رد: ارجوكم عطوني حل بسرعه
ارجوكم عطوني حل بسرعه
السلام عليكم
مساء \ صباح .... الخير
حبيبتي توفي والله ماسجلت في المنتدى الا عشان احاول اني اساعدك
شوفي انا الحين ماراح الومك على شيء سويته غلط لان اللؤم الحين ماينفع
اول شيء حطي قاعده في راسك:
انه الرجال مهما كان متواضع كبريائه مايسمح له انه يعتذر هذا الاعتقاد عند كثير من الرجال
يبغى الاعتذار من المراه حتى لو كان هو الغلطان والجاني
الرجل زي الطفل مهما سوا يرجع لحضن امه
كوني له ام واخت وحبيبه وعشيقه واخ واب وزوجه
خليك كل نساء العالم في وعاء واحد
ماعليك الحين ابدا من ماضيه لانك خلاص تزوجتيه والبحث عن ماضيه هل هو له علاقات او لا ماراح يزيدك الا هم ومشاكل
عليك حبيبتي من اليوم وبكره وبس والماضي كله ارميه واحرقيه
اول شيء عشان تنجحين وتوصلين للمطلوب عليك بالصبر ثم الصبر ثم الصبر
انسي ابدا انك تدخلين اهلك او الاقارب في مشاكلك الخاصه لانه الاقارب عقارب وفي هذا الزمان كل واحد يفكر في مصلحة نفسه وبس
انتي الحين زوجه وبكره ام ان شاء الله بس اسمعي نصيحتي وان شاء الله يجيء يلهث وراك بس لاتنسين انه يبغالها صبر ومده طويله وبذكائك انتي فقط تقدرين تحطينه خاتم في اصبعك
لاعاد تفكرين ابدا انك تروحين بيت اهلك هذا دمار الحياه الزوجيه وزيادة المشاكل باستمرار
ستر المراءه بيت زوجها
الحين اول خطوه اتصلي على زوجك وسلمي عليه واساليه عن اخباره وشغله ولميه انك اشتقتي له كثير ولاتفتحين معاه ابدا موضوع المشكله الي بينكم انسيها تماما
وبعدين ابديء ارسلي له رسايل
ومكالمات من فتره لفتره
وابدا لاتفتحين موضوع المشكله
بعدين اذا حسيت العلاقه صارت افضل من اول ومزاجه افضل
حاولي انك تعزمينه على العشاء لحالك انتي وهو والبسي لبس رائع واظهري انوثتك بمهاره
ولا تنسين لاتفتحين معاه الموضوع ابدا
بعدها حاولي ترسلين له هدايا
وفي هذي الفتره ادري راح تتعبين لانه يمكن مايستجيب معاك بسرعه راح تتعبين ياقلبي بس ان شاء الله ربي يفرجها عليك وتنسين التعب كله
استمري على هذا الحال وكل مره فجائيه بشيء مره عشاء مره هديه مره حفله صغيره وهكذا
بعدين بسياسه وذكاء ارجعي معه البيت
وانسي الماضي
حاولي تكونين حنونه معاه
حاولي يكون بينك وبينه تلامس جسدي بدون مايحس انك متعمده
امسكي يده بدون قصد مثلا بتعطينه حاجه او شيء
كوني انيقه في مظهرك
ايضا اخلاقك خليه يحسك انثى بما تعنيه الكلمه
حاولي ماتكونين لازقه في كل مكان معاه عشان يشتاق لك
فيه والله كلام كلام كثير والله اني من اعماق قلبي ودي اساعدك
المطلوب الحين
انك تتصلين بس ابدا ماتفتحين معاه المشكله الي بينكم حتى لو نافخ عليك او تكلم من غير نفس
ماعليك اصبري وضحي وترى مافيه بين الازواج ابدا شيء اسمه كرامه
لاتهدمين عشك بنفسك حبيبتي
بلغيني بالنتائج وانا معك الى ان تنحل المشكله
الله يوفقك ويسخر زوجك لك وترجعون احلى عرسان وتصير كل ايامكم عسل في عسل
انتظر الي صار عشان اقدر اكمل معاك قلبي
دمتي في رعاية الرحمن وحفظه
اختكـ||شجون الزمنk||
|