لا اهتم بنظافتى او مظهرى او شكلى
لا اهتم بنظافتى او مظهرى او شكلى
عندى حاجة و ٣٠ س فبره الاختيار بالنسبة للجواز و كذلك ما بشتغلش
عندى احباط الان :
----------------
فما بعملش حواجبى
و لا بشيل شعر جسمى
و لا بستعمل مضمضة للفم و لا بدعك سنانى
و لا بستحمى و لا بسرح شعرى
..........كل ده بقيت بعمله بالعافيه
لما الشعر بيدلدل من جسمى و بحس بحساسية بعضوى بحلق جسمى كله بمكنة الحلاقة
ساعات بحلق عضوى و نص ساق رجلى و نص رسغ يدى و بشيل الزوايد ال بحواجبى بالموس و كذلك شنبى و وشى
و ساعات بسيبهم و انزل الشارع كده
و الان بقيت استمتع بقضم اظافر يدى و شد اظافر قدمى بالقصافة
و بقى الموضوع ده ادمان و مش عارفة امنع نفسى(لانى كنت مريضة بعمل كده لسنوات و استجمعت همتى بالعافيه و بطلتها بالعافيه)
و بقى شكل يدى و قدمى بشعان
نفسى ارجع زى زمان :
--------------------
اعمل جسمى كله بالحلاوة
و اشيل الزوايد ال بحواجبى بالملقاط
و اطول اظافرى و احط مانيكير
و اعمل شعرى بالحنة احيانا
و دولابى بقى كله فوق بعضه
و بقيت ارمى ادواتى و لبسى على البوفيه ال فى الاوضة و شكل الاوضة مزبلة
كنت زمان :
----------
بمد ايدى فى الضلمة اطلع الحاجة
و برس الادوات فى البوفيه
و بحط كل حاجة متشابهة فى علبة
و كنت عاملة علبة للاكسسوار و جواها علب صغيرة : علبة بها خواتم و اخرى غوايش...الخ
.......الخ
انا عارفة انا ربنا حاططنى فى الافضل و ال اقدر اتحمله
و جايز حياتى كده افضل من تعرضى لمشاكل زوجية او مشاكل عمل
بس المشكلة نفسى حاجة تدفعنى بالعافيه عن الكسل و اللا المبالاة ال انا فيها و بظرف ٣ ايام الاقى نفسى رسيت كل شئ
نفسى فى جوازة بحيث اضطر ارس كل حاجتى بنظام بشنط و ارمى الكراكيب و اشحت الغير مستخدم بالعافيه
و ما انامش يومين ورا بعض من غير ما اعملهم
و المشكلة الاكبر انى شبه معاقة و الحمد لله ارحم من غيرى بكتير بس :
-----------------------------------------------------------------
انا بعانى من تقارب فقرة برقبتى : ماثرين على دراعاتى و كتافى
و فقرة بنص ظهرى : بحيث ما ينفعش انحنى الا قليل
و فقرتين باسفل ظهرى : واحدة بالجنب اليمين و واحدة بالجنب الشمال : فما ينفعش اقف و لا امشى قليل
فالحاجات دى كاسرة همتى و عافيتى
فنفسى اتجوز ان شالله يوم بحيث ارس الحاجة بالعافيه و ان شالله اتطلق بنفس اليوم
و عشان اعمل جسمى كله بالحلاوة و حواجبى بالملقاط و اطول اظافرى و احط مانيكير و بحيث يبقى اسهل اثبت على الحاجات دى بعد كده لانى حبقى خدت اول دفعة
|