 |
  |
|
|
|
06-19-2011, 05:58 PM
|
#1 |
|
:: كاتبة نشيطة :: |
لم يبقى الا رجال العازه
كيفن؟ حابه اتكلم معاكن بموضوع مهم واقع مر نعيشه (لم يبقى الا رجال العازه) ماني عارفه كيف أبدأ
انا عندي مشغل تجميل ويجوني زبونات كثير يشتكون من رجالهن وحده تقول ان زوجها مايجي غير يومين بالاسبوع (الخميس والجمعه) تقول يجي من شغله على طول يروح الاستراحه يتصل فيها يعطيها خبر انه نزل ويقول لها لاتقولين لي تعال البيت اي شي تبغينه قولي عليه واخلي السواق يجيبه لك وتقول انها على هالحال من كذا سنه مايجي للبيت الا بالنادر مايشوف عياله مايسال عنهم نهائيا تقول بس اذا بغيت منه فلوس يكب علي فلوس بالهبل واحيانا يعطيها شيك على بياض يقول لها اكتبي المبلغ اللي تحتاجينه مصروف الشهر عشان مو كل اشوي تتصلين فيني وتزعجيني............. هذي وحده والثانيه هي مدرسه تقول انها متزوجه بالسر من رجال متزوج وهو حاط لها هالشرط وهو متفق معاها مايشوفها الا اذا سمحت ظروفه بهالشي لانه مايبغي زوجته تحس بأي شي (مع العلم انه رجل متدين مثل ماقالت لي) المفروض انه يخاف الله ويعرف ان الزواج من حقه شرعا يعني مو شي يخاف منه .............. والثالثه برضوا متزوجه من رجال متزوج وبرضوا شارط ان زواجهم بالسر هو في منطقه وهي في منطقه مايجيها الا كل بعد 8 شهور وشارط عليها انه مايبغي عيال وان لو زوجته عرفت عن زواجهم رح يطلقها على طول ............... والرابعه صاحبة مشغل خياطه تقول انه بداية الزواج قال لها ماأبغي منك شي بعد الزواج بفتره أبتدأ يقول لها انتي عليش مصروفش وانا الباقي بعدها بفتره صار يقول لها فواتير البيت والمونه عليش تقول كنت اقول ماعليه الحياة تعاون مافيها شي تقول بعدها قال لها حتى أجار البيت عليش تقول ماباقي شي يسويه حتى مشاويري صار يقول لها خذي لك سواق خاص يوصلك مشاويرك ............. انا نفسي افهم وين راحت الرجال اللي تترس الدروازه ؟ ايش اشباه الرجال اللي كل يوم نشوفهم ونسمع عنهم؟ والله ماني عارفه الغلط منهم ولا الغلط منا أحنا يالنساء؟ ايش اللي وصلنا وصلهم لهالحال؟ يتبع للحديث بقيه ارجو التعليق مواضيع ذات صلة التعديل الأخير تم بواسطة عسل اسمر ; 06-19-2011 الساعة 06:03 PM. سبب آخر: تشابك الحروف |
|
06-19-2011, 06:48 PM
|
#2 |
|
|
رد: لم يبقى الا رجال العازه
السلام عليكم ورحمه الله وبركاته
اولا انا حاسه ان الغلط غلط الزوجه من الاول لانها لما بتسمح لنفسها انها تبقى زوجه تانيه يبقى لازم تعرف انه هيبقى بشروط وخاصه لو كان فى السر فيه زوجه تانيه بس بيبقى شىء علنى فبيبقى وضعها افضل شويه من السرى ده رأيى والله اعلم |
|
06-21-2011, 07:31 AM
|
#3 |
|
|
رد: لم يبقى الا رجال العازه
بعض الرجال مايحملون اي مسؤليه ابدا مدري ليش متزوجين الله يهديهم
موضوع رائع |
|
06-22-2011, 06:13 AM
|
#4 |
|
|
رد: لم يبقى الا رجال العازه
 |
|
06-23-2011, 03:41 AM
|
#5 |
|
|
رد: لم يبقى الا رجال العازه
في رجال كذا مو قد المسولية مو قد مسولية بيته بس لاتنسين فضل المراة في انجاح حياتها امكن زوجها يهرب من البيت بسبب مالقي الراحة بيته واضطر يتزوج عليها بالسر \والمراة الي تقول تزوجت بالسر وتشكي ليش تشكي وهية رضت على نفسة كذا رضيت تكون بالسر ليش تشكي تتحمل سبب رضاها تكون بالسر فالغط يكون من الرجل والمراة
|
