ازياء, فساتين سهرة

العودة   ازياء - فساتين سهرة و مكياج و طبخ > الجمال والرشاقة > العناية بالبشرة و الجسم
تسريحات 2013 ذيل الحصان موضة و ازياءازياء فكتوريا بيكهام 2013متاجر ازياء فلانتينو في باريسمكياج العين ماكياج دخاني makeup
العناية بالبشرة و الجسم اميرتك الصغيره راح تكبر وتصير سندريلا الاميره مهم لكل أم يوجد هنا اميرتك الصغيره راح تكبر وتصير سندريلا الاميره مهم لكل أم وصفات خلطات كريمات أقنعة البشرة العناية بالبشرة و خلطات الجسم أنواع البشرة , اسمرار البشرة العناية بالبشرة و الشعر و الجسم خلطات الجمال خلطات طبيعية

فساتين العيد


 
قديم 09-18-2012, 07:06 PM   #1

نوسة الننوسة

:: كاتبة محترفة ::

الملف الشخصي
رقم العضوية: 169408
تاريخ التسجيـل: Jul 2011
مجموع المشاركات: 1,587 

صورة متحركة وجه بنت اميرتك الصغيره راح تكبر وتصير سندريلا الاميره مهم لكل أم


اميرتك الصغيره راح تكبر وتصير سندريلا الاميره مهم لكل أم

السلام عليكم ورحمه الله وبركأته
كيفكم صبآيآ ..


بـ النسبه لـ موضوعي هذا اسمحو لي بختص فيه فئه عزيزه على قلوبنآ
وهي البنات من عمر 8 الى ........


حلم كل بنت ..
بشره موحده لونها واحد ومافيها سولولايت ولافيها خطوط لابيضاء ولا حمراء
بشره صافيه .. كلها لون واحد مافي مناطق غامقه ولا اثار حبوب ولاشي

كثير بنآت لما تكبر ويجي وقت زواجهآ او قبل تنتبه لـ بشرتها ولـ جسمها
وأغلبنآ تمر بـ المرحله هذي قبل فتره الزواج وتزيد همهآ هم ..

طيب يـ بنآت ليش مانصير عرايس بدون عريس

اي وحده عندهآ بنآات أو خوات صغيرات لازم تكون مسوله عنهم وتنبهم لـ اشياء كثييييرهـ ..

الي خلاني أكتب هذا الموضوع .. كنت في اجتماع الويك أند الماضي
وكان فيه وحده ملبسه بنتها فستآن جميل بنتها عمرها 7 سنوات تقريباً ..
المكآن هو استراحه والاطفال رايحين جايين لعب وركض
البنت طاحت وانجرحت في ركبتها !!
انا تعاطفت مع البنت وقلت لـ امها ليش مالبستيها جنز ! اي بنطلون استر لها واحسن
وصرت اتكلم عن البنت والركبه والسواد و اثر الجرح !
توقعو ايش ردت !! قالت تكبر وتدبر نفسها !
انا عصبت !:3::mad::a6
:

ليش نخلي المجهود دبل ! وليش نخلي هذا الشي " حلم " بالنسبه لـ البنت وهو اشياء سهله لو بدينآ من البدايه

في اشياء احس كثييييييييير لازم نعلمها البنات من الصغر من أول ماتدخل المدرسه وتتعلم مسوليتها
والبنات يحبون هذي الاشياء اصلاً ويحسونها شي جميل

"1"

الترطيب الترطيب الترطيب

كلنا ندرك اننا نعيش في بيئه صحراويه وانها ناشفه وتحتاج ترطيب
لازم البنت تتعود انها ترطب نفسها
ومانكتفي هاتي يدك ياماما وتحطي لها لوشن بس لليد
البنت كلها لازم تترطب
يعني عودوها بعد كل شور لازم ترطب كل كل جسمها !
وفي لوشنات وكريمات الاطفال من جونسون جميله وريحتها حلوه وتناسبهم
قبل النوم لازم البنت تتعود تتدهن وتدهن ركبها والاكواع والي تقدر من جسمها قبل ماتلبس البيجاما

هذا الشي مايتعارض ابداً مع براءه البنت وطفولتها ابداً ابداً ..

"2"

البدانه عند البنات الصغار

السلام عليكم ورحمه الله وبركأته كيفكم صبآيآ .. بـ النسبه
هذي المشكله أم المشاكل الي اشوفها الان
يعني كثير نآس يشوفون بناتهم في الابتدائي يوم عن يوم تزيد في وزنها بدون ماينتبهون لـ هذا الشي
طبعاً انا ماراح اقول عن الصحه والامراض و و و
انـا بتكلم بـ المجال الي يهمنآ الان !
الي هـو الشكل ! ع بالكم الصغار مايحسون أن البدانه هذي شي بشع زي مانحس حنـا الكبار
مره في عزيمه شفت بنت لساها بـ اول ابتدائي كل الصغار يرقصون الا هي واقفه عند الباب
قلت لها تعالي ياحلوه ليش ماترقصين مع البنات!
قالت انا دوبا يضحكون علي اذا رقصت !
قطعت قلبي ! بنت صغيره ماتدرك اصلاً وش مسببات السمنه وتحسبها كذا صارت دوبا !
الام تقدر تخلي بنتها تمارس رياضه وطبعاً انها تنحفها بدون رجيم هذا شي سهل
كل ماصار الانسـان اصغر كل ماصار اسهل
يعني تلعبها العاب تخليها ترقص تشتري لها جهاز " وي " هذا الي يتحرك
تنظم لها اكلها بدون ماتحس يعني ماتتكل ع الخدامه أو تدلع بنتها وماتقول لها لا ابداً
والله اي ام بتسوي كذا بتشكرها بنتها شكر مو طبيعي لما تكبر

"3"
الرياضه
الرياضه شي مهم جداً لـ البنت والولد
شي مهم لـ الكبير والصغير
صدقوني لو حنـا تعودنآ نمشي لو نص ساعه بتكون طبع فينـا
يعني لازم البنت تتعود انها تتحرك ..ترقص تلعب تنط ! تسوي اي شي بس لازم تلعب وتتحرك وتمرن نفسها
الرياضه لوحدها تضمن لك جسم متناسق مشدود وبشره حلوه بدون سولولايت ولاغيره
الرياضه صحه
والي يحب اولاده بيخليهم يمارسونها لو تعب هو في البدايه وتعبهم وتألم بس فيها مصلحتهم

"4"

بنتك عروس


عيشي وتعاملي مع بنتك كـ انها تجهز وهي عروس
وكل بنت لازم تتعامل مع نفسها على هذا الاسـاس
وتحت هذا البند بكتب اكثر من جزئيه لاني احترت كيف اقدمها

بعد البلوغ البنت تتغير فيها اشياء كثيره
واهم شي يصير للبنت صدر ! وتتغير اشياء كثيره في حياتها
هنآ دور الام أو الاخت الكبيره انها تختار البرا المناسبه للبنت بدون خجل وتخليها تلبسها بدون ماتحسسها ان هذا شي غلط او عيب وكانه شي عادي
كنت اتذكر بالمتوسط ماشاء الله بنات يدامون معانا بدون مايلبسون بصراحه مع احترامي ماكان المظهر حلو
صح انا عجوز .. وبنات الان اتوقع غير عن وقتي بس قلت اذكرها احتمال
تمارين شد الصدر مهمه وخاصه لو البنت وزنها زايد او صدرها كبير من الله خلقه
هذا راح يعطيها ثقه بالنفس وحتى الي صدرها صغير راح يطلع شكلها غير
كثير امها تقول ماراح افتح بنتي ع هذي الاشياء بس انا ما اشوف فيها شي يعني اذا طرحت بـ طريقه ذكيه
انا مره قريت ان البنت اذا مالبست برا يسبب ارتخاء الصدر بس ما ادري


الشي الثاني
الشعر بعد البلوغ .. كلنـا نعرف ان البنت تحتاج انها تشيل الشعر من جسمها عند البلوغ سواء الظاهر للعين أو لا
يعني لازم الام تعلم بنتها الطريقه الصحيحه كيف تشيل الشعر من المناطق كلها وتعلمها اهميه النظافه وان هذا الشي مافيه حياء وان هذا راح يحميها من الالتهابات
انا ما ادري ليه حنا نستحي لو يموتنا االالتهاب والافرازات مانقول لـ اهلنا شي ونسكت لحد ماربي اااخ بس
بنات عودو خواتكم الصغار او بناتكم ع الصراحه معكم وعادي
ترا الالتهابات تسبب العقم الله يحمي الجميع
وكمان تسبب سواء للمنطقه وع طاري المنطقه
يمدحون الشورتات القطن احسن من الاشياء الثانيه وخاصه اذا مو وقت البيريود
وع طاري البيريود النظافه وقت البيريود وكيف تهتم بنفسها من اول يوم شي مهم البنت تعرفه
حتى اهتمامها بنظافه المنطقه من أول البلوغ شي مهم أنها تتشطف بـ مويا وملح وكذا
خلوكم معاهم صريحين و واضحين بـ كلام يناسب بنات لساتهم بالغين
يعني ما اقول تكلم بـ زياده ولكن لازم البنت تدرك انها محتاجه تراعي نفسها عشان ماتدفع الفاتوره بعدين


"5"
الاسنان


الاسنـان عند البنات مررررررره مهمه
ولازم الام أو الاخت الكبيره تعود البنت ع العنايه بـ اسنانها بشكل منتظم
تفريش بـ الفرشه والتنظيف بـ الخيط وكل هذي الاشياء
زياره الطبيب لـ التنظيف ولو تحتاج تقويم تتعالج من بدري
الابتسـامه تعطي البنت انوثه اكثر كل ماصارت اجمل



"6"
حب الشباب


في فتره المراهقه كثير بنات تعاني وتستمر تعاني من الحبوب
حلاتها أول بـ اول تعالجها وتهتم بـ نفسها وبشرتها
وتقول انا محتاجه بشرتي حلوه عشـان مكياجي يطلع حلو
عشـان بشرتي تعرف الناس انا اي بنت وكيف مهتمه بـ نفسي


بـ اختصار بـ الموضوع السريع السريع هذا الي خطر ع بالي
وحسيت من زمان ودي اقول لكل أم أو اخت كبيره مسؤوله عن بنات
هي صغيره ماتدرك زي ماكنـا حنـا ماندرك ابداً ان هذي الاشياء راح تسبب لنا مشكله بعدين
وصارت هاجسنـا وصارت البنت خلطات وتتبهذل وتتخسر وعلاجات وكل شي
عشـان تعوض اهمال سنين ماكانت حاسه

اتمنى الموضوع يعجبكم ويلاقي صدى في بيوتكم
واذا كان اقل من المطلوب العذر والسموحه


بنات أنالقيت الموضوع في منتدى تاني وصراحة أعجبني وحسيتو في الصميم..أتمنى تستفيدو منو.
أخنكم:نوسة.:11_1_209[1]:

مواضيع ذات صلة
كولكشن شتوى مميز لكل امرأة تحب الشياكة
الطريق الى النجاح ..*
تحصين الأطفال
لحظة من فضلكِ عروستنا الحلوة
تسريحات عرايس لكل الأذواق
رسالة مهمه لكل من تعرف دمعة غموض
بعض الحريم لازم يمشوا علي الموضه مهما كلف الامر
وصفه مذهله لتعطير وتفتيح الأماكن الحساسه بدون أضرار
صناعة الغضب , مهم لكل مسلم
البوتوكس و الفيللر- حقن التعبئة وسائل الشد بدون جراحة
زيادات لا أصل لها في أدعية مأثوره معلومات مهمة لكل مسلم
نصائح مهمة لكل إمرأة-----



 
قديم 09-19-2012, 12:11 AM   #2

~دقات قلب~


رد: اميرتك الصغيره راح تكبر وتصير سندريلا الاميره مهم لكل أم


اميرتك الصغيره راح تكبر وتصير سندريلا الاميره مهم لكل أم

يعطيك العافية

 
قديم 09-20-2012, 08:14 PM   #3

بيسان وبس


فراشة تطير رد اميرتك الصغيره راح تكبر وتصير سندريلا الاميره مهم لكل أم


اميرتك الصغيره راح تكبر وتصير سندريلا الاميره مهم لكل أم

مشكوررره
حبيبتي

 
قديم 09-20-2012, 10:37 PM   #4

ابرار


رد: اميرتك الصغيره راح تكبر وتصير سندريلا الاميره مهم لكل أم


اميرتك الصغيره راح تكبر وتصير سندريلا الاميره مهم لكل أم

مشكورة ياقلبي

 

أدوات الموضوع



الساعة الآن توقيت السعودية الرياض و الدمام و القصيم و جدة 09:12 AM.

 

Powered by vBulletin® Copyright ©2000 - 2020,
vBulletin Optimisation provided by vB Optimise (Pro) - vBulletin Mods & Addons Copyright © 2020 DragonByte Technologies Ltd. يمنع انتهاك أي حقوق فكرية علماً أن جميع مايكتب هنا يمثل كاتبه وباسماء مستعارة ولمراسلة الإدارة يمكنكم استخدام الإتصال بنا
Search Engine Optimization by vBSEO 3.6.0