ازياء - فساتين سهرة و مكياج و طبخ - الاكل الدسم بسعرات اقل

هتجيبى اغلب البهارات اللى عندك فى المطبخ

حوالى ثمن كيلو بودرة كارى

معلقة طعام قرفة

روز مارى + نصف جوزة الطيب + معلفة زعتر صغيرة+ من 3:4 عيدان قرنفل +5فصوص حبهان
حطيهم فى المطحنة واطحنيهم كويس اوى

2 ملعقة طعام جنزبيل مطحون

2ملعقة طعام ثوم بودرة

4ملاعق بصل بودرة

3 اكياس مرقة فورية ولو مش عندك مش مهم!!

معلقة صغيرة من كل من شطة+ كسبرة + كمون

معلقة صغيرة بقدونس مجفف

اخلطى كل البهارات السابقة وقلبيها كويس وحطيها فى برطمان زجاج

استعمليها بقى فى كل حاجة عندك وادعيلى!هتلاقى طعمها قريب جداااااا من الفاين فودز والماجى

استخدامات للخلطة

مكن تحطى شوية منها على زبادى وعصير ليمون وتبلى بيها الفراخ او اللحم وحطيها فى الفرن مقولكيش على الطعم حاجة سريعة كده لو مفيش وقت تتبلى وبدل ما تحمرى الفراخ وبس؟؟!!
بعد ما تسلقى اللحمة او الفراخ دوبى شوية ملح صغيرين وشوية من خلطتى الخاصة !1 وعصير ليمون مع زبادى وحطيها تحت الشواية ويا دوب تحمر مممممممممممم

وكمان تحطيها على البرجر او الكفته او اى نوع لحمة هتعمليها؟؟
وفى كمان خلطة روعة
عارفة البقسماط المتبل ؟؟
هاتى بقسماط وعليه معلقتين كبار دقيق وزيهم دقيق وتبليهم بمعلقة من الخلطة دى وشعرة ملح وفلفل
و حطيهم كلهم فى برطمان زجاج واستعمليهم وقت ما تحتاجى لكل البانيهات!!