ازياء - فساتين سهرة و مكياج و طبخ

ازياء - فساتين سهرة و مكياج و طبخ (https://fashion.azyya.com/index.php)
-   حلويات و مشروبات (https://fashion.azyya.com/38)
-   -   البوظة العربية (الدمشقية) من مطبخ الشيف مونى بالصور (https://fashion.azyya.com/473977.html)

الشيف مونى 06-17-2014 04:17 PM

البوظة العربية (الدمشقية) من مطبخ الشيف مونى بالصور
 
السلام عليكم ورحمة الله
كل عام وانتم بخير
ده اخر موضوع هنزله قبل رمضان ان شاء الله وهو البوظة العربية والبوظة العربية تاريخها بيعود لمدينة دمشق وهى اختراع سورى من سنة 1895 واللى اكتشفها وقتها شخص اسمه محمد حمدى بكداش واولاده واحفاده ورثوا منه المهنة والمحل بتاعهم اسمه بكداش وموجود لغاية دلوقتى فى دمشق فى منطقة سوق الحميدية وان شاء الله قريب ترجع سوريا زى الاول واحسن ونروح ناكل البوظة هناك على اصولها

مش هطول عليكم بس حبيت اقولكم نبذة مختصرة عن تاريخ البوظة (وطبعا النبذة دى لغير السوريين لأنهم اكيد عارفين اكتر منى)
المكونات:
لتر حليب
كوب وربع سكر
ملعقة صغيرة مستكة مطحونة
ربع كوب سحلب(خام مش مضاف ليه اى مكسرات)
2 ملعقة صغيرة ماء ورد
كوب فستق مجروش
الطريقة:
هنحط كوبايتين من الحليب والسكر فى كسرولة
http://i39.servimg.com/u/f39/16/73/51/37/113.jpg
ومعاهم المستكة المطحونة ونحركهم ونحطهم على نار هادية لغاية مايغلوا

http://i39.servimg.com/u/f39/16/73/51/37/313.jpg
وده شكل المستكة قبل مانطحنها
http://i39.servimg.com/u/f39/16/73/51/37/213.jpg
وبعد مايغلى الحليب والسكر هناخد منهم ربع كوب وندوب فيه السحلب وافضل نوع سحلب هو التركى بس بقية الانواع بردو تنفع انا عن نفسى استخدمت سحلب عادى
http://i39.servimg.com/u/f39/16/73/51/37/413.jpg
ونقلبهم لغاية مايدوب السحلب ونضيفهم على الحليب البارد والسحلب ده هو اساس البوظة العربية لأنه هو اللى بيخليها فيها مطاطية
http://i39.servimg.com/u/f39/16/73/51/37/514.jpg
ونحركهم لمدة دقيقة لغاية ماتتكون عندى رغوة ونضيفهم للحليب اللى غليناه فى الكسرولة
http://i39.servimg.com/u/f39/16/73/51/37/613.jpg
ونشغل عليهم النار ونفضل نقلبهم على نار هادية لغاية مايغلى ويغلظ قوامه ونضيفله ماء الورد(ممكن نستخدم ماء ورد وماء زهر حسب رغبتكم) ونعلى النار لغاية مايغلى مرة تانيه ولما نطفى النار عليه نصفيه عشان نضمن ان مفيش اى كلاكيع ونحطه فى علبة محكمة الغلق
http://i39.servimg.com/u/f39/16/73/51/37/714.jpg
ونضيفله الفستق المجروش وطبعا من اساسيات البوظة العربية الفستق الحلبى بس هو مش متوفر عندى فاستخدمت فستق امريكى
http://i39.servimg.com/u/f39/16/73/51/37/812.jpg
ونقلبهم
http://i39.servimg.com/u/f39/16/73/51/37/913.jpg
ونحطها فى الفريزر ونقلبها كل 5 ساعات عشان متكونش كتل تلجية وانا معنديش ماكينة الايس كريم لو عندكم هتحطوا البوظة فى التلاجة العادية وبعدين هتحطوها فى الماكينة لمدة ساعة ونص تقريبا والماكينة هتخلى البوظة تمط اكتر
قدمتها تانى يوم وطبعا مش محتاجة لأى تزيين
http://i39.servimg.com/u/f39/16/73/51/37/1012.jpg
http://i39.servimg.com/u/f39/16/73/51/37/1112.jpg
بصراحة طعمها اكثر من رائع وعجبتهم جدا فى البيت بس اكيد مش زى البوظة الاصلية بتاعة بكداش بس بنحاول لغاية ماناكلها فى دمشق ان شاء الله
يارب موضوعى البسيط ده يكون عجبكم

أنا ملكة ذاتي وهذا يكفيني 06-17-2014 04:28 PM

رد: البوظة العربية (الدمشقية) من مطبخ الشيف مونى بالصور
 
مشكووووووووووووووووووووووووووو وووووووووووووووووووووووووووووو وورة .....

~دقات قلب~ 06-17-2014 05:52 PM

رد: البوظة العربية (الدمشقية) من مطبخ الشيف مونى بالصور
 
يسلمو يا قلبي
فعلا سهلة و رائعة


الساعة الآن توقيت السعودية الرياض و الدمام و القصيم و جدة 08:15 AM.

Powered by vBulletin® Copyright ©2000 - 2024,
vBulletin Optimisation provided by vB Optimise (Pro) - vBulletin Mods & Addons Copyright © 2024 DragonByte Technologies Ltd.


Search Engine Optimization by vBSEO 3.6.0