|
03-23-2014, 12:14 PM | #1 |
:: كاتبة جديدة :: |
تكفون تعبت من اهل زوجي
انا متزوجة من سنه ونص وقاعدة في نفس البيت مع اهل زوجي بس لي جناحي الخاص يعني غرفه وصاله ومطبخ وحمام لحالي ..عندي بابين باب خروج رئيسي لحالي والباب الثاني موصل لعندهم بحكم انو احنا في نفس البيت..في السنه الاولى من الزواج كان مافينا شي صح لهم حركات بس انا اطنش وهم اصلا دايم يحشون فيني من وراي بس انا ماكنت الا في الاخير..بدت المشاكل لماتزوجوا اخوان زوجي ...انا كنت عند اهلي مسافرة عندي امتحانات بالجامعه وكمان حملت وسقطت عند امي ولا حد رفع سماعه التلفون قال بيسال عليا..المهم وحدة من زوجات عيالهم الجداد مالها جناح معاها بس غرفه وقريبه من باب جناحي..ام زوجي استغلت عدم وجودي وطلبت من زوجي اني يسوي لباب جناحي قفل من عندهم بحجة انو زوجة ابنهم تستحي مررررة وانها تخاف تطلع من غرفتها ليكون زوجي موجود لانو عندنا مانظهر على اخوان الزوج ولما تتحب تطلع من غرفتها تسكر عليينا جناحنا من برا ...بحيث ما نقدر ننزل...انا ماكنت ادري الا لما اتصل علي زوجي وهو معصب انو يسكرو عليه الجناح 24 ساعه وماحد يفتحله...انا قولتله يستحمل لحد ما ارجع من السفر وماعاد بيكون لهم حجة بقولهم انا موجودة وزوجي لو يبي شي انا راح انزل هو ماراح يطلع من الجناح...زوجي قال لامه انو راح يتحمل لحد مارجع من السفر ..تخيلو امه قالت لا حتى هي لو تبي تنزل تستأذن..انا وزوجي زعلنا وسكرنا الباب بالمره وما اقدر اروح عندهم الا لما اطلع للشارع...قهروني مو معقوله بنفس البيت ويسكرو علينا ..يقولو لا تطلعو ماراح نطلع مو مشكله احنا مو اغراب...المهم اناجيت من السفر تعبانه توني اجهضت...تصدقون ولا وحدة طلت علي ولا قالت سلامتك...جا العيد قلت بعمل باصلي واروح اعيد عليهم مهما كان مابي شي يختلف..وياليتني مارحت ام زوجي قاعدة تقول اصلا عادي مولازم تنزلين ولو حبيتي دقي الباب ..وشوية ابني ماكان كذا رجع واحد ثاني وانا عارفه انها تقصد اني السبب ...قلتلها تبي تقولين اني اعلمه واني خربته ...لانو هي قالت لزوجي كذا قبل لا ارجع من السفر قالت انت تزوجت وخربت ...هي ردت عليا قالت لا مو قصدي كذا .....المهم الحين هم يضلون يطلعون ويتمشون وتاخذ زوجات عيالهم معاه الا انا حتى مايقولون انا ازعل بس زوجي يقولي طز فيهم انااعرف اهلي لاتفكري فيهم كذا طبعهم من زمان...يبونا نمشي عمزاجهم...رغم ان زوجي اطيب واحد فيهم ويعطيهم بس لصار شي مو حلو منه قالوعليه اشين واحد.
الحين قولولي انا تعبت من التفكير فيهم وكماناحنافي نفس البيت ونظرة الجيران كمان تغيرت واسمع اخبار ان اهل زوجي يحشون علي ...والله ودي انساهم ومادري يضيق خاطري لمااروح عندهم قوولي كيف اتعامل معاهم تكفون مواضيع ذات صلة |