 |
  |
|
|
|
07-30-2011, 05:59 PM
|
#1 |
|
:: كاتبة فضيّـة :: |
بسم الله الرحمن الرحيم ايه رايكم في الشفايف الطبيعيه الصحيه ؟؟ انا عن نفسي احب شفايفي تكون كده طيب تعالوا نشوف سوا مشاكل الشفايف مشكله مشكله و نحلها سوا 1- السواد اعلى الفم  و من اهم اسبابه: 1- طبعا زي ما كلنا عارفين الطرق المتعدده في ازاله الشعر من فوق الشفه 2- التقدم في السن 3- كثرة استخدام مستحضرات التجميل 4- كثرة التعرض لاشعة الشمس لو كنتي بتعاني من حساسيه موسميه 5- و احيانا بتكون لخبطة هرمونات و بتكون نادره اما بالنسبه للعلاج 1- ماسك مكون من ملعقتين صغيره دقيق + قليل من الكركم ( بتاع البشره مش بتاع الطبيخ عشان بتاع الاكل جربت عملت بيه ماسك زمان خلى وشي اصفر) +قطرات من الليمون + القشطه اللي بتبقى على وش الحليب او الزبادي هنا كل المكونات بتعمل على تفتيح اللون و توحيده و القشطه بتعمل على ترطيب البشره و تخليها ناعمه و ما تنشفش و هتحطيه زي ما انتي شايفه على كامل الوجه برضه لحد ما ينشف و بعدين تشطفيه . 2- زي ما احنا عارفين ان التقشير يؤدي الى ازالة الخلايا السطحيه الميته تاركا وراه بشره صافيه ف عليكي بالارز المطحون + زبادي و افركي المنطقه مرتين في اليوم هتلاقيها افتحت باذن الله . 3- اثبت الابحاث ان افضل مفتح طبيعي هو العسل و اليمون اخلطيهم و حطيهم عالمنطقه لحد ما ينشف و اغسليه و اعمليها يوميا و لازم تصبري النتائج بتبان بعد كام اسبوع مش تزهقي علطول . 4- تذكره بسيطه ما تنسيش تحطي الواقي من الشمس كويس على هذه المنطقه قبل ما تطلعي من البيت. 5- عارفين ان عصير الخيار ليه مفعول للتفيح و الترطيب في نفس الوقت ف ممكن تخلطيه مع بعض نقط عصير الليمون و تحطيه لمده 15 دقيقه. 6- زيت اللوز ممتاز ممكن تحطيه على المنطقه عالاقل لمدة ساعه و يفضل تسيبيه يتشرب لوحده و تعملي كده يوميا ؟ و خليكوا فاكرين يا قمرات ان النتيجه بتظهر في خلال من اسبوع الى اسبوعين يعني ارجوكم ارجوكم تحلوا بالصبر 2- نشفان الشفايف و تكون قشور عليها  و حلها الوحيد هو التقشير ثم التفشير ثم التقشير و في ناس كتير تجهل اهميه العمليه دي و بتهاون بيها بس بعد ما تجربوا هتحكموا باذن الله نبدا نشوف ايه هيه طرق التقشير المتاحه 1- طريقة فرشاة الاسنان هاتي فرشاه اسنان قديمه عندك بس تكون شعيراتها ناعمه و حطي عالفرشاه حته فازلين و ابداي افركيهم بطريقه دائريه لمده دقيقه و بعد ما تخلصي سيبي الفازلين عليها ما تغسلهوش و افركوا بخفه مش جامد 2- طريقة السكر تخلطي سكر مع زيت زيتون بس لازم العجينه ما تكونش سايله قوي و بقماشه ناعمه تفركي بطريقه دائريه برضه و بعدين تمسحيها و تحطي مرطب 3- طريقة بيكربونات الصودا تاخدي حبه و تخلطيهم مع ميه صغيرين قوي لحد ما يعملوا عجينه محبه و هنا ممكن تعملي بصباعك الحركات الدائريه او بفرشاه اسنان و بعد ما تخلصي اغسليه و حطي مرطب تحذير مهم للي شفاهم مشققه قوي و متجرجه بلاش تقشير الفرشاه 3- الشفاه الخشنه الغير صحية المظهر  تعالوا نشوف عشان تحصلي على شفاه لينه صحيه المظهر و ممتلئه عن طريق الحفاظ عليها مرطبه دائما دائما و زيادة نسبة الرطوبه فيها اولا يا جماعه خلونا نتكلم على بلاطه كل زبدة الكاكاو اللي بنستخدمها الرخيصه دي كلها كلام فاضي و بتضر بدل ما تنفع بتحسسك انها ناعمه و لو نسيتي تحطيها مره تعالي شوفي القشور اللي بتكون بصي لما تستخدمي زبدة كاكاو ما تبخليش على شفايفك ابدا و دوري دايما عاللي فيها - فيتامين E - زبدة الشيا - شمع العسل و الجديد بقى الزبده العاديه ايوا الزبده او السمنه ممكن نضيف ليها زيت الزيتون او العسل و ارجوكم ارجوكم بلاش الحاجات الرخيصه ابعدوا عنها 4- ازالة الشعر فوق الفم  تعالوا نشوف الوسائل اللي كلنا عارفينها 1- الملقط و هنا هتستخدميه فقط فقط في حالة انه في كام شعرايه طالعين و عندك مناسبه كاسعاف اولي لكن مش يبقى الشنب شبرين و نقعد نشيل شعره شعره 2- الخيط و هو الاكثر استخداما المه برضه بسيط عشان بيشيل الشعر مره واحده و ليه قدره على ازاله الشعر الصغير قوي بس غير مناسب لذوات البشره الحساسه جدا و الشعر بيبدا يطلع بعد فتره طويله 3- الكريم المزيل و ده ممكن لذوات البشره الحساسه 4- الشمع و دي الطريقه اللي انا شخصيا بستخدمها بفضلها لانها سريعه و من شده واحده بس نقي الشمع الخفيف 5- السويت نفس الشمع بس لازم يبقى نوعها كويس عشان شعر اللي فوق الشفه خفيف و ناعم غير باقي الجسم ف عشان يقدر يطلعه كله 6- الليزر و طبعا ممتاز بس مكلف و برضه بيطلع الشعر بعد كده للي فاطر انه اتشال نهائيا بس بيطلع بعد مده طويله جدا جدا جدا 5- تجاعيد الشفاه  و هي العلامه الاولى من علامات تقدم السن و هنقول طريقتين حلوين للتخلص منهم 1- الطريقه الاولى هتحتاجي مقشر ناعم + قماشه ناعمه + كبسولات فيتامين E + مرطب شفاه مع واقي شمس اعملي تقشير للشفاه بطريقه ناعمه بعدها حطي الفيتامين ثم تحطي فوق المرطب و طبعا مش على الشفاه بس لا على البشره اللي حوالين الفم اهم 2- الطريقه الثانيه هتحتاجي بابايا + عسل + فرشاة اسنان + قرفه + مرطب يحتوي على واقي اخلطي البابايل مع العسل و باستخدام الفرشاه اعملي تقشير على البشره حول الفم و من ثم اغسليه بعدين ضيفي القرفه مع المرطب و سيبيه 6- هاجس الشفاه الممتلئه  و انا وحده منهم اه بعترف :mood6: شفتي رفيعه و نفسي تملا شويه ف لما دورت لاقيت و اللي لاقيته هو ان السر في الحصول على شفه مليانه هو ان دايما قبل ما تنامي غرقيها بزيت اختاري ما بين زيت بذور المشمش او زيت بذور الجزر نصائح مهمه جدا جدا جدا 1- نهائيا نهائيا اوعي اوعي تعضي شفايفك كل شويه عشان ترطبي يكون في علمك ده بينشفها بزياده ف حاولي على قد ما تقدري تبطلي العاده دي 2- كلي خضار و فاكهه كتير حاولي تعودي نفسك انك كل يوم تاكلي كميه معينه . 3- كتري من مرطب الشفاه في فترة الشتاء . 4- حاولي تنتظمي في تقشير الشفاه عشان تحافظي عليها ناعمه و خاليه من المشاكل و لو استمريتي باذن الله هتلاقي شفايفك جميله يا رب تبقى شفايفنا كلنا صحيه زي دي  يا رب تكونوا استفدتوا م/ن لعيونكم :sddhgh:بانتظار ردكم + تقييمكم:sddhgh: مواضيع ذات صلة |
|
07-30-2011, 07:20 PM
|
#2 |
|
|
رد: شفايفك هي سر جمالك
يسلموؤوؤوؤوؤوؤوؤوؤوؤ على هذا الطرح الراقي
ويشرفني ان اكون اول مشاركة ف صفحتكي المميزة كل الشكر والتقدير لج يالغاآأآأآأآأآأآأآأآأآأآلية |
|
07-31-2011, 02:41 PM
|
#3 |
|
|
رد: شفايفك هي سر جمالك
شكررا شكررا
وربي بدعيلك من كل قلبي الله يجزآآكي كل خير تستآآهلي التقيم |
|
07-31-2011, 09:59 PM
|
#4 | |
|
|
رد: شفايفك هي سر جمالك
اقتباس:
العطر الذي شرفني وأسعدني وأضاف لموضوعي رونقا وجمالا |
|
|
07-31-2011, 10:00 PM
|
#5 | |
|
|
رد: شفايفك هي سر جمالك
اقتباس:
شكرا كثير مرورك على موضوعي وردك عليه وسام أفتخر فيه |
|
شفايفك هي سر جمالك
