رد: ابي مساعدتكم ياهل الخير الحقو وش اسوي
ابي مساعدتكم ياهل الخير الحقو وش اسوي
يا رب والله ما عارفي شو احكيلك الله يعينك يارب ويصبرك ويبرد قلبك
شوفي انا رح اعطيكي اكتر من راي اجو في بالي وانتي حسب وضعك العائلي والاجتماعي بتقرري وان شاء الله يساعدوكي والراي الك بالاخير
اول شي واهم شي انك تضلي تدعي وتصلي وتطلبي من ربنا يهديه ويبعد عنه بنات الحرام والحي بالدعاء والله لو بعد فتره ربنا بيستجيب مهما طالت الفتره ما بردلك الدعاء ان شاء الله
تحل تاني وهوي انك ما تفكري ببنتك بالطريقه هيدي لان اصلا الوضع الاسري والنفسي اللي انتي فيه وابوها في مش صحي من الاساس فا مش رح تفرق الانفصال بالعكس ممكن يكون صحي اكمتر ويخليكي تكوني بنفسيه صحيه اكتر لتربيها وتوفري كل الرعايه الها بصفاء انتي بتقولي شو زنب بنتي طب ولو حملتي كمان رح تقولي شو زنب بنتي وابني وبعدين شو زنب اطفالي و............. فا لاء اوقات بيكون الانفصال لصالح الاولاد وبيئه صحيه اكتر لان اب متل هيك غير صالح انه يربي جيل بصراحه
هلاء موضوع انه بيعاملك بحب يمكن فعلا بيحبك بس فر رجال عينهم زايغه ما بيقدرو يبطلو الوساخه سوري يعني بس بيكون عنده ست مش ناقصا شي وعينون لبرا علي اشكال بعيد عنك زفت بس الحرام بيشدهم عشان هيك ادعي ربنا يصحي ويبعد عنه الحرام ويوفقه من اللي في
حاولي تبعديه عن اصحاب السؤ ممكن يكونو السبب
راي تاني بلشي تفاتحيه بالموضوع بس مش مباشره يعني قوليلو انا حاسه عندي شعور حلمت كزا وكزا دير بالك ما تكون بتغضب ربنا حاولي تخليه بالصدفه يسمع مواعظ وخطب او دروس بتحكي عن الموضوع بالصدفه زكري باولاده
جبيله سيره وحده صحبتك جوزها اكتشتفه انه بيخونها وبيعمل وبيسوي وانفصلو الاوطفال اتشردو او جوز صحبتك كان بيزني وبيخونها واكتش عنده مرض الايدز لسمح الله
وانفصلو وادمرت حياته بعد ما كان عنده بيت كامل واطفال صار وحيد ولا عاد ينفعه لا حلال ولا حرام وحوالي تذكري راي بهالموضوع وبعدين قوليله الحمدلله انا بحمد ربي عليك وان عندي زوج مخلص متلك يعني حاولي تحسيسيه بالزنب هالطريقه بلشي فيها قبل ما تقوليلو حاسه وهيك وخلي بين كل مره ومره فتره عشان ما يحس ان في حرب عليه وان في براسك شي بدك توصليه
بعدين بتقدري تبلشي تقوليله انا بسمع وصديقاتي وهيك صرت اخاف يارب يبعد عنك الحرام وولاد الحرام وانت غير وانت عندك دين وبتحب بيتك وما رح تغامر انك تخسره شو هالهبل اللي بفكر فيه انا ومن هالاسلوب لو فهمتيني خليه ضميره يانبه ولو ما في ضمير عالاقل الخوف من مواضيع الفضيحه وان الايدز منتشر وان بعد الانفصال انفضح واهله واهلها والعالم عرفو انه زاني وانه بيعمل حرام وهيك
يارب اكون فدتك وشوفي انتي الحل اللي بيناسبك
والله يارب يفرجها عليكي امين ويخفف عنك ويبرد قلبك ويعينك
|