ازياء - فساتين سهرة و مكياج و طبخ - إلى كل بنت ناشبة في حلق أهلها وما تصرفت .. مع إنهم حآطينهآ بلاش بدون مهر ..

إلى كل بنت ناشبة في حلق أهلها وما تصرفت ..(مع إنهم حآطينهآ بلاش بدون مهر )..

https://forum.upkelk.com/images/smili...ef009eeb45.gif https://forum.upkelk.com/images/smili...ef009eeb45.gif https://forum.upkelk.com/images/smili...ef009eeb45.gif

إلى كل بنت ناشبة في حلق أهلها وما تصرفت ..(مع إنهم حآطينهآ بلاش بدون مهر )..

كيف تصطادين شاباً دون اللجوء إلى الأساليب السقيمة ؟!

لإجابة على هذا السؤال إليكِ هذي الخطة الجهنمية

1) - ( في الزواجات) خليكِ مؤدبة وعاقلة ولا تروحين مع البنات

وتطير بوهتك معهم اركدي .. واثقلي شوي

2) - وامشي وإنتي حاطة رأسك بين كتوفك لا ترفعينه أبداً

،عشان يقولون متواضعة ومو متكبرة .

3) - لا ترقصين أبداً ، واقعدي وشدي أرضك واعتبري الرقص عيب .. وشق جيب

( وجاهدوا أنفسكم قدما تقدرون في ذلك ).

4) - دايماً إرتزّي والبسي أطول كعب عندك

--> ولو ان بعض البنات ماعليهم قاصر ما شاء الله

5) - شعرك افرديه كله وخليه سايح ولا تتركينه طاير وشوشة مهما كانت الموضة ،

لأن العجز ما يدورون إلا إلي شعرها ناعم ، وإلا يا عمري اللي شعورهم ليفة
>> ماأحد يلتفت لهم .

6) - خلي كلمة (خالة ) على لسانك وخاصة لأم الشاب المستهدف

عشان تحس بنوع من التميز عن بقية العجز
ولا مانع تنادين وحدة ثانية بهذا اللقب
>> ( احتياط إذا مانفعت إل خطة مع ذي العجوز ، راح تكون الثانية هي الهدف).

7) إذا بدت أمك تتكلم إنغزيها بكوعك عشان تدخلك بالموضوع ،

--> ( حتى لو مالك أي داعي )
وذلك اتباعاً لقاعدة كثر الدق يلين الحديد
وش دخل ه المثل ههههههههههههه

8) - إخوانك الصغار ... لاحقيهم وطامري وراهم حتى لو مو من عوايدك

وتصرفي معهم كأنك أمهم ( لأن هذا يوحي بما لا يدعو مجالأً للشك
عند العجوز بأنك حريصة على ذريتك مستقبلاً ) .

9) - مهما أكلت أمك من أكلة لذيذة خليها تقول :

مثل الأكلة اللي تطبخها بنتي ( فلانة )
حتى لو الأكل كان من المطعم الصيني أو حتى المكسيكي أو الفرعوني
--> لأن السناعة مطلب كل عجوز .

10) - إذا تكلموا الحريم عن أي عرس ،اكتمي نفسك لين يحمر خدك

( عشان يقولون البنت تستحي - واضح - ومالنا حق تكلمنا عندها )

** وبعد هذي الوصايا بتكون العجوز وقعت بالفخ **

... وخلصنا الخطة الأولى ...

.... الخطة الثانية ....

>> وهذه عاد للعريس الوسيم

اهجدي في بيت أهلك ولا عاد تطلعين وإذا جاء العريس

بيشوفك خلي أبوك يقول له : شوف البنت وهي ماتدري
على أساس انك تشوفها على طبيعتها وما تقول غشيتوني
وقبل لا يجي العريس بإسبوع أو شهر خمس شهور
( على حسب شين وجهك )
ادهري من صالون لصالون (صبغ ، فرد ، تنظيف بشرة ، صنفرة ،
تلميع كريستالي ،……….الخ )
ولا تخلين على نفسك قاصر أبداً .
إذا جاء العريس خلي أخوك يجلس بجنبه عند الشباك
( أو أي مكان على أساس فكرة إنك ماتدرين خخخخخخخخخ )
عشان ما يطول بالتبحلق بعدين – يطلع المستخبي -
وأيضاَ تحقيق لنظرية اللمحة ذبحة . وفي نهاية المشاهدة
خلي أبوك يقول له : العذر والسموحة وأنا عمّك
( ضمن الرجال وحطّه في جيبه )
ترا البنت حوسة --> مع انك طاقتن الزين كله .
في هاللحظة الولد بينط على راس أبوك وبيبوسه لين يشفط مخه ويقول له
متى العرس يا طويل العمر ؟ https://forum.upkelk.com/images/smili...p_70009681.gif https://forum.upkelk.com/images/smili...p_70009681.gif https://forum.upkelk.com/images/smili...p_70009681.gif https://forum.upkelk.com/images/smilies/mhboool.gif https://forum.upkelk.com/images/smilies/mhboool.gif https://forum.upkelk.com/images/smilies/mhboool.gif https://forum.upkelk.com/images/smilies/mhboool.gif https://forum.upkelk.com/images/smilies/mhboool.gif
>> وهنا تكون الخطة ناجحة وتحقق المقصد

## تحذيرمهم ##

* ابتعدي كل البعد عن أمهات العيال المتعلمات ..

راعيات الشنطة مثل لون الجزمة *، لأن هذولي يبيلهم خطة
أكثر تعقيداً وأطول مدّاً ... ننشرها لكم بعد التخطيط والتفكير بعمق بإذن الله

الله يوفقكم ويزوجكم ويسعدكم ، ولاتنسوني من حلاوة العرس

( أجل تحسبون هالتدابير بلاش ؟! )
ولاأحد يعلم أهله ، ترى هذي من أسرار المهنة ... وعلى رأي المثل
بنات تعاونوا ...... ماعنسوا .. هههههههه

https://forum.upkelk.com/images/smilies/emjjh).gif https://forum.upkelk.com/images/smilies/emjjh).gif https://forum.upkelk.com/images/smilies/emjjh).gif https://forum.upkelk.com/images/smilies/emjjh).gif https://forum.upkelk.com/images/smilies/emjjh).gif https://forum.upkelk.com/images/smilies/emjjh).gif https://forum.upkelk.com/images/smilies/emjjh).gif https://forum.upkelk.com/images/smilies/emjjh).gif https://forum.upkelk.com/images/smilies/emjjh).gif