السلام عليكم ورحمة الله وبركاته

والله جزاكم الله كل خير على المنتدى انااستفدت منه كتير

بس حابة افضفض معاكم شوية أنا مخطوبة من سنة ونص

وماكنت حابة خطييبى لانى ماكنت اعرفه بس الحمد لله دلوقتى بموت فيه

وهو كمان بيحبنى جدااااطبعا قابلتنا مشاكل كتير يعنى بسبب الظروف اللى فيها الشباب

والحمد لله المشاكل بدات تتحل بس دلوقتى فى مشكلة بينى وبين خطيبى

هو عاطفى جداااا والحمد لله بس انا شوية واقعية يعنى انا اتعلمت منه الحب

ومشكلتى انى مش بعرف اعبر عن مشاعرى وهو مستغرب لكده حتى انه

بيقولى انه كل حاجة هو عايزها بيطلبها منى اذا كان سؤال عليه او تعبير عن مشاعر

حتى بقينا كل يوم فى زعل يعنى مش بيعدى علينا اسبوع كامل كويسين

هوشايف العيب منى وأنا مش عارفة بقول يمكن بعد زواجنا هقدر اخد راحتى

معاه فى كل حاجة واوقات مش بعرف افتح حوار معاه يعنى بعد الفترة دى اللى مع بعض

وبرده فى اختلاف وجهات نظر حتى انا خايفة ان موضوعنا مش يكمل بسبب كده

اسفة انى طولت عليكم بس انا بنت وحيدة ومالى اخت افضفض معاها وامى مش عايزة

اشيلها هم يارب الاقى عندكم حل لمشكلتى