ام زوجي
مرحبا ام علي
اسمحيلي اشارك بموضوعج لعل تلقين حل للمشكلة
حصلت معاي نفس المشكلة بالضبط من زمان والحمدالله وفقني وقدرت احول تصرفاتهم معي الى حب
ــــــــــــــــــــــــــــــ ــــــــــــــــــــــــــــــ ــــــــــــــــــــــــــــــ ــــــــــــــــــــــــــــــ ـــــ
من كلامج حاولي تنظرين وادققين اكثر بطريقة ايجابية
ــــــــــــــــــــــــــــــ ــــــــ
صراحة المشكلة هي ام زوجي مع شغالتها خاصة ومع بنتها بعد ...
اهني حددتي المشكلة من 3 اشخاص
ام الزوج - والدة زوجج اللي ربت هالولد وليلحين تشوفه صغير ومحد يعرفله غيرها لانها ام , وانتي تحبين ولدها فاذا انتي تحبينه فهذا يعني زوجج يتصف بصفات امه زرعتها فيه فكيف تنظرين لها في كبر سنها والعمر اللي تحتاج فيه الحنان
انا ادعي حق ام زوجي واقول يا رب طول بعمرها عشان جابت هالرجال الزين
اخت الزوج - صراحة ما اعرفها بس خل نقول تسمع كلام والدتها مبدئيا وتر العمر يلعب دور
الشغالة - عبد مأمور شنو تبي طمعانه في زوجج مثلا
ــــــــــــــــــــــــــــــ ــــــــــــ
التركيز يا ام علي في كل تصرف طلع منهم حطي يمه كلمة لييييييش ؟
وايد مشاكل صايرة من بداية زواجي لين اليوم بس صابرة ولكن نفد مني الصبر.....
ــــــــــــــــــــــــــــــ ــــــــــــــــــــــــــــــ ــــــــــــــــــــــــــــــ ـــــــــ
صحيح المشاكل تولد طاقة سلبيةوتخلي الواحد مرهق وانتي عليج 3 او 1 بس المطلوب اهني عزيزتي ابتعد عن الضغوط اواتعامل معاها
مبين عليج كنتي مركزه في كل كلمة قالوها او تصرف فعلووه
من جهة الصبر اصبر ولكن اصبر وانا عندي تفسير سليم لمشكلتهم وطريقة لحلها مع كل واحد منهم
لا تصبرين على الاحزان بل اقلبيها الى افراح
مااعرف ايش اسوي مراتا يجي على بالي فكرة الطلاق من زوجي ونفس الشئ نفسيتي صارت تعبانة
ــــــــــــــــــــــــــــــ ــــــــــــــــــــــــــــــ ــــــــــــــــــــــــــــــ ــــــــــــــــــــــــــــــ ــــــــــــــــــــــــــــــ ــــــــــــــــــــــــــــــ ـــــــ
من حقج تختارين حياتج ,فلنفترض انج اخترتي الطلاق , هل خططتي بعد الطلاق شنو حياتج
اما
مطلقة وما في نصيب لا سمح الله
او تتزوجين من واحد ثاني وهم اهله يأذونج وتختارين الطلاق
فالفكرة هذه غير سليمة ابداااااا وكوني قوية وتر انتي قوية لانج احسستي بالم والالم احساس واللس عنده احساس انسان قوي بس ساعات تنقصه الخبره
اذا فكرتي بالطلاق بشكل متكررر حتى وان كان وقت عصبية لا قدر الله سوف يحصل لانه هذا ما جذبتيه من افكار لنفسج
دايما قولي انا سيدة افكاري وردديها
اشتري شمعة ليمون ووقت اللي تتعبين حطيها مع غلق الانوار وحطي موسيقى للتأمل
طلعي مسرحية مضحكة
اخذي شور
اشربي ليمون بالنعناع
في وايد حلووول بس انتي مضغوطة يا قلبي
وخاصة حملت اول حمل وضيعت ومن بعده ماحملت لسه ....
ــــــــــــــــــــــــــــــ ــــــــــــــــــــــــــــــ ــــــــــــــــــــــــــــــ ـــــــــــ
الحمل من رب العالمين اهو اللي يعطي واهوه اللي ياخذ ...لا تحسين بالفشل ابدا انتي اديتي اللي عليج تم الحمل لكن الحياة والموت بيد رب العالمين
غمضي عيونج وتخيلي انج حملتي وكبر وفي كل مرحلة كنت سعيدة بطفلج يوميا
وان شاء الله بتشوفين الخير
مشكلة عمتي الي هي ام زوجي تعمل مشاكل على ابسط الاشياء مثلا : تخبرني ادهني فازلين في
يد زوجك المهم قلت لها ان شاءالله ....
ــــــــــــــــــــــــــــــ ــــــــــــــــــــــــــــــ ـــــــــــــــ
هنا انتبهي ام علي
ام زوجك ما تامر عليج ...ام زوجج تختبرك ...ولاحظي لمن تطلب منك لاحظي عيونها ,اذا تقول الجملة وتناظر عيونج وجها لوجه فهي تبي تشوف نتيجة الاختبار من وجهج الطيب
لمن رديتي عليها ان شاء الله تذكري شلون قلتيها مبتسمة ولا على جنب ولا ركضة جبتي الكريم
ام زوجج اختبارها كان تبي تعرف قوة
1- صبرج وتحملج للدنيا ..فانتي رسبتي بهالاختبار لان اذا كلام تعب نفسيتج باجر الدنيا شلون تواجهينها مع زوجج
2- مدى حبج لزوجج اذا حبيتيه فعلا تحبين كل ما فيه حتى اهله عسل على قلبج ..افتحي قلبج لهم بالحب
جربي اذا قالت لج شي برووح حيوية ونشاط وابتسامة مليانه حب
حاضر خالتي واركض اجيب الفازلين وادهن زوجي ..وبعدها اروح لها خالتي تبين ادهن ادينج
شنو بتكون ردة فعلها؟
ومن بعده طلع زوجي عندهم امه قالت له جيب فازلين انا ادهن لك زوجتك ماراح تدهن لك وتقحمت
ــــــــــــــــــــــــــــــ ــــــــــــــــــــــــــــــ ــــــــــــــــــــــــــــــ ــــــــــــــــــــــــــــــ ــــــــــــــــــــــــــــــ ـــــــــــ
الثانية الي هي شغالتها تقول جيب فازلين انا ادهن لك ....
ــــــــــــــــــــــــــــــ ــــــــــــــــــــــــــــــ ــــــــــــــــــــــــــــــ ـــــ
حبوا يثيرون اهتمامج بريلج ..فتحرشوا فيج عشان يشوفون عادي ترضين وتغاريم ولا لا
صراحة من سمعت هالكلام جاتني حرقة في قلبي
ــــــــــــــــــــــــــــــ ــــــــــــــــــــــــــــــ ــــــــــــــــــــــــــــــ ــــــــ
ههههههههه فديتج يا ام علي
الحرقة هذه اثرت على معاني وجهج البرئ انا متاكدة وشافوا علامات الغيره ..واكيد زوجج كان سعيد بس ما قالج ..سوي روحج ما تدرين
خبرتهم ولدكم وحده رايح وجاي كيف ادهن له يده ونفس الشئ تعصبت من ورائهم قلت والشغالة ليش
ــــــــــــــــــــــــــــــ ــــــــــــــــــــــــــــــ ــــــــــــــــــــــــــــــ ــــــــــــــــــــــــــــــ ــــــــــــــــــــــــــــــ ــــــــــــــــــــــــ
نجحتي بالاختبار هذا ..فعصبيتج تدل على حبج له والام شنو تبي حق ولده غير وحدة تحبه وتمووت عليه وادافع عنه على ابسط الامور
فردة فعلج 100/100
مدخلة نفسها ف هالشئ كأن هي زوجته ما انا ....
ــــــــــــــــــــــــــــــ ــــــــــــــــــــــــــــــ ــــــــــــــــــــــــــــــ
مو صحيح بس لفترة معينة صدقيني ...وراح تضحكين على هالايام
عصبت على زوجي نفس الشئ في اشياء تافهة يخلوني اعصب ماادري ايش اسوي
ــــــــــــــــــــــــــــــ ــــــــــــــــــــــــــــــ ــــــــــــــــــــــــــــــ ــــــــــــــــــــــــــــــ ــــــــــــــــــــــــــــــ ـــــ
ام علي عليج بالابتسامة فقط لا غير ..ما لاحظتي انه زوجج كان ساكت وعادي عنده ...هذا دليل على انه اختبار لج
بس حسبي الله على عمتي صراحة واجد تسوي فيني واجد تجلس تهيني دوم اهانات واهانات
ــــــــــــــــــــــــــــــ ــــــــــــــــــــــــــــــ ــــــــــــــــــــــــــــــ ــــــــــــــــــــــــــــــ ــــــــــــــــــــــــــــــ ــــــــــــــــ
تأكدي اول يمكن صح ويمكن لا ..عشان ما نندم على دعائنا
حسبي الله عليهم والشغالة عارفتنها .... عشان كذاك تتدخل عمرها وهي عادي عندها ....
ــــــــــــــــــــــــــــــ ــــــــــــــــــــــــــــــ ــــــــــــــــــــــــــــــ ــــــــــــــــــــــــــــــ ــــــــــــــــــــــــــــ
امسكي الشغاله وكلميها بابتسامةة وبطريقة سيدة البيت اللي انت قاعدة فيه ....بهالهجة
فلانة ..من اليوم ورايح اي شي حق زوجي فلان لا تسوين واذا بغيتي اتسوين تعالي قوليلي ...اوكي ..مشكورة
وامشي ولا تلتفتين
انتي جنة ولدهم تامرين على الخدم الموجودين مو تحترين منهم ولكن وصلي المعلومة بطريقة ذربة وبدون هواش راح تفرظين انشاء الله هيبتج
بنات افيدوني مو اسوي ياليت نصائح مجربة من قبلكم
اسفه طولت عليج بس حبيت اوضح الامور
وطمنيني عليج
مع السلامة وموفقة
|