مجرد اسم عقد حياتي
مجرد اسم عقد حياتي
مشكلتي تعبت و أنا أتهرب منها و أبي أحد يساعدني أتخلص منها
صديقتي عندها 2 اخوان أكبر منها و هي كانت تسولف عن كل العتيلة قبل عادي و طبيعي بس في فترة
حسيت انها تخص الكلام باخوها الكبير و تقريبا ماكو سالفة ما يكون موجود فيها
أول كان عادي و كنت أحسب لأنها وايد مع اخوها و جذي بس بعدين قمت أحس بشعور غريب
مادري شلون أوصفه أول ما ينطرى اسمه أحس يجيني مغص و يدي ترتجف مادري
بس ما أبي أفسره انه يكون حب ﻷني مابي أحبه بس اهو غلبني وصار يمتلك كل تفكيري مايمر علي يوم
ما فكرت فيه لما حسيت بعمري قمت أدورلي أي شي عشان ما أفكر فيه _أخاف أحبه_ بس اللي عقدني
اني كل ما لقيت مخرج من أفكاري تجي صديقتي و تردلي ياها
يعني مره وصلت لدرجة اني أفكر لو تزوجته شلون بتكون حياتنا و حاولت أسكت نفسي عشان ما أنجرف بتفكير
و قلت ويع اخوها معقد حتى شغل يمكن مايخلي اخته تشتغل و تفاجأت بنفس اليوم انه صديقتي تأكدلي العكس
لا و بعد نفس ميولي نفس الشغله اللي ابي أشتغلها نفس التخصص كل شي نفسي
و من بعدها قلت أنا خلاص المفروض ما أكر فيه وايد و أسكت و أعيش حياتي طبيعي بس ماقدرت و اللي زاد الطين بله
انه صديقتي مره كانت تسولفلي عنه و قالت انه اخوانها قايليلها انه تدورلهم على بنات _لا تفهمون غلط اخوان صديقتي حدا محترمين_
احنا كنا باخر سنه متوسط فكانوا ما يبون يتزوجون من العايلة و قالوا حق اختهم اللي اهي صديقتي ادورلهم على بنات تعرفهم و تثق بأخلاقهم
ونفس المواصفات اللي يبونها عشان يحجزونهم _يخطبونهم مبجر _ انا يوم قالتلي هالشي انصدمت و حسيت بتوتر فظييييع و قمت أضحك عشان ما أبين لحد
وقلتلها يحليلج تخيلي تصيرين خطابه .
اااااااخ بنات تكفون ساعدوني ابي أتخلص من التفكير فيه ما ابي افكر تعبت اخاف أحبه و مايكون من نصيبي
وانا انسانه حيييييل عاطفية فان تعلقت فيه صعب اني انساه بسهوله .
والمصيبة اني عمري ماشفته بعد !!!
|