله
بداوا المزراعين يرموا الحجار والتراب عالحصان ليدفنوا و هو عايش و هو صار يصرخ و يخبط اجريه بالبير بعدن فجاة سكت
فاستغربوا فكروا مات
لما طلعوا عليه لقوه بنفض الحجار و التراب الي برموا عليه و بطلع فوقه و ضل الحصان ينفض الاوساخ الي برموها عليه لحد موصل للارض و طلع من البير
الحكمة انه مهما الي حوليك حاولوا يدمروك او يدفنوك بالحياة لازم هالاشياء تزدك قوة و اصرار و تحدي لا تستلم الهم
واسفة طولت كتير
بس حسيت بمعانتك خصوصا من بنات صفك نفسي اجي انا اقصلهم شعرهم عالصفر و اخليه اكم شعرة براسهم حسبي الله عليهم
|