ازياء - فساتين سهرة و مكياج و طبخ - الكريب الحلو والحادق من مطبخ الشيف مونى بالصور

السلام عليكم ورحمة الله
قبل مااكتب اى حاجة ادعولى من قلبكم ان ربنا يرزقنى الزوج الصالح
النهرده عملت الكريب باللحمة المفرومة الموز المكرمل ومصورة كل المراحل بالتفصيل
نبدء بسم الله
اول حاجة مقادير الكريب
3 كوب حليب
3كوب دقيق
6 بيضات
ربع كوب زيت
ذرة ملح
الطريقة
هنضرب بالمضرب اللبن مع البيض والزيت
وبعد كده نحط الدقيق والملح ونضربهم كويس اوى لغاية مانصل على قوام متماسك
هنجيب طاسة تيفال نحط فيها نقطة زيت
ولازم النار تكون عالية
ونحط فيها كبشة من العجينة ونفرشها فى الطاسة
لما الورقة ميكونش فيها مادة سايلة يعنى العجينة نشفت
نقلبها ونسيبها 5 ثوانى ونشيلها وهكذا لغاية ماالعجينة تخلص وفى كل مرة نحط
نقطة زيت فى الطاسة
وعشان التوضيح يبقى اكتر
اسيبكم مع الصور
http://i43.servimg.com/u/f43/15/33/51/98/122.jpg
http://i43.servimg.com/u/f43/15/33/51/98/221.jpg
شايفين العجينة لازم تكون كده
http://i43.servimg.com/u/f43/15/33/51/98/322.jpg
http://i43.servimg.com/u/f43/15/33/51/98/423.jpg
http://i43.servimg.com/u/f43/15/33/51/98/525.jpg
لما تكون بالشكل ده يبقى لازم اقلبها
http://i43.servimg.com/u/f43/15/33/51/98/621.jpg
ده بعد ماقلبتها
http://i43.servimg.com/u/f43/15/33/51/98/721.jpg
نيجى بقى للحمة المفرومة وطريقة تعصيجها
مقادير العصاج
ربع كيلو لحمة مفرومة
بصلة ونص
ملعقتين كبار سمنة
رشة ملح
رشة فلفل
ملعقتين شاى بهارات
6 طماطم
م ك صلصة
جزرة
فلفل اخضر
الطريقة
هنفرم اللحمة ونحط عليها البصل والملح والفلفل والبهارات
ونقلبها ونحطها ع النار ونقلبها لغاية ماتدبل نحط عليها السمنة ونقلبها تانى
بعد كده نحط عليها الطماطم مبشورة والصلصة والجزر والفلفل مخلوطين مع بعض وعليهم رشة ملح
ونقلبهم فى بعض ونحط حوالى كوباية ميه ونغطى عليها ونسيبها تلت ساعة لغاية ماتستوى
هسيبكم مع الصور بالترتيب
http://i43.servimg.com/u/f43/15/33/51/98/822.jpg
http://i43.servimg.com/u/f43/15/33/51/98/920.jpg
http://i43.servimg.com/u/f43/15/33/51/98/1016.jpg
http://i43.servimg.com/u/f43/15/33/51/98/1116.jpg
دى لما استوت وهاخد من على الوش 3 معالق كبار وهعين الباقى لمدة نص ساعة فى الفريزر عشان مينفعش احطه على الكريب وهو سخن
http://i43.servimg.com/u/f43/15/33/51/98/1215.jpg
دول ال3 معالق اللى اخدتهم حطيت عليهم ملعقة كبيرة صلصة
وملعقتين كبار صويا صوص عشان ده الصوص اللى هحطه على وش الكريب وهو فى
الصينية قبل ماادخله الفرن
http://i43.servimg.com/u/f43/15/33/51/98/1315.jpg
دى صورته بعد ماضفت عليه نص كوباية ميه وسيبته يغلى
http://i43.servimg.com/u/f43/15/33/51/98/1414.jpg
دلوقتى هسيبكم مع صور لف الكريب لغاية مايستوى ونقدمه
http://i43.servimg.com/u/f43/15/33/51/98/1514.jpg
http://i43.servimg.com/u/f43/15/33/51/98/1612.jpg
http://i43.servimg.com/u/f43/15/33/51/98/1712.jpg
ده لما حطيته فى الصينية وحطيت عليه الصوص اللى عملته قبل مادخله الفرن
هسيبه تلت ساعة بس على درجة حرارة 200 فى فرن الكهربا لو البوتاجاز هتبقى الحرارة اخفض
http://i43.servimg.com/u/f43/15/33/51/98/1812.jpg
ده لما استوى وقدمته
http://i43.servimg.com/u/f43/15/33/51/98/1912.jpg
تابعونى المشاركة الجاية هنزل الحشو بالموز المكرمل