رد: انا دكتورة اطفال اكتبى اى مشكلة وانا احلها بجد
انا دكتورة اطفال اكتبى اى مشكلة وانا احلها بجد
سلام غليكم ورحمة الله وبركاته
مشكلة بنتي حيرت كل اللي شافوها
بنتي عمرها الان سنتين و8شهور وللان ماتتكلم بس ماما وبابا ودودو وكمان ماتقول البابا وماما لنا بس لحالها احيانا تبكي لحالها واحيانا تضحك لحالها وديتها المستشفى علشان يسولها تخطيط السمع وطلعت النتجية انه سليمة وبعدها وديتها لدكتورة مخ واعصاب لانه شكينا انه يكون معها مرض التوحد كشفت عليها الدكتورة وقالت سليمة بس ماسوت تخطيط مخ علشانها صغيرة ولما تكمل ثلاث سنوات يسواها وحوالتنا لطبيبة نفسية وهي لما شافتها قالت ماشاء الله طبيعية وسالتنا ايش تسوي في البيت
وراح اقوالك برنامجها اليومي
1 هي متعودة علي الاناشيد من يوم عمرها7 شهور وتقريبا تسمعها للان 24 ساعة وانا اخليها تسمع لانها تطفش وتجلس تبكي
2 ما تلعب لا مع الاطفال ولا بالعب اشترينا العاب تناسب سنها برضه ماتلعب
دائما تجري وتنط وتلعب بادوات المطبخ واغلبها بل كلها تحطها بفمها
3 انا في بيت لحالنا وهي بنتي الوحيد وبيتنا مرة ضيق يعني غرفة صغيرة ومطبخ وحمام وانا مااروح لمكان طول الاسبوع في بيتي واروح يوم لبيتي اهلي
4 انامن طبيعتي احب الكلام بس قصرت بحق بنتي واهملتها وماتكلمت معها طول وقتها تشوف الاناشيد
واخيرا الدكتورة النفسية قالت انه احنا السبب
ونصحتنا ندخلها حضانة علشان تكون مع الاطفال وطبعا دخلنها الحضانة لمدة شهر وبعدها تعبت لانه كان وقتها برد بس حسينا انها تغيرت صارت شوي تلعب وتزعل لما ناخد العابها
ابغى اعرف بنتي للان من ايش تعاني ماتتكلم وكمان الاحظ احيانا انه كانه يجيها صعقات يعني زي الواحد لمايصعق وبعدها كانه بيفقد الوعي هده الحالة تجيها في اليوم2 او3 مرات وكمان ماتفهم ايش نقولها الا لما نرددها كثير
ايش تنصحينا وين نوديها في دكتورة نصحني نوديها مركز تاهيل الشامل
وفي مشكلة ثانية هي انه عندها حكة في منطقة المهبل وفي فتحة وسط تحت الشفرتين وعلى طول تحك اخدنا العلاج وبعدها قالت الدكتورة كان عندها التهاب وراح بس هي للان تحك وهي للان تلبس حفاظة
ومشكلتي الثالثة انه فطمت بنتي من الرضاعة وهي ماتبغى تاكل وزنها خف كثيرا انصحيني حتى الحليب ماتشرب بالمرة
ردي بسرعة يادكتورة :icon_evil:
الله يجزيك خير
|