|
09-06-2011, 06:04 AM | #1 |
:: كاتبة مميزة :: |
مكرونة نجرسكو
نشوح البصله والفلفل و ورق لورا وحبهان وملح وفلفل اسود ورشة بهارات فى حتة زبده ومعلقة زيت وطبعا الزيت علشان الزبده مش تتحرق لحد ما الريحه تطلع وبعدين نضيف شرائح الفراخ ونسيبها لحد ما تستوى .... مش تنسوا تشيلوا ورق اللورا والحبهان بعد التسويه وقبل ما تضيفوها على المكرونه ....الطريقه دى بتدى طعم حلو اوى للفراخ احسن من المسلوقه
ممكن تضيفى مشروم وده حسب الرغبه الفراخ بعد ما أستويت وضيفت المكرونه وطبعا تظبطى الملح والفلفل وضيفى شويةباشميل وتقلبيهم كويس مع الفراخ و المكرونه بس معلش ماصورتش الباشميل كنت مستعجله :) تكونى مجهزه صينيه مدهونه زبده ورشه فيها شوية بقسماط تحطى الأول باشميل وبعدين الفراخ مع المكرونه وبعدين طبقة الباشميل الأخيره وعليها كريمه لبانى أو قشطه اللى يعجبك وممكن جبنه لو بتحبى وتدخليها الفرن ولما الوش يحمر تطفى عليها وبالهنا والشفا طبعا الباشميل لبن ودقيق وزبده وملح وفلفل أنا بعمله من غير بيض وبالهنا والشفا مواضيع ذات صلة |