ازياء, فساتين سهرة

العودة   ازياء - فساتين سهرة و مكياج و طبخ > الجمال والرشاقة > العناية بالبشرة و الجسم
تسريحات 2013 ذيل الحصان موضة و ازياءازياء فكتوريا بيكهام 2013متاجر ازياء فلانتينو في باريسمكياج العين ماكياج دخاني makeup
العناية بالبشرة و الجسم لجمالك في رمضان.. صابون وماسك المشمش لجسم ناعم زي الحرير يوجد هنا لجمالك في رمضان.. صابون وماسك المشمش لجسم ناعم زي الحرير وصفات خلطات كريمات أقنعة البشرة العناية بالبشرة و خلطات الجسم أنواع البشرة , اسمرار البشرة العناية بالبشرة و الشعر و الجسم خلطات الجمال خلطات طبيعية

فساتين العيد


 
قديم 08-08-2011, 05:55 AM   #1

كوكب الشرق2

عضوة شرفية

الملف الشخصي
رقم العضوية: 127830
تاريخ التسجيـل: Jul 2010
مجموع المشاركات: 19,951 

فراشة تطير لجمالك في رمضان.. صابون وماسك المشمش لجسم ناعم زي الحرير


لجمالك في رمضان.. صابون وماسك المشمش لجسم ناعم زي الحرير

 قبل ما نبدأ نتكلم عن الماسكات والعناية بالبشرة والشعر،
قبل ما نبدأ نتكلم عن الماسكات والعناية بالبشرة والشعر، هنعمل مع بعض تقليد مصري قديم ونعرف إزاي نعطر القُلل ونبخرها، وده بيدي طعم ونكهة وريحة مميزة للميه وإحنا بنشرب.

وإنتم بتشتروا القُلل هتلاقوا منها نوعين؛ فيه قُلل بطمي أبيض، ونوع تاني بطمي أحمر، ويقال إن الطمي الأبيض بيكون ميته أسقع من الطمي الأحمر.

علشان نعطر القُلل هنجيب حبات من المستكة، ونحطها في وعاء صغير على النار لحد ما تسيح، وتبدأ تطلع بخار، وبعد كدة هنغطيها بالقُلة طبعا بعد ما نغسلها كويس، بس ناخد بالنا إن القلة ماتكونش ملامسة لسطح النار، ونسيبها شوية لحد ما البخار يدخل في القلة ويعطرها وتثبت فيه الريحة، وبعدين نملاها بالميه.

هتكون حاجة جميلة جدا وجديدة لما تزيني السفرة أو البوفيه بالقلة في شهر رمضان، وكمان هيدي لرمضان روح وجو دافي وفلكلوري.

إضغط لمشاهدة الفيديو:


حاجة كمان هنعرفها مع بعض ومن الحاجات المهمة جدا إزاي نعطر ملابسنا وخصوصا ملابس الصلاة، وكمان سجاجيد الصلاة، ودي مش هنعملها في شهر رمضان بس، لكن هنستمر عليها طول السنة إننا نهتم بتعطير وتبخير هدومنا.

هنجيب زجاجة صغيرة من المسك الأبيض من عند العطار، ونبدأ نحط نقط على سجادة الصلاة خصوصا عند منطقة السجود، وكمان نحط منها على ملابس الصلاة.

ولازم نهتم جدا إننا نغسل سجاجيد الصلاة، وملابس الصلاة باستمرار؛ علشان نحافظ على نظافتهم، وبعد ما نعطرهم ونبخرهم ده هيدي ريحة حلوة في كل البيت هتلفت نظر كل ضيوفك.

إضغط لمشاهدة الفيديو:


في حلقات رمضان هيكون البطل معانا في كل الماسكات هو المشمش سواء الفريش أو المشمشية الجافة، وعايزة أقول لكم إن المشمش بيحتوي على نسبة عالية من الأملاح المعدنية والفيتامينات، وبيحتوي على فيتامين A، والفيتامين ده بيكون في المشمش المجفف بنسبة أعلى بكتير من المشمش الفريش، وهو مفيد جدا، والجلد بيحتاج منه نسبة عالية جدا؛ علشان يفضل جلدنا ناعم ونضر، علشان كده مهم جدا إننا ناكل كمية كبيرة من المشمش والمشمشية الجافة، وبعد فترة هتلاحظوا النتيجة على جلدكم وشعركم.
دلوقتي هنعمل مع بعض صابون وماسكات للبشرة بالمشمش الفريش والمجفف وكمان بمربى المشمش.

صابون المشمش
الصابونة دي هنستخدمها على بشرة جسمنا فقط، ومش هنستخدمها لبشرة الوجه، ودي بتدّي نعومة وترطيب هايل للجلد.

هنعمل الصابونة دي في بداية شهر رمضان، ونسيبها لحد ما تنشف ونبدأ نستخدمها على العيد.

المقادير:
1/ 2 صابونة
3 ملاعق كبيرة مربى مشمش

الطريقة:
هنحط الصابون المبشور في الحلة على نار متوسطة، ونسيبها شوية لحد لما تسيح، وبعدين نحط عليها المربى، ونقلبها بشكل مستمر لحد لما تسيح تماما.
بعد كده هنصبها في قوالب بأشكال مختلفة، ونسيبها فترة زي ما إحنا عارفين لحد ما تنشف تماما، وبعدين نبدأ نستخدمها في الشاور، هتنعم جسمنا وتديله ترطيب ورونق.

إضغط لمشاهدة الفيديو:


ماسك سنفرة بمربى المشمش والزبدة
الماسك ده هنستعمله على الجسم فقط، وده بيعتبر سنفرة هايلة للجسم؛ علشان نحصل على جسم ناعم زي الحرير.

المقادير:
ملعقة كبيرة مربى مشمش
قطعة زبدة صفرا
ملعقة كبيرة سكر بودرة
الطريقة:
هنحط المربى والزبدة على النار وندوبهم كويس، وبعدين نحط السكر ونقلب بشكل مستمر لحد لما يمتزجوا مع بعض.
هنصب الماسك في برطمان زجاج، وممكن نحتفظ بيه في التلاجة لمدة شهرين.

هنستعمله بعد الشاور بعد ما نستعمل صابونة المشمش، هنعمل بيه سنفرة للجسم فقط، من أسفل لأعلى، وفي اتجاه القلب ونسيبه لمدة ساعة، وبعدين نشطفه بالماء فقط، هنلاقي نتيجة هايلة وهنحصل على بشرة ناعمة جدا.

مواضيع ذات صلة
تسريحات ظفائر ناعمة وعصرية
تألقي مع سواروفسكي بمجموعة الوردي الناعمة
كل ماتحتاجه العروس .
العناية بالقدمين
رجيم قشر الليمون لخسارة الوزن بسرعة كبيرة وخطوات بسيطة
نسبة كبيرة من الأمريكين سيصابون بالسمنة
طحن نواة المشمش أسهل طريقة لمعالجة تجاعيد الوجه
شوربة دال بالمشمش
ريش ضأن بحشو المشمش
طريقة صنع اسكرب المشمش لتقشير الجسم
كريم المشمش للعناية بالرقبة
.ألوان فاتحة بين الوردي والمشمشي.



 
قديم 08-08-2011, 02:43 PM   #2

صفاء*


رد: لجمالك في رمضان.. صابون وماسك المشمش لجسم ناعم زي الحرير


لجمالك في رمضان.. صابون وماسك المشمش لجسم ناعم زي الحرير


تسلم الأيادي على روعة ما قدمتْ
دمت ودام لنا عذب عطائك
يعطيك ربي كل العوافي
لك مني آصدقْ الود وآبلغهْ


تابعي تميزك
صفاء


 

أدوات الموضوع



الساعة الآن توقيت السعودية الرياض و الدمام و القصيم و جدة 07:20 PM.

 

Powered by vBulletin® Copyright ©2000 - 2019,
vBulletin Optimisation provided by vB Optimise (Pro) - vBulletin Mods & Addons Copyright © 2019 DragonByte Technologies Ltd. يمنع انتهاك أي حقوق فكرية علماً أن جميع مايكتب هنا يمثل كاتبه وباسماء مستعارة ولمراسلة الإدارة يمكنكم استخدام الإتصال بنا
Search Engine Optimization by vBSEO 3.6.0