|
|
التعامل مع الزوج و العلاقة الزوجية لمن عانت لفترة طويلة من التشنج المهبلي وعدم استطاعة الجماع يوجد هنا لمن عانت لفترة طويلة من التشنج المهبلي وعدم استطاعة الجماع العلاقة الزوجية Marital relationship و حياة زوجية سعيدة Married life مشاكل الحياة الزوجية و الحلول الثقافة الزوجية السعادة الزوجية حقوق الزوجين |
|
12-31-2014, 09:19 AM | #1 |
:: كاتبة محترفة :: |
لمن عانت لفترة طويلة من التشنج المهبلي وعدم استطاعة الجماع
الموضوع قبل ما ابدي صراحة منقول من منتدى اخر لكنه احسن موضوع طرح فيه الحل بالشرح التفصيلي. اريد فقط تدعولي انه يصير عندي حمل يا بنات لان انا وحدة من اللي عانو بسبب هذه المشكله والحمدلله انحلت بنسبة 95% بعد 3 سنين عناء بفضل الله ثم هذه البنت اللي طرحت مشكلتها وطريقة العلاج يلله نبدي بسم الله:
انا من الناس اللي عانيت من موضوع التشنج المهبلي اللاارادي .. وهو صعوبة الايلاج للزوج او حتى الاقتراب من المنطقة لانقباض العضلة مما يسبب ألم شديد .. استمر معي الموضوع خمس سنين وانا في هم الى ان تعالجت والحمد لله .. حبيت انشر الموضوع للاخوات اللي يعانوا منه الحمد لله بالدعاء والارادة استجاب ربي لي وعرفت مشكلتي عن طريق النت .. ورحت للدكتورة أماني شلتوت وهي متخصصة في الموضوع بمركز سمير عباس بجده. العلاج تقول انه ان شاء الله 100 % وهذي هي الطريقة الوحيدة للعلاج وهو عبارة عن تمرينات تدربك عليها الدكتورة .. تدخلي موسعات بأحجام صغيرة وتتدرج وتكبر الى ان تنفرج العضلة. البعض يقوم بالتدريبات في البيت عن طريق الشموع ولكن انا انصح بشراء الموسعات المخصصة . والحمد لله انحلت مشكلتي بعد 10 ايام مع اني كنت اشوفه شئ مستحيييييل . والله كنت في هم ربي يعلم فيه .. من جهه زوجي مقدر الوضع وواقف معايا ومن جهه حاسه باحساسه وألمه .. حبيبتي انا ما كنت اعرف عن هذا المرض الا لما قرأت عنه في النت .. كنت اتوقع انه بس ألم واني غير كل الزوجات واقل منهم لانهم قادرين يتحملوا وانا لا .. الحقيقة كان زوجي متفهم وتعب معايا كثير مره يوديني عند دكتورة نفسية ومره عند نسائية وماااافي اي حل. الى ان اشتقنا يكون عندنا طفل وهذا الكلام بعد تربع سنين ونصف .. فقررنا _بما انه مستحيل الجماع_ قررنا اني اعمل تلقيح صناعي . وربي هداني للدكتورة اماني شلتوت .. حاولت تقنعني بعلاج التشنج بس انا كنت رافضة ويائسة وقلت لها مستحيل اتعالج وحاولت معايا كثير وقالت لي راح اعالجك باذن الله في 10 ايام او اسبوعين بالكثير .. ضحكت وقلت مستحيل الم ووجع خمس سنين ينحل في عشر ايام !! واصريت اني اعمل التلقيح الصناعي وعملته تحت المخدر الكامل لانو ماكنت اقدر تكشف عليا. المهم دعيت هذه الفترة انه ربنا يكتب لي حمل واخلص من هذا الهم وربي يهديني للخير .. وسبحان الله ربنا ماقدر لي احمل بكيت كثير وتعبت كثير وجلست اصلي وادعي ربي يسهلها عليا . اليوم الثاني صحيت بقوة وعزيمة واصرار عجيبة اني اروح اتعالج . وفعلا رحت للدكتورة بعد الدورة على طول .. على فكرة الدكتورة حنينية جدا وشجعتني وقالت برافو عليكي . اعطتني اول جلسه بموسع صغير جدا بحجم الاصبع وكنت مرعوبة بس سبحان الله دخل بسهوله وما حسيت بألم لانها تعلمك كيف ترخي وتعطيكي مهدئ. خلته جوا 15 دقيقة وقالت روحي البيت اتمرني عليه 4 مرات في اليوم . كل مره 15 دقيقة . واخدت الموسع اللي بعده وسويته بنفسي في البيت .. ورحت لها سوت لي الموسع رقم 3 وبرضو اروح اتمرن عليه الموسع رقم 4 حطيته بنفسي في البيت.. وبعده بيومين الموسع رقم خمسه وقالت برافو عليكي ..استمريت على 5 اربع ايام وقلت لزوجي نجرب الجماع .. وبعد الم دخل واكملنا الجماع كامل لأول مره من خمس سنين . زوجي وانا فرحنا كثيرررر والدنيا ما سعتنا من الفرحه وجلس يبكي ويحمد ربنا ويضمني وانا متفاجأه ومو مصدقة نفسي. رحت لها ابشرها وقلت لها انه كان فيه ألم .. قالت خذي الموسع سته واتدربي عليه كمان يومين وحاولي تدخليه وتخرجيه . والحمد لله بعدها تم كل شي وماحسيت الا بالم خفيف جدا لا يذكر .. وقلت لها تعطيني حبوب تقوي الرغبة عندي عشان اتحمس ويروح الخوف والالم النفسي والحمد لله صار للحياه طعم والله بعد ما ذقت الهم والحزن وان شاء الله يارب يتسجيب دعائي واحمل هذا الشهر . اضافة مني: (بالنسبة للموسعات موجودة اما في محلات التجهيزات الطبية او في الصيدليات وحسب كل بلد اسالو طبيبتكم وهي تلاقيلكم مكانها) مواضيع ذات صلة |