رد: انا على علاقة بشاب الرجاء الدخووول
انا على علاقة بشاب الرجاء الدخووول
نعنوعه اكيد اتشرف بصداقتك
وراح تلاقي مني ومن بنات المنتدى كل الحب والاخلاص
الحب الصادق والسامي بإذن الله
وشوش الدلوعه قالت لك كلمة حق
وهي
(((اعرف كتيير بنات تعرفوا على شباب وكلهم لما تيجي تنصحيهم بيحكولي انه انا حاسه هاد الشب غير ومختلف
والله والله انه بعدها بطلع مقلب لاغير ولا عباله بس في شباب بيعرفوا كيف يضحكوا على البنت ويحسسها انه هو غير وبعدها بتوقع بالفخ وبتندم على كل شئ))))))
وانا قبل اربع سنوات بالتمام كنت اعرف وحده من نفس قريتي لها علاقه بشاب
كانت تقول نفس الكلام وانه ماله اغرض ولانيه سيئه هو يحبها لانها فقيره ويعطيها مصروف ومهتم فيها وصارت بينه وبين شباب كثير مشاكل عشانها وكمان بينه وبين أبووووه وطرده من البيت كم يوم
لانه بجد يحبها مثل ماكان مبين لهم
بس بالنهايه جرهم الشيطان ووقعوا في الحرام
وبعد مااخذ منها أغلى شي عند البنت وتاج عفتها
بدأت نفسه تتغير عليها
وبدأ يتهرب
وكل يوم والثاني يطلع بكذبه وعذر انه في ورطه
وانو ماتخلا عنها بس مايبغا يغضب ربي
ولازم يراضي ابوه
وكلمت اخويه الكبير راح يتكلم معه قال له والله انا ماابغاها بس ماابغااجرحها لانها حساسه و والصدق يابوفلان هذي موكفو اكمل معها حياتي ولاتكون ام لعيالي
وظليت اراجع معها من مستوصف لمستوصف
على امل انها ترجع مثل ماكانت فكانت كل طبيبه تأكد لي انه مافيه اي امل وان الغشاء تمززق تمزق كامل
والبنت فقيره مافيه امل تدفع مبالغ لاي علاج
وماكان قدامها اي حل الا انها تجلس على حالها
ومع الايام تكرم اخوي الله يجزاه خير وجمعنا مبلغ
وعطينا الولد اللي كان يدعي حبها ... على اساس يتقدم يخطبها ....اعتذر الولد وقال والله ماتلزمني ابداً وانا لوابغاها كان قدرت ادبر بس ما لي رغبه اني ارتبط فيها ابداً
وبعد محاولات بائت بالفشل اكثرها
ملك عليها وطلقها ثاني يوم
وحتى كلمه ماكلمها ولاكان يرغب في الجلوس معاها
واليوم البنت محد يبيها سمعتها تحت طايحه و اللي كان يدعي حبها اصبح هو يتكلم فيها ويقول انها هي عرضت نفسها عليه
ماندري هو صادق او يبغا يشوه سمعتها لكن انتهت قصتهم وباقي في قلبها شي لايمكن يمحوه الزمان
حتى لوكتب لها الله وتزوجت راح تموت الف مره ليلة زواجها لانها فقدت عذريتها وحتى لوجابت اولاد واحفاد راح تبقئ حسره في قلبها لايمكن تنساها
حبيبتي تذكري ان (حفت النار بالشهوااااات)
ومن ترك شئ لله عوضه الله خيرا منه انتي اتركيه لكي يعوضك الله بأفضل منه
وانا والله نشئت وكبرت يتيمة اب وكنت اعاني لكن ما أجعل يتمي يرديني المهالك ولاألطخ بسببه شرف عائلتي
بالعكس راح ارفع راس امي وابويه واهلي في حياتهم وبعد مماتهم
والوعد الجنه بإذن الله
واعيد مره ثانيه اتشرف حبيبتي بصداقتك راسليني خاص متى مابغيتي وراح تلاقيني
وحاولي تشغلي نفسك بحفظ سورة البقره
فإن اخذها بركه وتركها حسره
وكوني لك صداقات مع بنات معروفين بنزاهتم وعفة اخلاقهم
الله يحفظك حبيبتي وينور بصرك وبصيرتك ولا أسمع عنك الا كل خير
ومنتظره تبشرينا هنا باللي أقدمتي عليه وانا معاكي ايش ماكان قرارك راح اساندك ياعمري
دعواتي تحتويك....
|