ازياء, فساتين سهرة

العودة   ازياء - فساتين سهرة و مكياج و طبخ > الطبخ > اطباق رئيسية و اكلات سريعة > الإتكيت و التجارب و النصائح المنزلية
تسريحات 2013 ذيل الحصان موضة و ازياءازياء فكتوريا بيكهام 2013متاجر ازياء فلانتينو في باريسمكياج العين ماكياج دخاني makeup
الإتكيت و التجارب و النصائح المنزلية ازى اتعامل مع الاب والام يوجد هنا ازى اتعامل مع الاب والام الضيافة والإتيكيت طريقة اتكيت استقبال الضيوف و تحضير الطعام و نصائح عن عن المنزل و العناية بالمنزل

فساتين العيد


 
قديم 11-06-2013, 03:07 PM   #1

ضوء فى نهاية النفق

وعجلت اليك ربى لترضى

الملف الشخصي
رقم العضوية: 234985
تاريخ التسجيـل: Oct 2013
مجموع المشاركات: 2,152 

ازى اتعامل مع الاب والام


ازى اتعامل مع الاب والام

الموضوع النهارده بيقول اتيكت التعامل مع اهم شخصيه بحياتك لالا طبعا مش الزوج ولا الحبيب لا
الشخصيه دى هى " الأم والأب" طبعا هو فى اهم منهم طبعا كلكوا هتقولولى ما احنا بنعاملهم كويس وبارين بالوالدين زى ما الدين بيقول هقولك مش قصدى كده انا قصدى لو انت خارجه مع حد منهم او بتزوروا ناس او فى اى مكان بره هتتصرفى معاهم ازاى !!!!!!!!! فكرى كده شويه ياترى بتعملى كل حاجه من اللى هقول عليها والله لو بتعمليها خير وبركه ولو لا جربى اعمليها هتفرق معاكى كتيير وهتخلى الكل يحترمك ويقدرك
بس الاول نتفق انك لما تعمليها برضه تكون نيتك ارضاء االه وطاعه الوالدين
وحتى لو والدك والدتك صغيرين فى السن وانت شايفه انهم يقدروا يعملوها لوحدهم برضه بتفرق معاهم
1 - جربنتى تفتحى باب العربيه ليهم او باب التاكسى او تركبيهم الاول فى المواصلات مش تطلعى انت وتسبيهم وممكن يكونوا بيتسندوا عشان يطلعوا .
2 - جربتى تنظفى سورى " الشوز " بتاعهم وتلمعيه حتى من باليل عشان يروحوا بيه الشغل نظيف وتكونى فخوره بيهم
3- جربتى وانتوا خارجين تظبتى لبس والدتك الاول وتشوفى ايه محتاج مكواه وكذلك لبابا وكمان تظبتى ايشارب ماما وهى بتلبسه وممكن تلبسيهولها وتحطى الدبابيس
4 - جربتى تفكريهم بمواعيد دواهم بس مش بصوت عالى لو فى ناس لالالا براحه تقوليهم ماما حبيبتى اخدتى دواكى النهارده
5- جربتى تبوسى ايدهم كل يوم ولو انت جايه من بره وفى ضيوف او بقالك كام يوم ما شوفتيهومش وشوفتيهم قدام الناس اوعى تقولى هتكسف لالالا دول طريقنا للجنه تسلمى وتبوسيهم فى الخد والرأس أو اليد كما تحبى
6- جربتى تفكريهم بالحاجات الضروريه اللى بيعملوها كل يوم او كل اسبوع او كل شهر خصوصا لو سنهم كبير لانهم بينسوا
7- جربتى لو ماشين فى الشارع تستديهم وتقوليلهم حاسب بلاش من هنا فى طوب او مياه بس بالراحه تقولى ممكن نيجى كده عشان كذا يا بابا او يا ماما
8 - كل الكبار نضرهم ضعيف حاولى لو شوفتيهم بيدوروا على حاجه ساعديهم وخصوصا لو ورق وطولى بالك لان الكبار خلقهم ضيق
9- وانت ماشيه فى الشارع بسرعه تقريلهم الاسعار او اليافته لو هما بيدورا على شئ
10- كتير منهم مش بيفهم فى التكنولوجيا فلو حد من الموجودين بيتكلم فى حاجه فوق مستواهم حاولى تقلبى الكلام وتقولى يعنى حضرتك تقصد كذا كذ بمفهوم بسيط او بعد ما يوقف كلام براحه تقوليلهم هو قصده كذا كذا او دا جهاز بيعمل كذا بمفهوم بسيط
11- الموبايل ودنك دايما تبقى على موبايلاتهم لانهم ممكن يطنشوها ومش يسمعوها وكمان لو حد بيقولهم سجلى رقمى طبعا عشان النظر او عشان نعفيه من الحرج انه يقول مش بعرف نقول احنا عنك انت وتقومى بالمهمه ودايما تكونى متابعه موبايلتهم فى البيت تشحنيها كهرباء وكمان لما تجيبوا كارت الشحن تدخله انت عشان نظرهم
12- تطولى بالك على طلباتهم سواء فى البيت او الشارع وتملى كلمه حاضر تريح حتى لو مش هتعملى الحاجه دى
13- حاولى لو انت بتقرى او داخله على النت تشاركى والدتك وتقولى تصورى يا ماما الكتاب ده بيحكى عن ......... باسلو تفهمه وكذلك النت قوليلها بصى تعالى شوفى حضرتك فى ايه هنا او بيقول ايه وتفهميها بهدوء
14- لو بتتفرجى على فيلم او مسلسل حاولى انك تحكيلها اللى فاتها وتشاركيها معاكى لان الناس الكبار ممكن يناموا او يسرحوا ومالهمش طوله بال وكمان عشان متقعديش تقولى بيزهقونى وكل شويه يقولولى انت بتعملى ايه وايه القرف اللى انت مشغوله بيه عننا
15- لو بيستحموا دايما تتاكدى ان فى مياه مناسبه ليهم وكمان تخبطى عليهم بعد شويه وتقوليهم محتاجين حاجه لان لا قدر الله ممكن الضغط او السكر يعلى او يوطى فجاه
16- لو بتشتغلى عودى نفسك كل يوم تكلمى مامتك و باباكى على التليفون سواء البيت او موبايل وتقوليلهم بس بطمئن عليكوا مش " كل مره تتكلمى تبقى عاوزه حاجه وخلاص"
17- لو كنتوا فى زياره لناس والشوز بتاع اى من والديكى مش واضح لهم قربيه بكل ذوق منهم مش تهتمى انك تظبطى هدومك ولبسك قبل ما تنزلى وخلاص
18- لو حد منهم زعقلك قدام الناس او صوته عالى عليكى تعاملى بكل هدوء برضه وافتكرى " ولا تنهرهما " وبعد ما تروحوا بكل هدوء تقولى انا عارفه انى ممكن اكون غلطت بس ياريت يكون الزعيق فى البيت بلاش احراج قدام الناس ولو الناس حواليكى لقيتهم بيبصولك ويقولك معلش قولهم عادى انا مش مضايقه ماما او بابا برضه تلاقيهم تعبانين او متعصبين شويه بتحصل كتيير وهونى عليكى الموضوع مش تتعصبى وتتنرفزى وتقولى هما على طول كده هما هما ............... مخضوضة متبصوليش كده بتعملى كده ولا ايه فينا كتير بيعملوا كده
19- لو كنتوا بتاكلوا بره معزومين يعنى او فى مطعم خدى بالك هما مرتاحين فى اماكنهم ولا لا واذا لا ممكن بروحك اللطيفه تقولى تبدلى معايا اصلى مكانك احلى ولو عند ناس ومحتاجين طبق او ملح تقومى وتطلبيه انتى من صاحبه البيت بدل ما يتحرجوا وميعرفوش ياكلوا
20- جربى لو ناموا قبلك او حتى ريحوا الظهر تغطيهم او توطى التليفزيون وتخليهم يناموا فى هدوء ومش كل شويه تصحى ماما تساليها على اى حاجه واهو قلق والسلام ما اهو اصلهم مش بيسبونى انام
21- لو والديكى كبار فى السن افتكرى دايما ان مكبرهم كمصغرهم
يعنى بينسوا كتير متعديش تاوحى بقى قدام الناس انا قلتلكم كذا انتوا نسيتوا لالالالالالالالا الفتوكه الجميله تقول اكيد حضرتك مش واخده بالك افكرك بكذا كذا وبراحه هيعدى الموضوع
22- جربتى تفتكرى موعد البرامج المفضله لديهم وتفتحى عليها مش كل يوم الخناقه على الريموت ولا انا عاوزه اتفرج على دا وانتوا طول اليوم بتتفرجوا والاكلام اللى الواحد بيسمعوا كتير من البنات
ودلوقتى لو تجربى الكلام ده وتشوف الحياه هتتغير ازاى بدعوه حلوه منهم كل يوم وكل دقيقه خليهم يقولوا انك فعلا اتغيرتى كتير مننا بيقول عاوز اغير حياتى بس مش عارف ابدا منين لتكن دى البدايه يلا بينا نجرب ونتغير

الموضوع النهارده بيقول اتيكت التعامل مع اهم شخصيه بحياتك لالاالموضوع النهارده بيقول اتيكت التعامل مع اهم شخصيه بحياتك لالاالموضوع النهارده بيقول اتيكت التعامل مع اهم شخصيه بحياتك لالاالموضوع النهارده بيقول اتيكت التعامل مع اهم شخصيه بحياتك لالاالموضوع النهارده بيقول اتيكت التعامل مع اهم شخصيه بحياتك لالا الموضوع النهارده بيقول اتيكت التعامل مع اهم شخصيه بحياتك لالاالموضوع النهارده بيقول اتيكت التعامل مع اهم شخصيه بحياتك لالاالموضوع النهارده بيقول اتيكت التعامل مع اهم شخصيه بحياتك لالاالموضوع النهارده بيقول اتيكت التعامل مع اهم شخصيه بحياتك لالاالموضوع النهارده بيقول اتيكت التعامل مع اهم شخصيه بحياتك لالا

مواضيع ذات صلة
مجموعة ريم عكرا لصيف 2014 تصاميم الابداع والاناقة
الابيض لجمال سفرتك
أناقة بنطلون الجنز الابيض
ضيف الخير يطرق الابواب فكيف يكون الاستقبال؟
عجائب الابتسامة
خلطة لتحصلي على كونسيلر طبيعي يغطي الهالات السوداء!
كل الناس كاسدون إلا واحد
الاسد الابيض
الأعمال الثلاثة التي لا تدخل الموازين يوم القيامة
للعرايس والباحثات عن البياض الثابت خلطة بياض للجسم والاماكن تغنيك عن المكياج من تجربتي
اللهم إغفر للمؤمنين والمؤمنات الاحياء منهم والاموات



 
قديم 11-06-2013, 03:08 PM   #2

ضوء فى نهاية النفق


رد: ازى اتعامل مع الاب والام


ازى اتعامل مع الاب والام

يارب ينال رضاكم

 

أدوات الموضوع



الساعة الآن توقيت السعودية الرياض و الدمام و القصيم و جدة 06:02 PM.

 

Powered by vBulletin® Copyright ©2000 - 2019,
vBulletin Optimisation provided by vB Optimise (Pro) - vBulletin Mods & Addons Copyright © 2019 DragonByte Technologies Ltd. يمنع انتهاك أي حقوق فكرية علماً أن جميع مايكتب هنا يمثل كاتبه وباسماء مستعارة ولمراسلة الإدارة يمكنكم استخدام الإتصال بنا
Search Engine Optimization by vBSEO 3.6.0