المشاركة الأصلية كتبت بواسطة ميمي الجميلة

مرحبا الكم جميعا انا حابة فعلا افضفض واحكي مشكلتي وكل الي بيدخلو الموضوع حابة اسمع رايهم بالموضوع

المشكلة هيي باهل زوجي وبزوجي كمان ... انا صارلي متزوجة من خمس شهور تقريبا لما اجو اهلو طلبوني طبعا احنا قدرناهم والوالد ما طلب منهم مهر على اساس انو فكرهم انو لو ماطلب منهم انهم رح يكونو اكرم منا وما رح ينقصو علينا شي ... لكن طلع العكس كان تقصيرهم من البداية طبعا كان مهري اقل من البنات التانيين وما كانو كريمين وحفلة خطبة ما عملولي بحجة انو بنت اختو متوفية صارلها 10 شهور !!!!! كل ما نحاول نفتح موضوع الخطبة يرفضو انهم يعملو خطبة ... حتى الحنة ( السهرة الي قبل العرس بيوم ) ما كانو بدهم يعملولي ياها ولا حتى كانو بدهم يجو عليها لكن اصرينا كتير عليها ومع >لك همي عائلة كتير كبيرة ما اجا منهم غير 3 انفار ومن غير امو رقصو شوي وروحو بحجة انهم كانو عاملين حفلة لابنهم بنفس اليوم .... دايما بحس اهلو مفضلينو علي ولا محسسيني اني صرت فرد بالعائلة همي بعماوني منيح لكن دائما بحاولو يهتمو باخوهم اكتر ويحسسو انو احنا اهلك وما تنسانا ومتل هيك يعني قبل فترة صار موقف بيني وبين امو رحنا عندهم عالبيت وكانو طابخين اكله وقدمت لابنها وانا ما عبرتني وحكت احنا مش حاسبين حسابك هاي المرة يلا المرة الجاي.. انا زعلت من هادا الموقف حسيت متل كاني ما الي قيمة .. طيب ازا ابنكم اهم شي عندكم وابنكم وبس ليش زوجتو ؟؟؟ المهم حضرت زوجي قعد واكل ولا كانو امو حكت ولا عملت اشي بس طلعنا من عندهم صرت ابكي ومع >لك صار يدافع عن اهلو لما شافني بكيت كتير حس بغلطو وراح يحكي مع امو تاني يوم على اسا انو هاد مو موقف وانو لو صار معو هاد الموقف كان زعل كمان ومن هالحكي امو عملت حالها ضغطها مرتفع ومرضت عشان ابنها فاتحها بالموضوع حكت معي بنتها على اسا تفهمني انو سوء تفاهم حكتلها خلص انا بدي يتسكر الموضوع وينتسى ... لما رحنا عندهم المرة الي بعدها مديت ايدي بدي اسلم على امو رفضت تسلم علي قال لازم نحكي بالاول... انا صرت ابكي وانجرحت كتير لكن فعدنا انا وابنها وصارت طلع ببلاوي سودة كانت مخبياها بقلبها علي اشي مزبوط واشي مش مزبوط وابنها ساكت ولا حكا كلمة وحدة حتى في اشياء بيعرف اني مظلومة فيها ومع >لك ما حكا ولا حرف معها انا نصدمت منو هوي قبل منها هيي وعديت المشكلة ورحت صالحتها ...

وبعد بفترة صار في مشاكل بيني وبين زوجي مرة مسكت جوالو لقيت انو باعت رسالة لوحدة بيحكيلها انا مومرتاح بزوجي ورح احكي معك عن قريب ... حكيتلو صار يحلف ويقسم ايمان بالله انو متل اختو وانو كانت تستشيرو بالشغل وهيك اشي حكا معها قدامي صارت تحكي هوي متل اخوي وهوي يحكي هيي متل اختي .. مشيتلو ياها

لكن بعد بفترة كترت المعاكسات على جوالو كل يوم تتصل فيه وحده من جوال شكل ومرة وحده اتصلت فيه وحكتلو انا بحبك حكالها انتي بتحبيني طيب مين انتي وصار يحكي معها انا دايقت منو واخر مرة وحدة اتصلت فيه سماها مجهول لما كشفت انها بنت اتصل عليها وصارت تحكيلو مين انت وهوي يحكيلها مين انتي بعدين غير اسمها لاسم رجال برضو انا كشفتو انا ما بعرف يمكن اكون فاهمة وغلط وانو هوي فعلا ما الو دخل لكن هاد الشيء دايقني كتير اتصلت بابوه وحكيتلو ابنك هيك هيك ... راح هوي ما خلا شي وحكا عني لاهلو هيي بتسب علي هيي كدابة هيي مهملة وانا مش مرتاح معها وهيي كمان ما بتحبكم ... بعد هاد الي صار باسبوعين امو صار معها بداية جلطة اتصلت وحده من خواتو عليه وبتحكيلو انو مرتك هيي السبب وهي السبب بتعاسة امي ورح تموت امي مرتك اجا عالبيت صار يفش غلو فيي .. ومسكت جوالو وشفت الرسائل الي اختو باعتاها بتحكيلو لازم تحرمها من كل شي ولازم تعلمها الادب وبدها ترباية ومش غلط الرجال لو حكا مع نسوان الرجال ما بعيبو .. بعتلها رسالة انو بسببك صارت مشكلة بيني وبينو للسما وانا ما عمري شفت وحده بتحب تخرب بيت اخوها متلك وحسبي الله ونعم الوكيل .... بعتتلي رسائل ما خلتلي فيها كلمة مش منيحة حكتلي انتي مش مربية وانتي مش محترمة وانتي كزابة وانت مهملة وانتي بتغلطي على زوجك وانتي لسانك طويل وايدك طويلة ما خلت كلمة عاطلة وما حكتها علي واخوها شاف كل الرسائل ما حكا معها كلمة وحدة بالعكس مبسوط من الي اختو عملتو ايش رايكم يا جماعة ؟؟؟ هل هاد انسان طبيعي شو العمل معو ومع اهلو ؟ اهلو اكيد لانا ما رح اسامحهم طول حياتي وما يحكيلي المسامح كريم بس بدي ردودكم ورايكم بقصتي

وشكرا الكم