القراقيش
 

المقادير : كيلو دقيق - كوب ونصف سمنه ونصف كوب زيت بس يكون نوع حلو -قطعة خميره فى حجم عين الجمل -معلقه كبيره شمر وينسون وانا بحمصهم - معلقه كبيره سمسم محمص معلقه كبيره حبة البركه ومعلقه صغيره ريحة الكحك ودى بتديها طعم حلو وريحه تحفه - و ذرة ملح - كوب ماء دافئ للعجن
الطريقه : اولا ندوب الخميره بمعلقة سكر وشوية ميه دافين ونخلى بالنا ان الميه مش تكون سخنه - وبعدين نجيب السمنه والزيت فى حله ونسخنهم كويس وبردوا نخلى بالنا انهم مش يغلو وبعدين الدقيق نحط عليه السمسم والشمر والينسون وحبة البركه وريحة الكحك ونعمل حفره فى النص ونصب السمنه بس نخلى بالنا لأنها بتبقى سخنه ونقلب بمعلقه لحد ما الدقيق يهدى وبعدين نبتدى نبسها كويس علشان الدقيق يشرب السمنه وبعدين نضيف الميه الدافيه ونعجن لحد ماتكون عجينه ملساء وتقريبا بتاخد من كوبايه الى كوب الا ربع وده على حسب الدقيق و نغطيها بفوطه نضيفه ونسبها تستريح لمدة ساعه هتلاقيها اتخمرت وبقت شكلها جميل تتبتدى تقطعيها وتسبيها شويه علشان تكمل تخمير هتلاقيها ارتفعت وبقت جاهزه على التسويه تشغلى الفرن على درجة 220 او على حسب الفرن بتاعك بس المهم ميكونش الفرن واطى علشان مش تبوظ وتشيبها لحد ماتلاقى القعر بقى لونه وردى وجميل تطلعيها وبالهنا والشفا

رد: القراقيش
 

شكرا لك
ابداع متواصل
تقبلي مروري وردي