بسكويت السابليه من مطبخ الشيف مونى بالصور
 

السلام عليكم ورحمة الله
كل سنة وانتو طيبين
المكونات:
3 ونصف كوب دقيق
كوب وربع زبدة طرية
كوب الا ربع سكر بودرة
بيضة
ملعقة صغيرة بيكنج بودر
فانيليا
للحشو:
مربى فراولة او اى نوع مربى تحبوه
الطريقة:
فى اناء هنحط الزبدة
http://i39.servimg.com/u/f39/16/73/51/37/118.jpg
ونضربها بالمضرب نص دقيقة مثلا ونضيفلها السكر بودرة
http://i39.servimg.com/u/f39/16/73/51/37/218.jpg
ونضربهم كتير بالمضرب الكهربائى لغاية ماالخليط حجمه يتضاعف ويبقى لونه ابيض وقوامه كريمى
http://i39.servimg.com/u/f39/16/73/51/37/318.jpg
ونضيف البيضة والفانيليا
http://i39.servimg.com/u/f39/16/73/51/37/418.jpg
ونضربهم بالمضرب والنتيجة كريمة كريمة بتلمع وخفيفة وان وصلنا للنتيجة دى نبقى بنشتغل صح لأن ده اساس السابليه
http://i39.servimg.com/u/f39/16/73/51/37/519.jpg
ونضيفلها الدقيق المنخول والبيكنج بودر
http://i39.servimg.com/u/f39/16/73/51/37/618.jpg
ونعجنهم وهتبقى العجينة لينة وطرية
http://i39.servimg.com/u/f39/16/73/51/37/718.jpg
هنغلف العجينة ونحطها فى التلاجة لمدة نص ساعة عشان نعرف نشتغل بيها وفيها ناس بتحب تعمل سابليه بالكاكاو زى البتيفور هتاخدوا جزء من العجينة او نصها وهتضيفولها ملعقة صغيرة كاكاو للتلوين لو تحبوا
ونحضر القطاعات اللى هنشتغل بيها
http://i39.servimg.com/u/f39/16/73/51/37/816.jpg
وهنفرد العجينة بالنشابة على دقيق او بين ورقتين خبز ونبدأ نقطعها بالقطاعات وانا بحب اعمله سميك ممكن انتو تخلوه رفيع عن كده او زى ده حسب رغبتكم
http://i39.servimg.com/u/f39/16/73/51/37/917.jpg
وهنحطهم فى صينية مدهونة او على ورق خبز ونفرغ الاشكال من النص بعد مانحطهم فى الصينية عشان شكلهم ميتغيرش
انا فرغته بشكل مدور مخصوص للحلويات لو مش متوفر هنستخدم اى حاجة مدورة عندنا
http://i39.servimg.com/u/f39/16/73/51/37/1016.jpg
وخبزته فى فرن الكهربا على درجة حرارة هادية وشغلت النار من تحت بس عشان السابليه لازم يكون لونه ابيض
http://i39.servimg.com/u/f39/16/73/51/37/1115.jpg
وده شكل ظهر السابليه مش غامق وفى نفس الوقت مستوى
http://i39.servimg.com/u/f39/16/73/51/37/1214.jpg
ونبدأ نلصقه بالمربى
http://i39.servimg.com/u/f39/16/73/51/37/1314.jpg
وده شكله بعد ماخبزناه ولصقناه بالمربى
http://i39.servimg.com/u/f39/16/73/51/37/1413.jpg
وممكن نرش عليه سكر بودرة
http://i39.servimg.com/u/f39/16/73/51/37/1512.jpg
وفيه ناس بتحب تحشى السابليه وتلصقه بشوكولاته بدل المربى او تحط على الوش شوكولاته كل ده حسب الرغبة
يارب موضوعى البسيط ده يكون عجبكم

رد: بسكويت السابليه من مطبخ الشيف مونى بالصور
 

تسلم الأياادي

يعطيك الف الف عافيه

موضوع رااائع

وجهود أروع

ننتظر المزيد

بشوووق ...✿

رد: بسكويت السابليه من مطبخ الشيف مونى بالصور
 

تسلم ايدك ماشاء الله