 |
  |
|
|
|
09-21-2011, 06:32 PM
|
#11 |
|
|
رد: خطيبي مدوخني؟help me
والله طلعتي شطورة, اعجبتني الحركة الخطيرة يلي عملتيها و شكلي رح اتعلمها.....
( آل شو :بعتتها بالغلط هههههههه) هلأ حابة احكيلك شغلات لازم تحطيها حلقة بذانك .....: اول شي ما تتسرعي بالحكم على خطيبك لانو الرجال و الزلام مش زينا و ما بفكروا زينا ابدا...... الرجل من الصعب عليه انو يصرح بكلمة : احبك, زينا احنا البنات, لازم تعرفي انو في فروق بين الرجال و النساء , ( وإذا قدرتي تحصلي على كتاب الرجال من المريخ و النساء من الزهرة فستستفيدي جدا جدا جدا) بالعكس : يمكن بحبك اكتر من حبك الو..... وشغلة مهمه جدا : هناك رجال و شباب بيتربوا بعوائل محافظة, وبكون الشاب طول عمره ما سمع ابوه بيحكي لامه اي كلمة حلوة , ولا حتى كلمة بحبك, للاسف اب او ام زي هيك بيجنوا على اولادهم بشكل سلبي.... ولكن اطمني , بإمكانك انك تغيري خطيبك و يصير زي ما بدك.....بس بدك تصبري, رح احاول افهمك كيف: هلأ انتي لازم تصارحي خطيبك باسلوب راقي هادي دلوع وساحر وكله تغنج انك: بتحبي تسمعي منه و يسمعك الكلام الحلو : زي هيك: حبيبي بدي اصارحك بشغلة مهمه وياريتك تسمعني و تتفهمني ....(وكوني صريحة و مباشرة) انا بحب انك تسمعني كلام الحب و العشق, لاني بحبك و بحب اسمع منك هاد الحكي, لانو البنت ليش بتتزوج, عشان تسمع هيك كلام بالحلال من الانسان يلي حبته بالحلال, لانو مافي احلى من الحلال والله يبعد عنا الحرام, انا بعرف انك مش متعود تحكي هيك كلام مع بنت , لاني بعرف تماما انك مؤدب و خلوق و متدين, واصلا هاد الشي هو يلي حببني فيك اكتر و اكتر , ولو تعرف أديش بحمد الله انو رزقني اياك, ولكن مع هيك بحب انك تحكيلي : يا حبيبتي , يا حياتي يا عمري , يا الله شو بحبك......(صيري انتي علميه شو يحكيلك, ولكن شوي شوي ما تثقلي عليه بالتعليم, لانو رح اكتبلك شو قرأت بالكتاب) : المرأة التي تبوح بمشاعرها تحفز الرجل طبيعيا لكي يتكلم ، ولكن حين يشعر هو أنه مطالب بالتحدث ، يصبح ذهنه فارغا ،ولا يكون لديه ما يقوله، وحتى لو كان لديه ما يقوله فإنه سيقاوم لأنه سيشعر بمطالبتها . مثال حتى تشجع الرجل على الكلام: تقول ماغي ل جيف بداية:هل لك أن تسمعني قليلا؟لقد كان يومي متعبا وأريد أن أتكلم عن ذلك سيجعلني أشعر بتحسن، وبعد أن تتحدث لدقيقتين يمكن أن تتوقف برهة ثم تقول : "إنني أقدر لك حين تنصت لمشاعري ، إنها تعني الكثير بالنسبة لي" هذا التقدير يشجع الرجل لأن يستمع أكثر. كانت س تشتكي دائما من أن زوجها لا يتكلم ،وأقنعت نفسها بأن صمته يجعل المحبة مستحيلة ،وفي الندوة تعلمت أن تبوح بمشاعرها دون أن تتوقع او تطلب من زوجها أن يبادلها ذلك.وبدلا من رفض صمته تعلمت أن تكون ممتنة لذلك وقد جعله ذلك مستمعا أفضل. عندما يشعر الرجل بالإمتنان له لإنصاته ولا يشعر بأنه مرفوض لأنه لا يبوح أكثر،فإنه سيبدأ تدريجيا بالإنفتاح.لكنه أولا يحتاج إلى أن يشعر بأنه مقبول. وفي شغلة مهمه: إذا بدك زوجك يعاملك او يحكيلك شو ما بدك , لازم تبادري انتي بالاول بما تريدين, يعني بدك اياه يحكيلك الحكي الحلو, بادري انتي واثقلي العيار شوي ومرة بعد مرة و انشالله بتعلم الدرس..ههه *كي يحسن الرجل من نفسه يجب أن يشعر بأنه محبوب بأسلوب مقبول،وإلا فسيدافع عن نفسه و يبقى كما هو.الرجال لا يرغبون في أن يحسنهم أحد. سر تفادي المجادلات هو التواصل الودي المليئ بالإحترام.* ولازم تتذكري الفروق بينك و بين خطيبك , وحاولي اعطي فرص اكتر وطولي بالك اكتر....برضو رح اكتبلك من الكتاب شي مهم: *عندما يكون الرجال والنساء قادرين على أن يحترموا إختلافاتهم ويقبلوها،عندئذ تكون الفرصةسانحة ليزدهر الحب بينهم. الحب سحري ويمكن أن يدوم إلى الأبد إذا تذكرنا الفروق بيننا.* وبتمناك حياة سعيدة هنيئة.....ولكن لسه ضايل عندي سر....بتحبي احكيلك اياه ولا خلص بلاش؟؟؟؟هههههههههه |
|
09-21-2011, 09:50 PM
|
#12 |
|
|
رد: خطيبي مدوخني؟help me
السلام عليكم
عندما يكون الرجال والنساء قادرين على أن يحترموا إختلافاتهم ويقبلوها،عندئذ تكون الفرصةسانحة ليزدهر الحب بينهم. الحب سحري ويمكن أن يدوم إلى الأبد إذا تذكرنا الفروق بيننا.* وبتمناك حياة سعيدة هنيئة.....ولكن لسه ضايل عندي سر....بتحبي احكيلك اياه ولا خلص بلاش؟؟؟؟هههههههههه شو هاي ياروجينا وربي انو كلامك عبروجواهر.ححاول احصل الكتاب الي حكيته عنه لاني فعلا بحاجته.كتير من كلامك بينطبق على خطيبي .واحكي يسلمو لاسيرة الحب لانها اول من شجعني ابوح واعبر عن مشاعري.كنت محتارة اسكت ولا شو؟بس بعد الدعم والتفكير اختاريت الطريقة الغير مباشرة.هههههههههه.ماانا لسه بتعلم اكسر حاجز الخجل. بس هلا صار بدي خطة اعمق وادق لاخلي يحكيلي بحبك.انا حسيت انو بيحب اني ابادر الاول كأنو خايف من مشاعري ومنتظر يتأكد مني.حسيته هيك يفكر.,وحسيته بخيل بمشاعره.يعني كيف احكيها,حاسته بيخبي اكثر مما يحكي.وموعارفة يمكن هاد طبع فيه. كمان اكتشفت انو مثل البركان بارد ساعات ويثور ويعصب ساعات.اريد رأيكم بالهشغلة كمان.يعني بنحكي سوى وعادي عين الله علينه وبحكي كلمة لله في الله وهو بيفهما غلط وبيعصب.احكيله مو قصدي فيها ازعلك .بيضوج مني احس. الي بيصير بعدها اني بداخل نفسي ازعل منه لانه بيأخذ عني فكرة غلط واحس انو مو فاهمني.واقرر ابعد عنه لاكلمه ولاافتح نت.هو كمان مابيقصر مابيتنازل وبعد كم يوم بشوفه عادي بيكلمني ولاكأنو اخر مرة معصب مني .وكأنو مسحها من باله ومو صاير شي.شو اعمل؟؟؟؟؟ انا اتصرف طبيعي واخبي حزني بقلبي وبعدين انسى.هلا صارت تتكرر وانا مو عارفة استمر معه هيك ازعل لما يزعل واضحك لما يضحك ؟ولا ازعل منه وأخذ موقف واحكيله اعتذر؟حاسته مو من النوع الي يعتذر؟ولاشو اعمل.؟؟؟ عارفة اثقلت عليكم بس مالي غيركم ياصبايا. |
|
09-21-2011, 11:01 PM
|
#13 | |
|
|
رد: خطيبي مدوخني؟help me
اقتباس:
والله اعلم شكلو خطيبك حساس كتييييير, الحل انك تطولي بالك عليه , ليش؟ لانك اكيد عارفة وسمعتي ان الزوج ما هو إلا طفل كبير , وشوي شوي رح يتغير للاحسن, اهم خطة تتبعيها انو لما تشوفيه عصب و زعل خلص انتي اسكتي و حاولي هدي الوضع , واحكيلو خلص شكلك تعبان , خلص بنحكي بعدين, واحكيها بنبرة صوت مافيها تلميح لاي شي حتى تحسسيه انك زعلانة....لالا خليكي عادية جدا, ولما يسكر الخط هيك بصير يراجع حاله اذا غلط بحقك, واطمني هاد شي طبيعي انو تاني يوم يورجيكي انو الامور تمام ولا كانكم تزاعلتوا , هيك الرجال ....وللاسف الرجال معظمهم وليس كلهم :ما بيعترفوا بالغلط ابدا....شو بدنا نعمل خلص شايفيين حالهم هههههه انتي نفس الشي اذا صار يحكي عادي برضو انتي احكي معه عادي جدا, ولاتفتحي اي مواضيع ..... لبعدين لما تهدا الامور بعد يوم احكيلو باسلوب حلو دلوع عن الاشياء يلي ضايقتك منو بس ما تحاولي تستثيريه ابدا .....وابدا ما تطالبيه انو يعتذرلك لانو زي ما حكيتلك سابقا: رح يقفل مخه ومش رح يتجاوب....هيك الرجال وهيك ربنا خلقهم بدنا نتحمل, واصبري والله بعينك, ودائما صلي صلاة حاجة انو الله يفرجها عليكي ما تحكي مش عارفة شو اعمل, تذكري دائما انو لك رب رحيم دائما استعيني بالله. اصلا السر يلي خبيته إلك رح يكون هو الحل بإذن الله: هاد اعتبريه واجب يومي لازم كل يوم تحافظي عليه وما تتهاوني: كل يوم قبل النوم لازم لازم تقرأي سورة يوسف ....يوميييييييييا وقبل ما تقرأيها احكي هاد الدعاء: اللهم اجعل (اسم خطيبك) يحبني كما احبت زليخة يوسف عليه السلام , وايضا بإمكانك تحكيه لما توصلي للآية يلي فيها: (قد شغفها حبا) , هادي الوصفة حكاها شيخ لبنت شكتله انو الخطاب لما ييجو على بيت اهلها ما بيرجعوا ابدا , وانا اضفتلك الدعاء وانشالله تستفيدي طمنيني شو بصير معك حتى احاول اساعدك انشالله , وهداك الكتاب عنجد كنز ورائع وياريت يكون مع كل زوجين.....يلا شدي حالك بالواجب هههه |
|
|
09-22-2011, 02:13 PM
|
#14 |
|
|
رد: خطيبي مدوخني؟help me
السلام عليكم
كيفك روجينا.انتي حبوبة هوووووووايه.انا قريت سورة يوسف مرتين بنية انو يحبني خطيبي وحاسة في فرق بمشاعره.هو لما قبل مايسافر كنت احسه محتكرني وبس يحب يكون معي.بس هلا هو مو معي رجع للسويد. وحتى لما يعصب مابقدر اشوف شكله لافهم من ملامحه كيف حالته. بس نتكلم موبايل ونت.واحس النت مايوصل مزبوط..صحيح اني مااحاول ابين بس انا اتضايق واصير احس اريد ابعد عنه مع اني اشتاقله كل يوم اكثر ومو عارفة كيف حصبر الشهور الجاية لحين رجوعه.الله يصبرني. بس انتي معك حق اغلب الرجال هيك وحتى بابا يعصب من امي وبعد شوي ينسى .بس بابا يرجع يصالح امي ويعتذر ولو مارضيت يعتذر مية مرة ويتنازل.بس خطيبي ابد مابيتنازل.بفكر يمكن بعد الزواج انشالله اخليه يتغير. رح اطبق نصيحتك واتعامل معه حسب حالة مزاجه لانه بعيد ومو حابة فوق بعد المسافات ازيد بعد المشاعر بينا. وانا بقرء قران ورح اقرء سورة يوسف وادعي بالدعاء الي كتبتيه وادعيلك بالخير كمان.ورح اتغنج واتدلع ههههههههه كله منشان الواجب ومنشان قلبي ........ومنشان قلبه يحني ويحبني .وانشالله ابقى متواصلة معك وبلكي نصير رفقة مع اني اكبر منك ب5سنوات بس باين انو انتي خبرتك اكبر بالحياة الزوجية,ربنا يسعدك. |
|
09-22-2011, 05:53 PM
|
#15 |
|
|
رد: خطيبي مدوخني؟help me
لو تعرفي كيف اكتسبت هذا الجزء البسيط من خبرتي، اكتسبتها من خلال القراءة من النت و هاد الموقع كان أحد المراجع، ولحد الآن بحاول أحصل على كتب او أشرطة أو cd لدكتور اسمه:صلاح صالح الراشد ،لانو سمعت له كلام روعة، بتذكر محاضرة سمعتها على التلفزيون عن أرقى وأسمى وبنفس الوقت أصعب أنواع الحب الذي إذا توفر بين الزوجين فلن تكون بينهم اي مشاكل مستعصية او خطيرة، هذا النوع اسمه:الحب المطلق او الحب غير المشروط، ويعني: ان يحب كلا منهم الآخر لشخصه وذاته وليس أفعاله، مثلا: إذا تصرف خطيبك تصرف يعجبك فأنتي تحبينه،وإذا تصرف بشكل لايعجبك وزعلك،فأنتي أيضا تحبينه،ليش؟ لأنك تحبين الشخص نفسه وليس أفعاله،فأفعاله لاتؤثر على حبك، وطبعا لازم يكون متوفر عندك وعنده ومابينفع يكون عند طرف واحد فقط، حاولي فهمي خطيبك واتفقوا على هاد المفهوم الراقي إلي رح يكون سبب سعادتكم الزوجية.
طبعا اكيد عارفة انو الرجال بختلفوا عن بعض، يعني في النوع السهل متل أبوكي، ونوع صعب بدو طولت بال إنشالله مايكون خطيبك منه، بس بدي أسألك عن نقطة:هل خطيبك بكر بعائلته وأكبر فرد ؟ وعائلة خطيبك بالسويد ولا ببلدك؟ هل حاولت تختلطي معهم حتى تفهمي منهم شخصية زوجك وطباعه؟ إنشالله خير والله يوفقك |
