لمون تارت
 

العجينة:
1 1\2 كوب دقيق
1\4 كوب سكر
بيضه مضروبة
100 جم زبدة
رشة ملح

الطريقة:
تضربي الزبدة بالمضرب شوية و تضيفي السكر و تضربي سوا بعدين البيضة المضروبة و تهدي السرعة لحد ما يختلطو و تضيفي الدقيق و رشة الملح و تضربي لحد ما تتجمع العجينة بس
ما تضربيش كتير
تحطيها في نايلون شفاف و تفرديها دايرة مبطة و تقفلي النايلون و تحطيها في التلاجة علي الاقل نص ساعة
تطلعيها و تفرديها في الطبق بتاع التارت بايدك في القعر و الحراف طبعا و تخرميها بالشوكة تخريم خفيف و تحطي فوقها ورق زبدة و تحطي عليها فول او اي حبوب تقيلة تتقلها عشان العجينة ما تتنفخش و تطلع لفوق"تفضل واخدة شكل الطبق عشان تحطي الحشوة لما تطلع" و تدخليها فرن 180 لمدة ربع ساعة او لحد ما الحراف تحمر شوية
و تطلعيها تبرد و تعملي الحشوة و هي في الفرن عشان يبردوا سوا

الحشوة:
3\4 كوب سكر
ممكن تقلي كمية السكر شوية
3 بيضات
1\3 كوب عصير ليمون و بيتعمل بالليمون الاصفر الكبير اوي ده
لو حد عايزها مزة اكتر يعملها بالليمون الاخضر
3 معالق زبدة
بشر ليمون

هتجيبي طبق غويط استانلس او بيركس و تضربي فيه البيض بالمضرب السلك و تحطي السكر و عصير اللمون و تقلبى و بعدين تكوني محضره كسروله صغيرة فيها مية بتغلي علي النار و تحطي عليها من فوق ا الطبق الستانلس
و توطي النار و تضربي الخليط بالمضرب السلك علي الحمام المائي ده لحد ما يتقل لمدة 10 دقايق تقريبا و لما يتقل شيليه من علي النار و حطي الزبدة و بشر الليمون و قلبي لحد ما تدوب الزبدة
و غطيه بنايلون شفاف علي وشه و سيه لما يبرد خالص هو و التارت
صبي الحشوة علي التارت و حطيهم في التلاجة علي الاقل ساعتين لحد ما الحشوة تمسك نفسها
زينيه بالكريم شانتي او برشة سكر بودرة بس انا بفضلوا من غير حاجة عشان مايبقاش دسم و هو لذيذ و نعش جدا في الصيف
بالهنا و الشفا

رد: لمون تارت
 

مشكوره غلاتي

رد: لمون تارت
 

شكرا لك
ابداع متواصل
تقبلي مروري وردي