الحاجات الاساسية الى تساعد على ان الشعر يكون حلو وتساعد على تطويلة ومنع تقصفه
بصى بقى يا سيتى

الشعر عامل زى النبات يعنى النبات لما تهتمى بيه كويس وتعطيه مية وتبقى حنينه عليه اكيد حيطول اسرع الشعر كده

1- استخدمى مشط خشب لتمشيط الشعر وسرحيه بشويش وحنيه ودللى شعرك
2- بلاش العنف مع شعرك يعنى لما يكون متكعبل ولا حاجة سلكية بشويش وواحدة واحدة
3- قومى بتغذيتة بحمامات الكريم
4- تجنبى الماء الساخن والبخار للشعر يعنى الحمام بيبقى فيه بخار لما تفتحى المية السخنه لو حتغسلى جسمك فقط حتضعى على شعرك اى ايشارب وتغسلى جسمك عادى
5- لفى شعرك دوامة بس متشدهاش جامد
6- بلاش لو لميتى شعرك تشدى جامد من قدام عشان من اسباب انه من قدام يتنحل ده السبب الرئيسى

7- الحاجة المهمة المساج لفروة الرأس
بس ممكن تعملى المساج فى الايام العادية لفروة راسك عادى

8- اقلبى راسك للامام وسرحى شعرك من الحاجات الاساسية فى ان الدورة الدموية تجرى فى فروة الرأس

-القواعد الأساسيه والرئيسيه قبل عمل الماسكات وأثنائها وبعدها هذه القواعد لو اتبعتيها بنفس الخطوات نأتى بنتيجه طيبه ومذهله وهى كالأتى:
1-قبل اى عمل ماسك ايا كان للبشره او الشعر او الجسم لابد من اخذ شاور عشان المسام تتفتح للمنطقه التى تريدين الأعتناء بها ومن خلال فتح المسام المنطقه حتستفيد من عمل الماسك لها لأنها تكون نظيفه وزى الفل فبتالى حتجيب النتيجه المرجوه
توجد بعض الأخطاء التى نقوم بها قبل عمل
الماسك لابد ان نتجنبها وهى:
-فى بنات بتيجى من الخروجة وتقول لنفسها قبل ما اخذ الشاور اضع الماسك على المنطقه التى اريد الأعتناء بها وبعدها ادخل اخذ شاور ده اكبر خطأ فادح عشان المنطقه التى تريدين الاعتناء بها مش حتستفيد وحنقول فى الأخر بنعمل الماسك ومش بيجيب اى نتيجه بس الاسلوب الخاطىء الذى نتبعه قبل عمل الماسك السبب هو ايا كان الشعر او البشره او الجسم يكون ملىء بالأتربه والعرق التى تسد المسام يجب من الحصول على جسم وبشره وشعر نظيف وزى الفل

- المساج : كلنا حنستغرب مساج ؟؟ اه مساج فايدته يريح الجسم وكانه زى الاسترخاء ويكون بشكل دائرى وبأطراف الأصابع لانه كمان غير انه بيريح ويعمل كأن زى استرخاء وهدوء الأعصاب ويجدد الدوزرة الدمويه للجسم وللشعر لكل منطقه تعملى ليها المساج ،والمساج بيتعمل أثناء الماسك وبعده بس خدوا قاعده عامه قبل النوم لازم نضع كريم مرطب لليدين والارجل ونضع على الارجل شراب قبل النوم عشان المرطب مش يتمسح فالسرير واول ما نستيقظ نخلع هذا الشراب حنلاقى بشره الارجل ناعمه وحلوه

نعمل كده يوميا قبل النوم بس احنا بنستخدم الكريم المرطب بطريقه غير سليمه وغير مفيده وهى نضع الكريم من غير عمل مساج (تدليك) للمنطقه التى بها المرطب احنا حنقول دلوقتى الطريقه الصحيحه لوضع المرطب بحيث ياتى بنتيجه حسنه ونستفيد بردوا بتجديد الدوره الدمويه ،الطريقه هى :
- عند وضع المرطب على اليد او الأرجل او البشره نقوم بالمساج ويكون دائرى وبأطراف الأصابع لمده دقيقه
-واحنا بنعمل مساج للوجه بأطراف الاصابع بنيجى عند جزء ومش بنعرف نتبع معاه الطريقه السليمه للمساج فيه وهو منطقه الذقن بنعمل طبعا مساج للوجه كله بطريقه دائريه وبأطراف الأصابع وبنيجى عند منطقه الذقن واللغد المساج من تحت لفوق فيها يعنى تبدئى من نحيه زورك وتنتهى عند الذقن
- يوجد مساج للاظافر كمان حنستغرب هل الأظافر ليها مساج ؟؟؟ الاجابة نعم
ازاى عمل مساج للاظافر ؟؟؟
- بتيجى من عند بدايه الظفر وتعملي ليه مساج بطريقه دائريه بالطول ومن الجانبين والمنطقه بدايه الظفر بتعملى ليها مساج كمان اللى هى (بيبقى فيها الجلد الزائد ) وحنتعلم فى حلقات قادمه كيفيه ازاله الجلد الزائد فى جزء كيفيه تعليم الباديكير وتعمليه لنفسك فى البيت من غير الذهاب لاى كوافير ، وكمان حنتعلم فيه كيفيه وضع المانيكير بطريقه صحيحه و احيانا المانيكير حتى لو ماركته غاليه بيجعل الاظافر كأنها مصبوغه من المانكير وكمان لونها اصفر ومش لطيف

امتى نعمل مساج الأظافر ؟؟
فى حالتين هما:
1- عند وضع المرطب على اليد نعمل مساج على كف اليد والأصابع وبنيجى عند الظفر نعمله مساج بالطريقه السابقه
2- عند عمل سكرب(ماسك) لليدين وحنقول وصفته فيما بعد باذن الله ليجعل اليدين ناعمه والأظافر طويله ولون كف اليدين فاتح وتوحيد اللون بين كف اليدين والذراع عشان دى مشكله عندنا كلنا وحنقول كمان فيما بعد كيفيه الوقايه كف اليد من الاسمرار واللون الغامق بعد ان وصلنا لتوحيد اللون بين كف اليد والذراع
لازم تعرفوا معلومه مهمه جداا عن المساج وهى :
- لكل منطقه فى جسمنا لازم يتعمل ليها مساج والمناطق دى هى:
(فروه الراس، اليدين والأرجل والأظافر ، الجسم كله ، البشرة )
3- عند وضع المرطب للارجل على كف الرجل والكعب والكاحلين
4- عند عمل باديكير للارجل
ازاى نعمل المساج للارجل وكعب الرجل ليكون لونه روز وجميل الطريقه هى:
- نضع ايدينا على كف الرجل ونعمل له مساج بشكل دائرى ونيجى نحيه الكعب والرجل من تحت المساج دائرى والكاحلين
- مساج الجسم : نعمل للجسم كله مساج وبشكل دائرى وبنيجى عند الرقبه نعملها مساج بس برفق عشان منطقه رقيقه
- مساج لفروة الرأس : بأطراف الاصابع يكون هذا المساج ويعمل على تجديد الدوره الدمويه لفروه الرأس وتنشيط بصيلات الشعر مما يساعد الشعر على النمو وتقليل تساقطه وبيكون مساج فروه الراس عند وضع حمام كريم او عمل اى وصفه من الوصفات اللى حنقولها باذن الله للشعر وعند تمشيطه
حنفكر تانى الطريقه الصحيحه للمساج و مده المساج قد ايه ؟؟
- الطريقه الصحيحة للمساج هى : بشكل دائرى وبأطراف الأصابع
- مدته حوالى دقيقه

10-بعد ما بناخد الشاور بنشف شعرنا باسلوب خاطىء وهو نمسك الفوطه ونشف الشعر من تحت وكأن احنا بنفرك الشعر( الحكه) هذا اسلوب خاطىءلانه يجعل الشعره تتقصف وتنقسم لنصفين نتيجه لتوليد شحنة الكهرباء فالاسلوب الصحيح لتنشيف الشعر بالفوطه نمسك الشعر بالفوطه وكأن احنا بنطبطب ع الشعر

11- واحنا بنسرح شعرنا بنتبع الاسلوب الخاطىء نسرح الشعر وهو مبلول ومن فوق لتحت بنسرحه ده غلط الاسلوب الصحيح ننتظر بعد ما الشعر يكون مندى شوية من الماء وبنسرحه من تحت لفوق بدايه من الأطراف الى فروه الراس من فوق هذه الطريقه تمنع تساقط الشعر ومنع تقصفه
12- تقصى اطراف شعرك كل 6 شهور عشان لو فى الاطراف تقصف يروح على طول
13- لازم تسرحى شعرك يوميا لان تسريح الشعر بيجرى الدورة الدموية للشعر وللاسف فى بنات بتقعد بالشهور مش بتسرح شعرها للاسف

حمامات الزيوت لما بتضعيها عالشعر بتعانى من تقصف الشعر حببتى فضعيها عفروة الرأس فقط لان المهم ان الفروة الرأس تتغذى بالزيوت وليس الشعر عن تجربة شخصية انا بستخدم لشعرى وصفة معينة لتطويل الشعر بس كنت بضع منها عالفروة والشعر وشعرى طول كتير الحمد لله وفيه فرق شاسع والله بس انا قررت لما اجى استخدمها بعد كده اضعها عالفروة فقط لانى لاحظت ان شعرى من فوق اتقصف ومكنش مقصف قبل كده خالص عشان قبل كده كنت بستخدم زيت خروع ولوز حلو عالفرو ة فقط ومكنش مقصف وكان طرى وناعم وحلو ومش هايش لما جيت استخدمت وصفة تطويل الشعر دى عشان وضعت على الفروة و شعرى الزيت فشعرى من فوق بقى مقصف فقط شوية مش كتير قولت بعد كده حضع الزيوت لتطويل الشعر الى انا بستخدمها او اى حاجة فيها زيوت لشعرى حضعها عالفرو ة فقط وليس الشعر واعالج شعرى بحمامات كريم لانى انا متعودة كل ما اغسل شعرى اعمله حمامات كريم ولتغذيته بعمله زيوت معينة لتطويل الشعر وطول فرق كبير جدا ومبسوطة كتييييييييير الحمد لله والقوصة طولت بقت لغاية رقبتى وعدت بشوية ما شاء الله الحمد لله هههههه فدى نصيحتى ليكى اى زيوت ضعيها عالفرو ةفقط لان الزيوت لو وضعت على الشعر بتقصف الشعرة الشعرة بتتقصف يعنى ايه يعنى بتتقسم لنصين فحمامات الزيوت عفروة فقط وتستخدمى لشعرك كريمات للشعر مع حمام كريم للشعر حببتى فقط ولتغذية الشعر ضعى عالفروة لو وصفة فيها زيوت مثلا ضعيها عالفروة فقط واتمنى تكونوا فهمتوا قصدى

+
الشعر العادى والجاف نستخدم له حمامات كريم لتغذية وتطرية الشعر و زيوت لتغذية الشعر بس عند استخدام الزيوت لشعرك لعمل حمام زيت لشعرك بالطريقة اللى قولتها اللى هى النصيحة عن تجربة شخصية
واستخدام كريم للشعر وليس زيت للشعر لان الزيت عند تعرضه للشمس حتى لو لابسه طرحة بيعمل على تقصف الشعر فعليكى استخدام كريم للشعر فقط

الشعر الدهنى نستخدم له حمامات كريم للشعر فقط و كريم للشعر او اى وصفة خالية تماما من الزيوت لان الشعر الدهنى فروته بتفرز دهون فلما تيجى تزودى نسبة الدهون فيه حيكون لديكى قشرة

والله لو اتبعتى النصائح دى حتلاقى شعرك مش مقصف وطرى ومش هايش

الحل الاكيد لتقصف الشعر استخدام القـــــهــــوة
التقصف حيروح مع تكرار استخدام القهوة حيروح بالتدريج وليس من المرة الاولى
منقوووول