|
11-21-2009, 03:33 PM | #1 |
:: كاتبة ذهبيّـة :: |
حلويات مغربية وجزائرية اقتصادية
السلام عليكم امرحبا بضيوفي الكرام زارتنا البراكة اليوم مرحبا والف مرحبا اليوم غادي نوجد ليكم وصفات زويينين مع المقادير الحلوى الاولى حلوة كاوكاو و زنجلان زلافة كاوكاو محمر و مطحون مزيان زلافة زنجلان محمر و مطحون مزيان كاس عنبة الزيت 100غ زبدة رطبة متكونش دايبة معلقة صغيرة قرفة مطحونة كاس عنبة سكر سنيدة دقيق الي يجمع الحلوى خلطوا الجميع مزيان حتى تحصلوا على عجينة تقدروا تشكلوها عملوا منها كويرات صغيرة و عملوها فوريقات مدلان و رسلوها لفرن متوسط من 10 ل 15د حتى تبد تحمر من تحت اول ما تبرد مزيان رشوا عليها سكر غبرة للتزين **اختياري** ممكن تشكلوها هلاليات كتجي غزالة لكن وراق مدلان كيحافضوا عليها احسن لانها كتدوووووووووب بالفم و بصحتكم الحلوة الثانية وريدات بكاوبيل العجينة 2 بيضات 125غ زبدة نصف كاس عنبة زيت خميرة الحلوى ا سكر فانيليا نصف كاس عنبة زيت 4ملاعق شكلاط غبرة طحين حسب العجين مربى للتزيين و الفرميسيل ملون او تونيك محكوك كتخدموا الزبدة و السكر مزيان تضيفوا الزيت و تخلطوا مزيان ثم البيض و يخلط ثم نضيفوا باقي المكونات لنحصل على عجين لين ما قاصحش بزاف نعملوا منه كويرات نرشموهم بمرشم الوردة و نرسلوهم للفرن تقريبا 15د اول متخرجوهم لصقوا كل زوج بالمربى و زينوا الجوانب اما بالفرمسيل او بالطونيك مهرمش**الطونيك هو بيمو الباسطا المعروف عندنا بالمغرب** الحلوة الثالثة حلوة مرشم البطاطا هي نفس حلوة مرشم البطاطا غير انا بدلت المرشم بمرشم وريدة صغيرة و هاد الحلوى كتعطي بهاد المرشم بزاف تبارك الله 2 بيضات رابعة الزبدة كاس عنبة زيت كاس كبير كوكو يعني جوز الهند مبشور تقريبا 2 كيسان عنبة و نص خميرة الحلوى عصير حامضة و قشرتها محكوكة طحين حسب الخليط 2 كؤوس عنبة سنيدة نخدمه الزبدة و السكر مزيان و نضيفه الزيت و البيض و نمزجه الكل مزيان نضيفه الكوك و الخميرة و العصير و قشرة حامضة و نضيفه الدقيق للحصول على عجينة لينة ما قاصحاش نعملوا كويرات و نمرمدوها فسكر سنيدة و نرشموها بالمرشم و نرسلوها للفرن متحمروهاش بزاف الا بقات بيضة كتجي غزالة فالمنظر و اكيد فالمداق و بصحتكم الغزالات عواشركم مبرووووووكة و متنساونيش من شي دعيوات من عندكم الله يخليكم تحياتي للجميع مواضيع ذات صلة |