ازياء - فساتين سهرة و مكياج و طبخ - البرازق الشامية بالسمسم من مطبخ الشيف مونى بالصور

السلام عليكم ورحمة الله

http://im46.gulfup.com/DvorfZ.gif
كل سنة وانتو طيبين
المكونات:
2 كوب دقيق
كوب سمنة سايحة
بيضة كبيرة
كوب الا ربع سكر بودرة
نصف ملعقة صغيرة فانيليا سايلة وممكن استبدالها بماء زهر
ملعقة صغيرة بيكنج بودر
ملعقة صغيرة محلب مطحون(والمحلب بذور نبات شجرى بيعطى للحلويات والمعمول نكهة خاصة وبيتباع عند العطار)
بيضة مخفوقة وفانيليا لدهان الوجه
سمسم محمص
الطريقة:
فى اناء هنحط السكر البودرة والبيضة والمحلب المطحون
http://i39.servimg.com/u/f39/16/73/51/37/117.jpg
ونضربهم بالمضرب السلك
http://i39.servimg.com/u/f39/16/73/51/37/217.jpg
ونضيفلهم السمنة السايحة ونضربهم تانى بالمضرب السلك (الويسك) لغاية مايمتزجوا
http://i39.servimg.com/u/f39/16/73/51/37/317.jpg
ونضيفلهم الدقيق المنخول والبيكنج بودر
http://i39.servimg.com/u/f39/16/73/51/37/417.jpg
ونقلب المكونات بمعلقة او بايدينا لغاية ماتتكون عندنا عجينة والبرازق المفروض متتعجنش كتير عشان كده بنقلب بالمضرب السلك مش المضرب الكهربائى
وفيه ناس مش بيضيفوا بيض للمكونات بس انا سألت شيف حلويات سورى قال ان البرازق لازم يتحطلها بيض
http://i39.servimg.com/u/f39/16/73/51/37/518.jpg
هنبدأ نشكل العجينة
ففكرت انى اخد جزء من العجينة واضغط عليها بظهر الكوباية عشان اسهل على نفسى الموضوع
http://i39.servimg.com/u/f39/16/73/51/37/617.jpg
واضغط عليها بايدى عشان ارفعها لأنها كل ماكانت رفيعة بقت احلى
http://i39.servimg.com/u/f39/16/73/51/37/717.jpg
ونقطعها بقطاعة الدايرة
http://i39.servimg.com/u/f39/16/73/51/37/815.jpg
ونشيل الزيادات عشان الاشكال تبقى منتظمة
http://i39.servimg.com/u/f39/16/73/51/37/916.jpg
وندهن وشها بالبيض والفانيليا ونحط على وشها السمسم المحمص
http://i39.servimg.com/u/f39/16/73/51/37/1015.jpg
وفيه ناس بتحط فى ظهر البرازق فستق ده اساسى فى الشام اللى هى بلد البرازق
هنخبزها فى فرن حرارته هادية ونطلعها لما وشها يحمر وهى مش بتاخد وقت طويل فى الفرن
وده شكلها بعد ماطلعت من الفرن
http://i39.servimg.com/u/f39/16/73/51/37/1114.jpg
http://i39.servimg.com/u/f39/16/73/51/37/1213.jpg
http://i39.servimg.com/u/f39/16/73/51/37/1313.jpg
يارب موضوعى البسيط ده يكون عجبكم