رد: ساعدوني بليز بليز بليز
ساعدوني بليز بليز بليز
يا قلبي اول شي انا انبسطت كتير برسالتك مو لانو وراها مشكلة لا والله لانك غالية وعزية عليا
تاني شي الرسوب بعمرو ما كان لا عيب ولا حرام
اختي اللي اصغر مني بسنتين رسبت بصف اول وكان كتير شخصيتها ضعيفة وما كان الها راي بالمرة
بس ما شاء الله نجحت وعدت الابتدائي وهلا هي صف اول ثانوي ادبي
وتعالي شوفيها شخصيتها قوية وقد حالها وما ينخاف عليها وثقتها بنفسها كتير عالية
وكونت صداقات كتيرة
فلذلك معنى كلامي انو خلي ثقتك بنفسك كبيرة وما تبكي ولا تسالي على حدا باعك بالمرة
حاولي انك تقراي كلمات بترفع من معنوياتك وتزيد ثقتك بنفسك من خلال غوغل مثلا
واقراي كلام تتعلمي منو اساليب لتكوين صداقات ومعارف بين الناس اللي حواليكي
وبخصوص اقاربك حاولي انك تتقربي منهم انتي يعني كوني المبادرة بكل شي
واذا شفتي منهم جفا او نفور اقعدي معاهم وصارحيهم انو ليش عم تعملو معي هالشي؟؟
وانو حركاتهم هاي بتزعجك وتدايقك وهما اكيد رح يفهموكي ويبررولك سبب جفاهم الك
واذا في شي انتي زاعجيتهم في اكيد رح يحكولك يا وان شاء الله تحاولي تصلحي
وبخصوص امك شوفيلك يوم تكون امك مروقة وهادية واقعدي واحكي معها
قوليلها يا ماما هالشي اللي عم تعملي فيا عم يزعجني وتطنيشك الي
وانك تخلي شغل البيت كلو على اختي ولا كاني موجودة كتير بيجرحني واكيد هي رح تفهمك
وحطيها فبالك مافي ام بتكره بنتها ابدا شو ما عملت
يمكن عم تعمل هالشي معك لانك كنتي هاملة حالك بدراستك لهيك رسبتي ولهيك عم تعاملك بهالطريقة لحتى
تحسسك انها مدايقة منك وعليكي ولتحسي انو اختك اللي اكبر منك اشطر منك واحسن لحتى يعطيكي هالشي دافع
وحافز انو تجتهدي اكتر السنة الجاية وتشدي حالك وما ترسبي مرة تانية وتهتمي بدراستك كتير كتير وتكوني متفوقة على زميلاتك
بالمدرسة
بس صدقيني مافي ام بتكره بنتها واسلوبها هاد وتعاملها معك بهالطريقة السلبية ان دل على شيء فهو يدل على حرصها عليكي وعلى مستقبلك وانها بدهاياكي تكوني قد حالك وتهتمي بدروسك اكتر
يمكن هي متحسرة ومزعوجة انو بنتها رسبت وبنات خالاتك نجحوا
فلهيك كوني انتي المباردة واسألي بنات خالاتك ليش يتصرفوا معك هيك
واذا ما لقيتي اي ردة فعل اجابية اتركيهم
وصدقيني السنة الجاية رح تصاحبي صديقات اكتر واحسن منهم ويحبوكي ويهتموا فيكي
اسفة على الاطالة بس عشان احكيلك كل اللي اعرفوا وما ابخل عليكي ولا بكلمة
موفقة يا قلبي واي خدمة انا تحت امرك
مواح
كلامك ريحني يا العسل شكرا حبيبتي مواح الله يخليك
|