انتى متزوجة؟؟؟؟
انتى متزوجة؟؟؟؟
]يمكن الموضوع يظهر انه موضوع شخصى بس فعلا عايزة اتكلم معاكو واعرف رأيكم انا اولا مش متزوجة انا بعرفكم عشان دا بقى اكتر سؤال يتوجهلى فى اى مكان ازوره يمكن قبل حتى ما حد سال على اسمى !!! فعلا بجد وكأن دا هو اهم حاجة فى حياتى والرد بتاعى لما اقول لا مش متزوجة بيترتب عليه طريقة المعاملة وخصوصا لو السؤال من رجل !!!!! مش عارفة ليه الناس يهمها اوى يعرفو حالتى الاجتماعية نفسى اتعامل على انى انسانة وشخص يقدر يتعلم ويشتغل بغض النظر عن انى انسة والا مدام وعلى فكرة فى حاجة كمان عايزة اعرف رأيكم فيها هو انا ليه اصلا لسة مش مخطوبة والا متزوجة !!!!!!!!! عارفة برده دا حاجة شخصية بس فى غيرى كتيررر لسة مش متزوجات او حتى مرتبطات السبب بقى هو مش عارفة ايه السبب انا والا الشخص اللى بيتقدم اصلا ؟؟ بجد مبقتش عارفة مين السبب عدم ارتياح والا عدم تكافؤ والا ايه ؟؟ بجدمبقتش عارفة وبعدين الطريقة التقليدية اللى خنقتنى خنقتنى بجد نفس التفاصيل المملة الزيارة الموعودة الساقع والسخن والترحيب والمطلوب من العريس يعاين العروسة وياسلام لو مامته معاه تفرز وتتكلم وتعاين وبعد ما يمشو يبقو يفكرو يردو وساعات ميردوش اصلا وكأن الانسانة اللى شافوها دى معندهاش احساس والا مشاعرتحس وتزعل وبعدين تلاقى واحد ساعات عايز يعرف الرد فى نفس الجلسة الموقرة يعنى مفيش اى تعارف بينى وبينكيبقى اقول قرارى على اى اساس على اساس انى عجبتك !!! وميهمش بقى انا افكر واقرر براحتى وياويل لو حضرت خطوبة او فرح واحدة اصغر منى فى السن على التعليقات السخيفة من المحيطين ودعواتهم الممزوجة بالشفقة لان يمن الله عليا قريبا بابن الحلال على الرغم انى جامعية وفى بداية دراستى للماجستير والحمد لله ولكن عدم وجود ابن الحلال فى حياتى كانها وصمة عار وذنب يدعولى الجميع ان يغفره لى الله سبحانه وتعالى وتعمد بعض الصديقات المتزوجات بمحاولة اقناعى وتقديمى لتنازلات لانه على حد قول البعض (كله فى الاخر جواز وعيشة) مش عارفة ايه السبب ويمكن بكونى ابنة وحيدة لثلاث اشقاء ذكور يجعل الانظاز تتجه لى نفسى تهتمو بموضوعى وبجد عايزة ردود ومناقشة موضوعية عايزة اعرف انتو بتفكرو ازاى فى الموضوع دا وهل انا غلطانة انى متمسكة بمواصفات معينة مش عايزة اتنازل عنها يعنى البعض يستفزنى ويقولى هو انتى مش نفسك تتجوزى وتجيبى اطفال؟؟؟؟؟؟ انا من داخلى نفسى بجد الاقى شريك حياتى مش سهل عليا الاقى كل صديقاتى متزوجات ولديهم اطفال وانا احس انى وحيدة نفسى موبايلى يرن والاقيه شريك حياتى عايز يطمن عليا ومشكلتى بجد انى رومانسية اوى نفسى اعيش قصة حب بجد متبادلة ونفسى الاقى الانسان اللى اهتم بيه وأسال عليه يشركنى فى اموره وانا اخد رأيه فى امورى يعنى المشاركة المعنوية على الاقل اشعر ان فى حد فعلا يهمه امرى بعد اسرتى طبعا ياريت فعلا تشاركونى بجد واخيرا شكرا لكم
|