 |
  |
|
|
|
|
|||||||
| حلويات و مشروبات كيكة العسل الروسيه Medovik cake من مطبخ الشيف موني بالصور يوجد هنا كيكة العسل الروسيه Medovik cake من مطبخ الشيف موني بالصور حلويات وحلى قهوه Sweets حلى حلويات مغربية حلويات بالصور drinks كوكتيل مشروب و طريقة عمل حلى للمناسبات و للضيوف |
|
|
02-28-2017, 04:22 PM
|
#1 |
|
شيف منتدى ازياء |
كيكة العسل الروسيه Medovik cake من مطبخ الشيف موني بالصور
السلام عليكم ورحمة الله
المكونات: ربع كوب عسل نحل كوب الا ربع سكر بودره 2 ملعقه كبيره زبده 3 بيضات فانيليا 3 كوب دقيق ملعقه كبيره بيكنج صودا مكونات الحشو: علبة حليب مكثف نصف كوب زبده طريه كوب ساور كريم(كريمه حامضه) وللتزيين: فراوله او حسب الرغبه الطريقه: على حمام ميه في اناء هحط السكر بودره وعسل النحل والزبده  ونقلبهم مع بعض لغاية مايدوبوا على حراره منخفضه  ونخفق البيض مع الفانيليا ونضيفه للخليط ده  مع التقليب المستمر عشان البيض ميستويش جوه الخليط  ونضيفلهم الدقيق والبيكنج صودا  ونقلبهم وهتبقى العجينه طريه بس في نفس الوقت هي اجمد من عجينة الكيك مش نفس قوامها  وهنسيبها تبرد نص ساعه لغاية ماتتماسك وهنقطعها 8 قطع  وناخد كل قطعه نفردها على دقيق  ونحطها على ورق خبز  ونقطعها على شكل دايره بأي فورمه عندنا او صينيه المهم كل القطع تبقى بنفس المقاس  ونقطع الزيادات  ونركنها على جنب  وندخله فرن هادي واول مايحمر نخرجه فورا وهو مبياخدش اكتر من 3 دقايق في الفرن وهيبقى طري  ونعمل كده مع بقية قطع العجينه وهاخد قطعه من ال8 قطع بعد ماتستوي هي والزيادات اللي قطعناها من كل قطعه بردو بعد مانساويهم وهنطحنهم عشان دول اللي هنزين بيهم من بره   تابعوني هكمل المشاركه الجايه |
|
02-28-2017, 04:22 PM
|
#2 |
|
|
رد: كيكة العسل الروسيه Medovik cake من مطبخ الشيف موني بالصور
ونبدأ نشتغل في الحشو بالنسبه للحليب المكثف قبل مانحضر الوصفه بيوم هنحطه في اناء ونغمره بالميه ونغطيه ونسيبه على النار 3 ساعات عشان نحوله لكرامل وبعدها نحطه في التلاجه وتاني يوم نفتح العلبه ونحط الحليب المكثف بعد ماكرملناه في اناء
 ونضيفله الزبده  ونضربهم بالمضرب الكهربائي  ونضيفلهم الساور كريم  ونضربهم مره تانيه  واحنا ضفنا الساور كريم عشان يخفف من حدة السكر اللي في الحليب المكثف ونبدأ نحط الحشو ده بين الطبقات     وهنغطي بيه الكيك من بره  وهنحط عليهم الفتافيت اللي طحناها ونزينها بالفراوله وده شكلها النهائي     جربوها وهتعجبكم |
|
07-22-2017, 04:01 AM
|
#3 |
|
|
رد: كيكة العسل الروسيه Medovik cake من مطبخ الشيف موني بالصور
ابدااااااع
تسلم الايادي |
|
07-22-2017, 09:45 PM
|
#4 |
|
|
رد: كيكة العسل الروسيه Medovik cake من مطبخ الشيف موني بالصور
واو تسلم ايدك حببتى
|
