المشاركة الأصلية كتبت بواسطة روجينا1988

يعطيكي الف عافـــية
بالنسبة لي، انا امانع اني اسكن عند اهل الزوج حتى لو كنت ساكنة بشقة منفصلة و هم بشقة او طابق، فهذا بالنسبة لي مرفوض تماما، وانا ضد رائي من يقول ان الاوضاع الاقتصادية صعبة و الحياة صعبة وبالتالي يسكن الشاب عند اهله، اول شي رح يتعود و يشعر انو لسة جزء من اهله ولسة ساكن عندهم و بالتالي مش حيمانع ابدا ان يتدخل اهله كلهم حتى اصغر فرد بتربية اولاده ، او حتى انهم يصرفو عليه او يدفعو عنه فاتورة الماء او الكهربا وبالتالي كل هاد رح يخليه يضل إتكالي على اهله و مش رح يوصل لمرحلة انو لازم يستقل بنفسه و عائلته، شخصيته رح تضل فيها خلل من ناحية المسؤولية، (طبعا مش كل الشباب هيك)
ثانيا: صحيح الحياة مليانة مشاكل ، ولكن بالنسبة لي رح احاول اغلق الابواب التي تجلب لي المشاكل على قد استطاعتي، واتوقع انو السكن عند اهل الزوج اكبر باب بيجلب المشاكل، حتى لو كل سكان الارض اكدولي انو هدولي الناس ملائكة بكل معنى الكلمة، سيظل هناك تخوف لاني انا نفسي ما عاشرتهم و ما بعرف طباعهم الحقيقية ولا اخلاقهم، والغيرة والحسد موجودين عند كل البشر، بس مش كل البشر عندها عقل و مش كل الناس بيحكوا: ماشالله لما يشوفوا شي حلو او زوجين سعيدين بحياتهم، واغلب الناس ما بيقدروا يمسكوا حالهم عن الحسد وطبعا هطذايؤدي للمشاكل اكيد، فاذا صحتلي فرسة انبي غلق باب الشر ،ليش ما اعمل هيك؟

آسفة طال حديثي، يسلمو غلاتي على الموضوع الرائع