ازياء, فساتين سهرة

العودة   ازياء - فساتين سهرة و مكياج و طبخ > الحياة الخاصة و الصحة > التعامل مع الزوج و العلاقة الزوجية
تسريحات 2013 ذيل الحصان موضة و ازياءازياء فكتوريا بيكهام 2013متاجر ازياء فلانتينو في باريسمكياج العين ماكياج دخاني makeup
التعامل مع الزوج و العلاقة الزوجية اهل زوجي سبب تعاستي يوجد هنا اهل زوجي سبب تعاستي العلاقة الزوجية Marital relationship و حياة زوجية سعيدة Married life مشاكل الحياة الزوجية و الحلول الثقافة الزوجية السعادة الزوجية حقوق الزوجين


 
قديم 08-31-2015, 08:18 PM   #1

شمايل الخير

:: كاتبة جديدة ::

الملف الشخصي
رقم العضوية: 244782
تاريخ التسجيـل: Aug 2015
مجموع المشاركات:

اهل زوجي سبب تعاستي


اهل زوجي سبب تعاستي

السلام عليكم حبيباتي ... راح ادخل في موضوعي بدون مقدمات انا متزوجة من خمسة سنين وعندي ولد عمره ثلاث سنوات طبعا اعطيكم فكرة عن اهل زوجي للأسف ناس مايعرفوا الذوق والواجبات والاصول ولا المجاملات لما اتزوجت زوجي هو اللي قام بكل شي حتى ماديا ماساعدوه مع انهم مقتدرين مش ناس على قدهم ولا بعد الزواج قدروا زوجة ولدهم بانه يجاملوا ويعملوا عشا زواج ولا اي شي ولا حتى بعد ماولدت اهلي هم اللي عملوا عقيقة ابني مع العلم انه اهلي شايلين زوجي على رأسهم وكل ما جاهم عملوا عشا وحتى لما يسافر ويرجع يعملوا له عشا يعني من الاخر اهلي مقدرين زوجي وأهل زوجي مو مقدريني مش كره منهم لكن تبلّد وعدم فهم بالذوقيات وحتى لما اروح عندهم والله اخرج من بيتهم ميتة من الجوع هذا الشق الاول والبسيط من الموضوع
الشق الثاني ام زوجي حاليا اصابها روماتيزم في أيدها ومعاد تقدر تشتغل وسارت تنسى كثير وعندها بنتين وحدة ساكنة بالخارج والثانية في نفس منطقة أمها لكن للأسف فين وفين لما تجي لامها مع انه أمها في حاجتها وحاجة رعايتها ولما تجي زي الضيفة كم ساعة وتمشي مع زوجها اللي هو أصلا مايحب انها تنام عند أمها وهي تتحجج ببيتها وأولادها المهم سالت لام زوجي عن شغالة وجبتها لها وجلست فترة وخرجت وقاللي زوجي شوفي شغالة تانية وفعلا دورت مع انه صعب هذي الايام احد يلاقي شغالات بس لقيت وجبتلها التانية وجلست مدة شهرين تقريبا وخرجت وانا والله ما استنى من احد شكر ولا ثناء وانا انسانة اعمل بأصلي الحمدلله لكن ماسمعت كلمة حلوة حتى من زوجي ولا كلمة شكر المهم الفترة الاخيرة زوجي سار يجيب امه عندي في البيت انا مو معارضة الله يحييها ولما تجيني أعاملها زي امي وأكثر لكن اللي أعاني منه شيئين حاليا الاول انه يجيب امه فجأة عندي بدون مايعطيني خبر وكثير اصحى من النوم الصباح ألاقيه هو وياها في الصالة احيانا أكون مو مستعدة وأحيانا مريضة ما اقدر أستضيف احد مع العلم انه عندها اولادها 2 متزوجين وساكنين تحتها لكن ماحد فيهم يستقبلها كلو يرمي على التاني الين ماسرت انا اللي متحمله امهم مع انها تحتاج رعاية خاصة الله يكرمكم حتى بالحمام وانا معليش مستحيل اعمل هذا الشي بناتها الزم بخدمتها احس انه زوجي جالس بالتدريج يرمي هم امه عليا وانا ليا بيتي وابني اهتم فيه وحياتي زي ماهم لهم حياتهم ورافضين انه احد يقتحم حياتهم وعايشين ومبسوطين ويروحوا ويسافروا ويجوا وانا حياتي معطلة لا اقدر اروح ولا احد يجيني وكثير بابا يتصل عليا يكون يبغى يزورني دقايق ويعرف انه ام زوجي عندي يبطل وغير اتصالات اخوان زوجي وأخواته في كل وقت بدون مراعاة واحترام أوقات النوم ووقت الغدا والعشا وحتى لما أكون معاه في مشوار وأكون ماصدقت يخرجني انا وولده يتصلوا عليه وهما عارفين انه انا معاه يقولوا تعال يا اما عندهم مشاوير عشان يجلس هو مع امهم يا اما يقولولو احنا متجمعين وفعلا يختصر مشواري معاه ويروحلهم بدون اي مراعاة لمشاعري غير تقصيره اللي بيزيد اكثر يوم عن يوم في حقي انا وولده في حاجات البيت والمصروف سار بيصرف على بيت أهله ويخلي لي الفتات الين سرت والله احيانا انام بدون غدا وعشا وهوا يكون متغدي مع امه واخوانه ومايفتكر الا قبل الفجر يسألني إكلتي ولا لا. سار همه امه وبس انا مابمنعه عن امه وربي عالم قد ايش أوصيه عليها وغير معاملتي لها اللي احسن من معاملة بناتها وسلايفي الاتنين اللي مايدخلوها بيوتهم لكن الغريب انه مع هدا أزواجهم شايلينهم فوق رأسهم وانا زوجي مهملني اخر إهمال وانا ليا حق مابطالب بأكثر من حقي وربي عالم جلست معاه كم مرة وكلمته بهدوء وحب يردعليا انه امه اهم من اي شي انا ماقلتله ولا جبت سيرة امه لكن الا وإلا يبغى يخليني في مقارنة مع امه وهذا شي غلط الام ام مهما كانت وهي أولى فيه لكن مايظلمني وانا اللي بساعده واسانده دلوني وشورو عليا ايش اعمل ضاقت بيا العيشة

 
قديم 08-31-2015, 09:10 PM   #2

منارة السهر


رد: اهل زوجي سبب تعاستي


اهل زوجي سبب تعاستي

صدقيني خيتو انقهرت لما قريت موضوعك عن معامله اهل الزوج والله انا اسوا منك كتتتيييير بس صابرين لله
اما بالنسبه لام زوجك لازم تتفاهمي انت وزوجك شوفي الراجل ما يجيبه الا الحنان والدلال واللطف مو بالنكد
فهميه انو لازم يجتمع هو واخوانها ويعملو برنامج مثلا كل اسبوع ياخذها واحد منهم عنده تقضي كامل الاسبوع ويروروحو يزوروها عنده
لانها امهم وواجب عليهم رعايتها حتى فما يخص الحمام لازم يعتنو فيها هاد لان ربنا هو الي امرنا بطاعتهم
اما انت كوني افضل منهم اخلاقا ودينا وظلك هيك بنت أصل وتاكدي انه رح يجي يوم وترتاحي
انت اكثري من الاستغفار وادعي دعاء ازالة الهم ورح تشوفي النتائج فورا على نفسيتك ورح ترتاحي
اللَّهُمَّ إِنِّي عَبْدُكَ، ابْنُ عَبْدِكَ، ابْنُ أَمَتِكَ، نَاصِيَتِي بِيَدِكَ، مَاضٍ فِيَّ حُكْمُكَ، عَدْلٌ فِيَّ قَضَاؤُكَ، أَسْأَلُكَ بِكُلِّ اسْمٍ هُوَ لَكَ سَمَّيْتَ بِهِ نَفْسَكَ، أَوْ أَنْزَلْتَهُ فِي كِتَابِكَ، أَوْ عَلَّمْتَهُ أَحَدًا مِنْ خَلْقِكَ، أَوِ اسْتَأْثَرْتَ بِهِ فِي عِلْمِ الْغَيْبِ عِنْدَكَ، أَنْ تَجْعَلَ الْقُرْآنَ رَبِيعَ قَلْبِي، وَنُورَ صَدْرِي، وَجَلَاءَ حُزْنِي، وَذَهَابَ هَمِّي))([1]
اها منورة المنتدى بانظمامك العطر

 
قديم 08-31-2015, 09:20 PM   #3

شمايل الخير


رد: اهل زوجي سبب تعاستي


اهل زوجي سبب تعاستي

تسمي حبيبتي منارة السهر المنتدى منور بوجودك .. اما في ما يخص اخوان زوجي فلاسف هم انانيين جدا حوال زوجي واخوه الكبير معاهم انه يعملوا جدول لكن كلهم بتحججوا بازواجهم وزوجاتهم واولادهم مافي فايدة ابدا وانا خايفة يستغلوا وضعي ويرموا امهم عليا وهذا اللي بيحصل بدون مراعاة لحياتي انا كمان انسانة ليا حياتي ويا مناسبات ومشاوير مهمة اتعطلت عنها بسبب وجود امه عندي ولما بيجيبوها من العصر لقبل الفجر وانا اكون تعبانة واحيانا مشغولة او مريضة او احد يكون يبغى يجيني ويكنسل جيته يعني حالة صعبة والله

 
قديم 08-31-2015, 09:50 PM   #4

منارة السهر


رد: اهل زوجي سبب تعاستي


اهل زوجي سبب تعاستي

عليك بالجوء الى الله والدعاء بالهدايه لزوجك واسألي زوجك بان يساعدك في الاعتناء بها ولما يكون عندكم مشوار ودوها لعند بنتها واذا في عندكم شيخ كبير بالعاءله خبروه يحكي مع اولادها بالشرع وانهم مقصرين في حق امهم ممكن الله يهديهم

 
قديم 08-31-2015, 09:53 PM   #5

~عائشة~


رد: اهل زوجي سبب تعاستي


اهل زوجي سبب تعاستي

منو عارفه ايه اقلك غير ربنا يفرجها عليك ويجعل كل شي بتقديمه لحماتك في ميزان حسناتك ورفع درجات ليك

 

أدوات الموضوع



الساعة الآن توقيت السعودية الرياض و الدمام و القصيم و جدة 08:02 PM.

 

Powered by vBulletin® Copyright ©2000 - 2018,
vBulletin Optimisation provided by vB Optimise (Pro) - vBulletin Mods & Addons Copyright © 2018 DragonByte Technologies Ltd. يمنع انتهاك أي حقوق فكرية علماً أن جميع مايكتب هنا يمثل كاتبه وباسماء مستعارة ولمراسلة الإدارة يمكنكم استخدام الإتصال بنا
Search Engine Optimization by vBSEO 3.6.0